കണ്ണുതള്ളി ഉപഭോക്താക്കള്; സ്വര്ണവില റെകോര്ഡിനരികെ; പവന് ഒരു ലക്ഷത്തിലെത്താന് 2720 രൂപയുടെ കുറവ്
● 22 കാരറ്റ് സ്വർണത്തിന് പവന് 1,400 രൂപ കൂടി 97,280 രൂപയിലാണ് വ്യാപാരം നടക്കുന്നത്.
● ഒരു പവൻ സ്വർണാഭരണം വാങ്ങാൻ കുറഞ്ഞത് 1,05,000 രൂപയ്ക്ക് മുകളിൽ നൽകണം.
● രൂപ ദുർബലമായതാണ് ആഭ്യന്തര വിപണിയിൽ വില ഇത്രമാത്രം ഉയരാൻ കാരണം.
● ഒരു ഗ്രാം സാധാരണ വെള്ളിക്കും വില കൂടി.
കൊച്ചി: (KasargodVartha) സംസ്ഥാനത്ത് വെള്ളിയാഴ്ച (2025 ഡിസംബർ 12) സ്വര്ണവിലയില് റെകോര്ഡ് കുതിപ്പാണ് രേഖപ്പെടുത്തിയത്. കഴിഞ്ഞ ദിവസത്തെ കുറഞ്ഞും കൂടിയുമുള്ള ഇരട്ട നിരക്കുകള്ക്ക് പിന്നാലെയാണ് ഈ വൻ വർധനവ് ഉപഭോക്താക്കളെ ഞെട്ടിച്ചിരിക്കുന്നത്. 22 കാരറ്റ് സ്വര്ണത്തിന് ഗ്രാമിന് 175 രൂപ കൂടി 12,160 രൂപയും പവന് 1,400 രൂപ കൂടി 97,280 രൂപയിലുമാണ് ഇപ്പോൾ വ്യാപാരം പുരോഗമിക്കുന്നത്.
ആഭരണം വാങ്ങാൻ 1,05,000 രൂപ
സ്വർണവില ഒരു ലക്ഷം രൂപയിലേക്ക് എത്താൻ ഇനി 2,720 രൂപയുടെ കുറവ് മാത്രമാണുള്ളത്. വില വർധിച്ച സാഹചര്യത്തിൽ ഇനി ഒരു പവൻ സ്വർണാഭരണം (Jewellery - ആഭരണങ്ങൾ) വാങ്ങണമെങ്കിൽ ഏറ്റവും കുറഞ്ഞ പണിക്കൂലിയിൽ 1,05,000 രൂപയ്ക്ക് മുകളിൽ നൽകേണ്ടിവരും. അതേസമയം, ഒക്ടോബർ 17 ന് രേഖപ്പെടുത്തിയ 12,170 രൂപ എന്ന റെക്കോർഡ് വിലക്ക് അരികിലെത്തിയിരിക്കുകയാണ് വില.
രൂപയുടെ തകർച്ച കാരണമായി
നിലവിൽ അന്താരാഷ്ട്ര സ്വർണ്ണവില 4,270 ഡോളറിലാണ്. രൂപയുടെ വിനിമയ നിരക്ക് 90.46 ലുമാണ്. അന്താരാഷ്ട്ര സ്വർണ്ണവില 4,270 ഡോളറിലേക്ക് എത്തിയപ്പോൾ സ്വർണ്ണവില റിക്കാർഡ് വിലക്ക് അരികിലെത്തിയിരിക്കുകയാണ്. രൂപയുടെ മൂല്യം കൂടുതൽ ദുർബലമായി 90.46 ലേക്ക് എത്തിയതാണ് ആഭ്യന്തര വിപണിയിൽ സ്വർണ്ണവില ഇത്രമാത്രം ഉയരാൻ കാരണം. ഒക്ടോബർ 17 ന് അന്താരാഷ്ട്ര സ്വർണ്ണവില 4,380 ഡോളറിലേക്ക് എത്തിയിട്ടും അന്ന് രൂപയുടെ വിനിമയ നിരക്ക് 88 ന് അടുത്തായിരുന്നു.
മറ്റ് കാരറ്റുകളുടെയും വെള്ളി വിലയും
18 കാരറ്റിനും വിലയിൽ വൻ വർധനവുണ്ടായി. ബി ഗോവിന്ദൻ വിഭാഗത്തിന് ഗ്രാമിന് 145 രൂപ കൂടി 10,060 രൂപയും പവന് 1,160 രൂപ കൂടി 80,480 രൂപയിലുമാണ് കച്ചവടം നടക്കുന്നത്. കെ സുരേന്ദ്രൻ വിഭാഗത്തിന് ഗ്രാമിന് 145 രൂപ കൂടി 10,000 രൂപയും പവന് 9,160 രൂപ കൂടി 80,000 രൂപയിലുമാണ് കച്ചവടം നടക്കുന്നത്. 14 കാരറ്റിനും ഒൻപത് കാരറ്റിനും വില കുതിക്കുകയാണ്.
അതിനിടെ, വെള്ളി വിലയും ചരിത്രം തിരുത്തി. അന്താരാഷ്ട്ര വെള്ളി വില 63.47 ഡോളറിലാണ് ഇപ്പോൾ. കഴിഞ്ഞ ഒരു മാസത്തിനുള്ളിൽ 15 ഡോളറിൻ്റെ വൻ കുതിപ്പാണ് വെള്ളി വിലയിൽ രേഖപ്പെടുത്തിയത്. വെള്ളി വില ചരിത്രത്തിൽ ആദ്യമായി 200 രൂപ മറികടന്ന് ഗ്രാമിന് 201 രൂപയായി. ബി ഗോവിന്ദൻ വിഭാഗത്തിന് ഒരു ഗ്രാം സാധാരണ വെള്ളിക്ക് അഞ്ച് രൂപ കൂടി 203 രൂപയാണ്. കെ സുരേന്ദ്രൻ വിഭാഗത്തിന് ഒരു ഗ്രാം സാധാരണ വെള്ളിക്ക് അഞ്ച് രൂപ കൂടി 201 രൂപയും 10 ഗ്രാം വെള്ളിക്ക് 2,010 രൂപയുമാണ്. വില ഉയർച്ചയിലേക്ക് വന്നതോടെ സ്വർണ വ്യാപാരം മന്ദഗതിയിലായിരിക്കുകയാണ്.
ഈ ഉയർന്ന വിലയിൽ സ്വർണം വാങ്ങാൻ നിങ്ങൾ തയ്യാറാണോ? അഭിപ്രായം കമൻ്റ് ചെയ്യുക.
Article Summary: Kerala Gold Price Crosses 97000 Record Hike.
#GoldPrice #KeralaGold #GoldRate #RecordHike #SilverPrice #RupeeWeakness
