പരമ്പര്യത്തിന്റെ പകിട്ടോടെ ശോഭിക വെഡ്ഡിംഗ്സ് മാൾ കാസർകോട്ട് പ്രവർത്തനം ആരംഭിച്ചു

കാസർകോട്: (KasargodVartha) വസ്ത്ര വ്യാപാര രംഗത്ത് പാരമ്പര്യത്തിന്റെ പകിട്ടിൽ തിളങ്ങുന്ന ശോഭിക വെഡ്ഡിംഗ്സിന്റെ ഏഴാമത് ഷോറൂം കാസർകോട്ട് പ്രവർത്തനം ആരംഭിച്ചു. എം.ജി. റോഡ് ഡ്രീംസ് സിറ്റി മാൾ ബിൽഡിങിൽ പ്രവർത്തനം ആരംഭിച്ച ശോഭിക വെഡ്ഡിംഗ് മാളിന്റെ ഉദ്ഘാടനം സയ്യിദ് പാണക്കാട് മുനവ്വറലി ശിഹാബ് തങ്ങൾ നിർവ്വഹിച്ചു.

വിജയരഹസ്യം സത്യസന്ധത

സാധാരണക്കാരുടെ വളർച്ച ലക്ഷ്യം വെച്ചുള്ള ശോഭികയുടെ പ്രവർത്തനം മാതൃകാപരമായ ദൗത്യമാണെന്ന് മുനവ്വറലി ശിഹാബ് തങ്ങൾ ഉദ്ഘാടന പ്രസംഗത്തിൽ പറഞ്ഞു. ഫൗണ്ടർ ചെയർമാൻ കല്ലിൽ ഇമ്പിച്ചമ്മത് ഹാജിയുടെയും സഹപ്രവർത്തകരുടെയും സത്യസന്ധതയാണ് ശോഭികയുടെ വിജയത്തിന് കാരണം. 

ഇത്തരം സംരംഭങ്ങളാണ് നമ്മൾ പ്രോത്സാഹിപ്പിക്കേണ്ടതെന്നും തങ്ങൾ കൂട്ടിച്ചേർത്തു. തങ്ങളിൽ നിന്നും ഡ്രീംസ് സിറ്റി മാൾ ചെയർമാൻ മെഹമ്മൂദ് ഹാജി ആദ്യ വിൽപ്പന സ്വീകരിച്ചു. ഫൗണ്ടർ ചെയർമാൻ കല്ലിൽ ഇമ്പിച്ചമ്മത് ഹാജി ചടങ്ങിൽ അധ്യക്ഷത വഹിച്ചു.

വിപുലമായ സൗകര്യങ്ങൾ

ബ്രൈഡൽ സെക്ഷൻ ആർ ജി ഗ്രൂപ്പ് മാനേജിംഗ് ഡയറക്ടർ ആർ ജി അംബിക ഉദ്ഘാടനം ചെയ്തു. ഒരു ലക്ഷം സ്ക്വയർ ഫീറ്റിൽ നാലു നിലകളിലായാണ് ശോഭിക വെഡ്ഡിംഗ്സ് മാൾ ഒരുക്കിയിരിക്കുന്നത്. വിശാലമായ ഈ മാളിൽ പാരമ്പര്യ വസ്ത്രങ്ങളോടൊപ്പം ആധുനിക ട്രെൻഡി കളക്ഷനുകളുടെ അതിവിപുലമായ ശേഖരമാണ് തയ്യാറാക്കിയിരിക്കുന്നത്. 

ബ്രൈഡൽ സോൺ, ലെഹങ്ക, സാരികൾ, മെൻസ് വെഡ്ഡിംഗ്, സൽവാർ, പാർട്ടി വെയർ, മെൻസ് വെയർ, ലേഡീസ് വെയർ, കിഡ്സ് ആൻ്റ് ന്യൂബോൺ, ഫൂട്‌വെയർ, ഫാൻസി, ഹോം ഡെക്കർ, വാച്ചുകൾ, പെർഫ്യൂം തുടങ്ങി വിവാഹത്തിനാവശ്യമായ എല്ലാം ഒരിടത്ത് ലഭ്യമാകുന്ന കംപ്ലീറ്റ് വെഡ്ഡിംഗ് മാൾ എന്ന ആശയത്തിലാണ് ശോഭിക കാസർകോട് എത്തുന്നതെന്ന് ശോഭിക ഡയറക്ടർമാരായ ഷിഹാബ് കല്ലിൽ, ഇർഷാദ് ഫജർ എന്നിവർ പറഞ്ഞു.

