Price Hike | കേരളത്തിൽ സ്വർണത്തിന് വൻ കുതിപ്പ്; പക്ഷേ വിലകൾ പലത്! വീണ്ടും ആശയക്കുഴപ്പം

കൊച്ചി: (KasargodVartha) കേരളത്തിലെ സ്വർണവിലയിൽ വർധനവ്. പക്ഷേ വ്യാപാരി സംഘടനകളിലെ ഭിന്നിപ്പ് മൂലം വിലകൾ പലതാണ്. അയമു ഹാജി പ്രസിഡന്റും അഡ്വ. എസ് അബ്ദുൽ നാസർ സെക്രടറിയുമായ ഓള്‍ കേരള ഗോള്‍ഡ് ആൻഡ് സില്‍വര്‍ മര്‍ചന്റസ് അസോസിയേഷൻ (AKGSMA) ബുധനാഴ്ച (05.03.2025) 22 കാരറ്റ് സ്വർണത്തിന് 40 രൂപയും പവന് 320 രൂപയും വർധിച്ചതായി അറിയിച്ചു. ഗ്രാമിന് 8050 രൂപയും പവന് 64400 രൂപയുമാണ് സംഘടന നിശ്ചയിച്ച വില. 18 കാരറ്റ് സ്വർണത്തിന് ഗ്രാമിന് 30  രൂപ കൂടി 6630 രൂപയും പവന് 240 രൂപ വർധിച്ച് 53040 രൂപയുമാണ് നിരക്ക്. 

അതേസമയം, ഭീമ ഗ്രൂപ് ചെയർമാൻ ഡോ. ബി ഗോവിന്ദൻ ചെയർമാനും ജസ്റ്റിൻ പാലത്ര പ്രസിഡന്റുമായ ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷന്റെ തീരുമാനപ്രകാരം, 22 കാരറ്റ് സ്വർണത്തിന് ഗ്രാമിന് 55 രൂപയും 440 രൂപയും കൂടി. 22 കാരറ്റ് സ്വർണത്തിന് ഗ്രാമിന് 8065 രൂപയിലും പവന് 64520 രൂപയിലുമാണ് വ്യാപാരം നടക്കുന്നത്. 18 കാരറ്റ് സ്വർണത്തിന് ഗ്രാമിന് 45 രൂപ കൂടി 6645 രൂപയും പവന് 360 രൂപ വർധിച്ച് 53160 രൂപയുമാണ് വിപണിവില. എന്നാൽ, സാധാരണ വെള്ളിക്ക് മാറ്റമില്ലാതെ ഗ്രാമിന് 106 രൂപ തന്നെയാണ് ഇരു സംഘടനകളും നിശ്ചയിച്ചിട്ടുള്ളത്.

ഏതാനും ദിവസങ്ങളായി നിലനിന്നിരുന്ന ആശയക്കുഴപ്പങ്ങൾക്ക് ശേഷം ചൊവ്വാഴ്ച (04.03.2025) ഇരു സംഘടനകളും ഒരേ വിലയാണ് നിശ്ചയിച്ചിരുന്നത്. 22 കാരറ്റ് സ്വർണത്തിന് ഗ്രാമിന് 8010 രൂപയും പവന് 64080 രൂപയുമായിരുന്നു ചൊവ്വാഴ്ചത്തെ നിരക്ക്. 18 കാരറ്റ് സ്വർണത്തിന് ഗ്രാമിന് 6600 രൂപയും പവന് 52800 രൂപയുമായിരുന്നു. സാധാരണ വെള്ളിയുടെ വിലയിൽ ഗ്രാമിന് ഒരു രൂപ കൂടി 106 രൂപയായിരുന്നു ചൊവ്വാഴ്ചയിലെ വില. എന്നാൽ ബുധനാഴ്ച വീണ്ടും വിലയിൽ വ്യത്യാസം കാണുകയാണ്. ശനിയാഴ്ചയും തിങ്കളാഴ്ചയും സ്വർണത്തിന് വ്യത്യസ്ത വിലയായിരുന്നു.

ഈ വാർത്ത  പങ്കുവെക്കുക. നിങ്ങളുടെ അഭിപ്രായങ്ങൾ കമൻ്റ് ബോക്സിൽ രേഖപ്പെടുത്തുക.

Kerala's gold prices are fluctuating due to a split between trade organizations, leading to differing rates for consumers.

#KeralaGoldPrice, #GoldRate, #GoldMarket, #TradeSplit, #PriceHike, #KeralaNews