സ്വർണവില കുതിച്ചുയർന്നു; പവന് 880 രൂപ വർധിച്ച് 90000 കടന്നു
● 22 കാരറ്റ് സ്വർണത്തിന് പവന് 90360 രൂപ.
● ഒരു ഗ്രാം 22 കാരറ്റ് സ്വർണത്തിന് 110 രൂപ കൂടി 11295 രൂപയായി.
● 18 കാരറ്റ്, 14 കാരറ്റ്, ഒൻപത് കാരറ്റ് സ്വർണത്തിനും വലിയില് വര്ധനവ്.
● സാധാരണ വെള്ളിക്ക് വ്യത്യസ്ത നിരക്കുകൾ തുടരുന്നു.
കൊച്ചി: (KasargodVartha) സംസ്ഥാനത്ത് സ്വർണവിലയിൽ തിങ്കളാഴ്ച (നവംബർ 10, 2025) വൻ വർധനവ് രേഖപ്പെടുത്തി. കഴിഞ്ഞ ദിവസം മാറ്റമില്ലാതെ തുടർന്ന സ്വർണവിലയാണ് ഒറ്റയടിക്ക് കുത്തനെ വർധിച്ചത്. ഇന്ന് 22 കാരറ്റ് സ്വർണത്തിന് ഒരു പവന് 880 രൂപയുടെ വർധനവാണ് ഉണ്ടായത്. ഇതോടെ ഒരു പവൻ സ്വർണത്തിന്റെ വിപണിവില 90360 രൂപയിലെത്തി.
ഗ്രാം കണക്കിൽ, 22 കാരറ്റ് സ്വർണത്തിന് 110 രൂപയാണ് വർധിച്ചത്. ഫലമായി, ഒരു ഗ്രാം സ്വർണത്തിന് 11295 രൂപയായി. ഇതിനുമുമ്പ് ശനിയാഴ്ച (നവംബർ 08, 2025) 22 കാരറ്റ് സ്വർണത്തിന് ഗ്രാമിന് 11185 രൂപയും പവന് 89480 രൂപയിലുമായിരുന്നു വ്യാപാരം നടന്നത്. അതേസമയം, ഈ ശനിയാഴ്ചത്തെ വിലയിൽ തന്നെയാണ് ഞായറാഴ്ചയും (നവംബർ 09, 2025) വിപണിയിൽ കച്ചവടം നടന്നത്.
18 കാരറ്റിനും 14 കാരറ്റിനും കുതിപ്പ്
18 കാരറ്റ് സ്വർണത്തിനും വില കുത്തനെ കൂടിയിട്ടുണ്ട്. ബി ഗോവിന്ദൻ വിഭാഗത്തിന് 18 കാരറ്റ് സ്വർണത്തിന് ഒരു ഗ്രാമിന് 90 രൂപ കൂടി 9325 രൂപയും പവന് 720 രൂപ കൂടി 74600 രൂപയിലുമാണ് വ്യാപാരം നടക്കുന്നത്. കെ സുരേന്ദ്രൻ വിഭാഗത്തിന് 18 കാരറ്റിന് ഗ്രാമിന് 100 രൂപ കൂടി 9295 രൂപയും പവന് 800 രൂപ കൂടി 74360 രൂപയിലുമാണ് കച്ചവടം നടക്കുന്നത്.
കൂടാതെ, 14 കാരറ്റിനും 9 കാരറ്റിനും വിലയിൽ വർധനവുണ്ടായി. കെ സുരേന്ദ്രൻ വിഭാഗത്തിന് 14 കാരറ്റിന് ഗ്രാമിന് 80 രൂപ കൂടി 7240 രൂപയും പവന് 640 രൂപ കൂടി 57920 രൂപയുമാണ് നിരക്ക്. ഒൻപത് കാരറ്റിന് ഗ്രാമിന് 40 രൂപ കൂടി 4660 രൂപയും പവന് 320 രൂപ കൂടി 37280 രൂപയുമാണ്.
വെള്ളിക്ക് വ്യത്യസ്ത നിരക്കുകള്
വെള്ളിക്ക് വ്യത്യസ്ത നിരക്കുകളാണ് വിപണിയിൽ രേഖപ്പെടുത്തുന്നത്. ബി ഗോവിന്ദൻ വിഭാഗത്തിന് ഒരു ഗ്രാം സാധാരണ വെള്ളിക്ക് 162 രൂപയും, മറുവിഭാഗത്തിന് 157 രൂപയിലുമാണ് നിലവിൽ വ്യാപാരം പുരോഗമിക്കുന്നത്.
സ്വർണം വാങ്ങാൻ അനുയോജ്യമായ സമയമാണോ ഇത്? നിങ്ങളുടെ അഭിപ്രായം കമൻ്റ് ചെയ്യുക.
Article Summary: Gold price in Kerala soars today, with 22-carat gold rising by ₹880 per sovereign.
#GoldPrice #KeralaGold #GoldRateToday #90KGold #GoldMarket #PriceHike