കസ്റ്റമൈസേഷൻ സൗകര്യം

ഉപഭോക്താക്കളുടെ ഇഷ്ടാനുസരണം വസ്ത്രങ്ങൾ കസ്റ്റമൈസ് ചെയ്യുന്നതിനുള്ള സൗകര്യവും ശോഭികയിലുണ്ടെന്ന് ഡയറക്ടർമാരായ ഷംസു കല്ലിൽ, ഹാഷിർ ഫജർ എന്നിവർ വ്യക്തമാക്കി. വിവാഹ വസ്ത്രങ്ങൾ ഓരോരുത്തരുടെയും താല്പര്യത്തിനനുസരിച്ച് രൂപകല്പന ചെയ്യാൻ ഇതിലൂടെ സാധിക്കും.

സമ്മാനപ്പെരുമഴ

ഉദ്ഘാടന ദിനത്തിൽ പ്രത്യേക സമ്മാനങ്ങളും ചടങ്ങിൽ പങ്കെടുക്കുന്നവർക്കായി ലൈവ് നറുക്കെടുപ്പിലൂടെ ആകർഷകമായ സമ്മാനങ്ങളും നൽകി. നറുക്കെടുപ്പിൽ തിരഞ്ഞെടുക്കപ്പെടുന്നവർക്ക് ഒന്നാം സമ്മാനമായി 25,000 രൂപ വീതം നാല് പേർക്കും രണ്ടാം സമ്മാനമായി ഒരു ഡയമണ്ട് നെക്ലസുമാണ് സമ്മാനമായി നൽകിയത്. ജനറൽ മാനേജർ എ റിഷാദ്, ഷോറൂം മാനേജർ അംജദ് അലി എന്നിവർ ഉദ്ഘാടന പരിപാടികൾക്ക് നേതൃത്വം നൽകി.

പ്രമുഖരുടെ സാന്നിധ്യം

ഉദ്ഘാടന ചടങ്ങിൽ എം എൽ എ മാരായ എൻ. എ. നെല്ലിക്കുന്ന്, സി. എച്ച്. കുഞ്ഞമ്പു, എം. രാജഗോപാലൻ, ഇ. ചന്ദ്രശേഖരൻ എന്നിവർ പങ്കെടുത്തു. കാസർകോട് മുനിസിപ്പാലിറ്റി ചെയർപേഴ്സൺ ഷാഹിന സലിം, വൈസ് ചെയർമാൻ കെ എം ഹനീഫ, കാഞ്ഞങ്ങാട് മുൻസിപ്പാലിറ്റി മുൻ ചെയർമാൻ വി വി രമേഷ്, വാർഡ് കൗൺസിലർ രാജേഷ് അമെയ്, ചന്ദ്രിക പത്രാധിപർ കമാൽ വരദൂർ എന്നിവരും സംസാരിച്ചു. കേരള വ്യാപാരി വ്യവസായി ഏകോപന സമിതി സംസ്ഥാന വൈസ് പ്രസിഡണ്ട് കെ അഹമ്മദ് ശരീഫ്, മർച്ചൻ് അസോസിയേഷൻ യൂണിറ്റ് പ്രസിഡൻ്റ് ഇല്യാസ്, വ്യവസായികളായ യു കെ യൂസഫ്, അബ്ദുൽ ലത്വീഫ് ഉപ്പളഗേറ്റ്, അബ്ദുൽ കരീം കോളിയാട്, രാഷ്ട്രീയ പാർട്ടി നേതാക്കളായ സിടി അഹ്മദ് അലി, രവീന്ദ്രൻ, മാഹിൻ കേളോട്ട്, ഷാനവാസ് പാദൂർ, എംഎൽ അശ്വിനി തുടങ്ങി വിവിധ മേഖലകളിലെ നിരവധി പേർ ചടങ്ങിൽ സംബന്ധിച്ചു. ജനബാഹുല്യം കാരണം വിവിധസമയങ്ങളിൽ ഷോറൂമിലേക്കുള്ള പ്രവേശനം നിയന്ത്രിക്കേണ്ട സാഹചര്യവുമുണ്ടായി.

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത

Article Summary: Shobhika Weddings opened its 7th showroom in Kasargod, inaugurated by Panakkad Munavvar Ali Shihab Thangal.

#ShobhikaWeddings #KasargodNews #WeddingMall #Fashion #GrandOpening #KasargodVartha