Price Surge | സ്വർണവിലയിൽ വമ്പൻ വർധനവ്: ഒറ്റയടിക്ക് കൂടിയത് 1480 രൂപ; പവന് 70,000 ലേക്ക് അടുക്കുന്നു

കൊച്ചി: (KsargodVartha) സംസ്ഥാനത്ത് സ്വർണവില വമ്പൻ കുതിപ്പിലേക്ക്. വില കുറയുന്നത് കാത്തിരുന്ന ഉപഭോക്താക്കൾക്ക് ഇത് ആശങ്ക നൽകുന്നു. വെള്ളിയാഴ്ച ഗണ്യമായ വർദ്ധനവാണ് സ്വർണ വിലയിൽ ഉണ്ടായത്. വെള്ളിയാഴ്ച (ഏപ്രിൽ 11) 22 കാരറ്റ് സ്വർണത്തിൻ്റെ വില ഗ്രാമിന് 185 രൂപയും പവന് 1480 രൂപയുമാണ് വർധിച്ചത്. ഈ വില വർധനവോടെ 22 കാരറ്റ് സ്വർണത്തിൻ്റെ ഒരു ഗ്രാം വില 8745 രൂപയായി ഉയർന്നു. ഇതോടെ ഒരു പവൻ സ്വർണത്തിൻ്റെ വില 69960 രൂപയിലെത്തി.
വ്യാഴാഴ്ച (ഏപ്രിൽ 10) 22 കാരറ്റ് സ്വർണത്തിൻ്റെ വില ഗ്രാമിന് 270 രൂപയും പവന് 2160 രൂപയുമായിരുന്നു വർധിച്ചത്. അതോടെ 22 കാരറ്റ് സ്വർണത്തിൻ്റെ ഒരു ഗ്രാം വില 8560 രൂപയായും ഒരു പവൻ സ്വർണത്തിൻ്റെ വില 68480 രൂപയുമായിരുന്നു.

സംസ്ഥാനത്തെ സ്വർണവ്യാപാരി സംഘടനകൾക്കിടയിൽ അഭിപ്രായ വ്യത്യാസങ്ങൾ നിലനിൽക്കുന്നുണ്ടെങ്കിലും, 22 കാരറ്റ് സ്വർണത്തിൻ്റെ വിലയുടെ കാര്യത്തിൽ ഏകീകൃത നിലപാടാണ് എല്ലാവർക്കും. എന്നാൽ, 18 കാരറ്റ് സ്വർണത്തിൻ്റെ വില നിർണയത്തിന്റെ കാര്യത്തിൽ സ്വർണ വ്യാപാരി സംഘടനകൾക്കിടയിൽ വ്യത്യസ്‌ത അഭിപ്രായങ്ങൾ നിലനിൽക്കുന്നുണ്ട്. ഇത് ഉപഭോക്താക്കൾക്കിടയിൽ ആശയക്കുഴപ്പത്തിന് ഇടയാക്കിയേക്കാം.

കെ സുരേന്ദ്രൻ പ്രസിഡന്റും അഡ്വ. എസ് അബ്‌ദുൾ നാസർ സെക്രട്ടറിയുമായി പ്രവർത്തിക്കുന്ന ഓൾ കേരള ഗോൾഡ് ആൻഡ് സിൽവർ മെർച്ചൻ്റ്സ് അസോസിയേഷൻ (AKGSMA) 18 കാരറ്റ് സ്വർണത്തിന് ഗ്രാമിന് 150 രൂപയാണ് വർദ്ധിപ്പിച്ചത്. ഇതോടെ ഒരു ഗ്രാം 18 കാരറ്റ് സ്വർണത്തിൻ്റെ വില 7200 രൂപയായി, പവന് 57600 രൂപയിലെത്തി.
അതേസമയം, ഡോ. ബി ഗോവിന്ദൻ ചെയർമാനും ജസ്റ്റിൻ പാലത്ര പ്രസിഡൻറുമായുള്ള ഓൾ കേരള ഗോൾഡ് ആൻഡ് സിൽവർ മെർച്ചൻ്റ്സ് അസോസിയേഷൻ (AKGSMA) 18 കാരറ്റ് സ്വർണത്തിന് ഗ്രാമിന് 155 രൂപയാണ് വർദ്ധിപ്പിച്ചത്. ഈ സംഘടനയുടെ കണക്കനുസരിച്ച് ഒരു ഗ്രാം 18 കാരറ്റ് സ്വർണത്തിൻ്റെ വില 7245 രൂപയാണ്. പവന് വില 57960 രൂപയിലെത്തി.

വെള്ളിയുടെ വിലയിൽ മാറ്റമില്ല. ഗ്രാമിന് 105 രൂപ എന്ന നിരക്കിൽ തുടരുന്നു. 

ഏപ്രിൽ മാസത്തിലെ സ്വർണ്ണ വില (പവനിൽ) താഴെ നൽകുന്നു: 

ഏപ്രിൽ 01: 68,080 രൂപ 
ഏപ്രിൽ 02: 68,080 രൂപ 
ഏപ്രിൽ 03: 67,480 രൂപ 
ഏപ്രിൽ 04: 67,200 രൂപ 
ഏപ്രിൽ 05: 66,480 രൂപ 
ഏപ്രിൽ 06: 66,480 രൂപ 
ഏപ്രിൽ 07: 66,280 രൂപ 
ഏപ്രിൽ 08: 65,800 രൂപ 
ഏപ്രിൽ 09: 66,320 രൂപ
ഏപ്രിൽ 10: 68480 രൂപ
ഏപ്രിൽ 11: 69960 രൂപ

ലോകത്തിലെ ഏറ്റവും വലിയ സ്വർണ്ണ ഉപഭോക്താക്കളിൽ ഒന്നാണ് ഇന്ത്യ. പ്രതിവർഷം വലിയ അളവിൽ സ്വർണം രാജ്യത്തേക്ക് ഇറക്കുമതി ചെയ്യുന്നുണ്ട്. അതിനാൽ തന്നെ ആഗോള വിപണിയിലെ ചെറിയ മാറ്റങ്ങൾ പോലും ഇന്ത്യൻ സ്വർണ്ണ വിലയിൽ പ്രതിഫലിക്കാറുണ്ട്. 

എന്നാൽ രാജ്യാന്തര വിപണിയിൽ വില കുറഞ്ഞാലും രൂപയുടെ മൂല്യം, പ്രാദേശിക ആവശ്യകത, ഇറക്കുമതി തീരുവ തുടങ്ങിയ ഘടകങ്ങൾക്കനുസരിച്ച് ഇന്ത്യയിൽ വില കുറയണമെന്നില്ല. നിലവിൽ പ്രാദേശിക ഗോൾഡ് അസോസിയേഷനുകളാണ് ആഭ്യന്തര വിപണിയിൽ സ്വർണ്ണ വില നിർണ്ണയിക്കുന്നത്. 

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Kerala's gold price surged significantly, increasing by ₹1480 per sovereign on Friday, reaching ₹69960. This follows a ₹2160 increase on Thursday. Conflicting rates for 18-carat gold among merchant associations cause confusion. Silver price remains stable. The continuous rise concerns consumers awaiting price drops.

#GoldPriceHike #KeralaGold #SoaringPrices #EconomicImpact #ConsumerConcern #JewelleryMarket