1000, 500 രൂപ നോട്ടുകള്‍ അസാധുവാക്കണമെന്ന് ആദ്യമായി ആവശ്യപ്പെട്ടത് താനായിരുന്നു; പുതിയ 2000, 500 രൂപ നോട്ടുകള്‍ ഇപ്പോൾ അസാധുവാക്കണം: ചന്ദ്രബാബു നായിഡു

Name: Kasargodvartha
Telephone: +914994230554 and 8848230617

By Web Desk BetaMay 15, 2017, 08:06 IST

ആന്ധ്രാപ്രദേശ്: (www.kasargodvartha.com 15/05/2017) 2000, 500 രൂപ നോട്ടുകളും അസാധുവാക്കണമെന്ന് കേന്ദ്ര സര്‍ക്കാരിനോട് ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു ആവശ്യപ്പെട്ടു. ഡിജിറ്റല്‍ ഇടപാടുകള്‍ വേഗത്തിലാക്കുന്നതിന് വേണ്ടിയാണ് 2000, 500 രൂപ നോട്ടുകളും അസാധുവാക്കണമെന്ന് ചന്ദ്രബാബു നായിഡു ആവശ്യപ്പെട്ടത്.
1000, 500 രൂപ നോട്ടുകള്‍ അസാധുവാക്കണമെന്ന് ആദ്യമായി ആവശ്യപ്പെട്ടത് താനായിരുന്നുവെന്നും നോട്ട് അസാധുവാക്കലിനു പിന്നാലെ പുറത്തിറക്കിയ പുതിയ നോട്ടുകളും അസാധുവാക്കണമെന്ന് ഇപ്പോള്‍ താന്‍ ആവശ്യപ്പെടുന്നുവെന്നും ചന്ദ്രബാബു നായിഡു പറഞ്ഞു..

ശനിയാഴ്ച വിശാഖപട്ടണം പോലീസ് വന്‍ ഹവാല സംഘത്തെ കസ്റ്റഡിയില്‍ എടുത്ത പശ്ചാത്തലത്തിലാണ് നായിഡുവിന്റെ പ്രതികരണം. നോട്ട് അസാധുവാക്കലിന് ശേഷം ആന്ധ്രപ്രദേശിനായി ആര്‍ ബി ഐയോട് കൂടുതല്‍ പണം ആവശ്യപ്പെട്ടിരുന്നതായും അതേ സമയം ആന്ധ്രയിലേക്ക് പണം എത്തുന്നുണ്ടെന്നും അതെങ്ങോട്ട് പോകുന്നുവെന്ന് അറിയുന്നില്ലെന്നും ആര്‍ ബി ഐ ഡെപ്യൂട്ടി ഗവര്‍ണര്‍ പറഞ്ഞിരുന്നു. എന്നാല്‍ പണം എവിടേക്കാണ് പോകുന്നതെന്ന് ഇപ്പോള്‍ മനസിലായെന്നും മുഖ്യമന്ത്രി പറഞ്ഞു.