ഓണക്കാലത്ത് സ്വർണം വാങ്ങാൻ പ്ലാനിടുന്നവർക്ക് തിരിച്ചടി; വില കുത്തനെ ഉയർന്നു

കൊച്ചി: (KasargodVartha) ഈ ഓണക്കാലത്ത് സ്വർണം വാങ്ങാനൊരുങ്ങുന്നവർക്ക് തിരിച്ചടിയായി, സംസ്ഥാനത്ത് സ്വർണവില ഉയർന്നു. കഴിഞ്ഞ ദിവസം നേരിയ കുറവ് രേഖപ്പെടുത്തിയെങ്കിലും, ഇന്ന് (ഓഗസ്റ്റ് 26, ചൊവ്വാഴ്ച) വിലയിൽ വർദ്ധനവുണ്ടായി.

ചൊവ്വാഴ്ചത്തെ സ്വർണവില

● 22 കാരറ്റ് സ്വർണം: ഒരു ഗ്രാം സ്വർണത്തിന് ₹50 വർധിച്ച് ₹9355 ആയി. ഒരു പവൻ സ്വർണത്തിന് ₹400 വർധിച്ച് ₹74,840-ൽ എത്തി.

● 18 കാരറ്റ് സ്വർണം: ആഗസ്റ്റ് 26 ന് 18 കാരറ്റിന് വിലയില്‍ വര്‍ധനവ് രേഖപ്പെടുത്തി, വ്യത്യസ്ത നിരക്കുകളാണ്. കെ സുരേന്ദ്രന്‍ വിഭാഗത്തിന് ഗ്രാമിന് 40 രൂപ കൂടി 7680 രൂപയിലും പവന് 320 രൂപ കൂടി 61440 രൂപയിലുമാണ് കച്ചവടം നടക്കുന്നത്. 

ബി ഗോവിന്ദന്‍ വിഭാഗത്തിന് ഗ്രാമിന് 40 രൂപ കൂടി 7740 രൂപയും പവന് 320 രൂപ കൂടി 61920 രൂപയിലുമാണ് കച്ചവടം നടക്കുന്നത്. 

കഴിഞ്ഞ ദിവസങ്ങളിലെ വില

തിങ്കളാഴ്ച (ഓഗസ്റ്റ് 25) 22 കാരറ്റ് സ്വർണത്തിന് ഗ്രാമിന് ₹10 കുറഞ്ഞ് ₹9305 ആയിരുന്നു. എന്നാൽ, ശനിയാഴ്ച (ഓഗസ്റ്റ് 23) ഗ്രാമിന് ₹100 വർധിച്ച് ₹9315-ൽ എത്തിയിരുന്നു. ഞായറാഴ്ചയും (ഓഗസ്റ്റ് 24) ഇതേ വിലയിൽ തന്നെയാണ് വ്യാപാരം നടന്നത്.

ഇത് കൂടാതെ, 14 കാരറ്റ്, 9 കാരറ്റ് സ്വർണത്തിനും വില വർധിച്ചിട്ടുണ്ട്.

കെ സുരേന്ദ്രന്‍ വിഭാഗത്തിന് ചൊവ്വാഴ്ച 14 കാരറ്റിന് ഗ്രാമിന് 30 രൂപ കൂടി 5980 രൂപയും പവന് 240 രൂപ കൂടി 47840 രൂപയുമാണ്. ഒന്‍പത് കാരറ്റിന് ഗ്രാമിന് 25 രൂപ കൂടി 3860 രൂപയും പവന് 200 രൂപ കൂടി 30880 രൂപയുമാണ്. 

വെള്ളിയുടെ വില

ചൊവ്വാഴ്ച ഒരു ഗ്രാം സാധാരണ വെള്ളിക്ക് വ്യത്യസ്ത നിരക്കുകളാണ്. കെ സുരേന്ദ്രന്‍ വിഭാഗത്തിന് ഒരു ഗ്രാം സാധാരണ വെള്ളിയുടെ വില 124 രൂപയില്‍നിന്ന് രണ്ട് രൂപ കൂടി 126 രൂപയിലും മറു വിഭാഗത്തിന് 128 രൂപയിലുമാണ് കച്ചവടം നടക്കുന്നത്.

ഈ ഓണത്തിന് സ്വർണം വാങ്ങാൻ പ്ലാൻ ഉണ്ടോ? വിലയിലെ മാറ്റത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Gold prices surge in Kerala ahead of Onam festival.

#GoldPrice #Onam #Kerala #GoldRate #FinancialNews #Gold