സ്വര്ണവില കുതിപ്പ് തുടരുന്നു; പവന് 1400 രൂപയുടെ വര്ധനവ്
● 22 കാരറ്റ് ഗ്രാമിന് 175 രൂപ കൂടി 13,355 രൂപയിലെത്തി.
● 18 കാരറ്റ്, 14 കാരറ്റ്, 9 കാരറ്റ് സ്വര്ണവിലകളിലും വര്ധനവ്.
● വെള്ളി ഗ്രാമിന് 10 രൂപ വര്ദ്ധിച്ച് 305 രൂപയായി.
കൊച്ചി: (KasargodVartha) സംസ്ഥാനത്ത് സ്വര്ണവില റെക്കോര്ഡുകള് ഭേദിച്ച് കുതിപ്പ് തുടരുന്നു. തിങ്കളാഴ്ച (19.01.2026) 22 കാരറ്റ് സ്വര്ണത്തിന് ഗ്രാമിന് 175 രൂപയും പവന് 1400 രൂപയുമാണ് വര്ദ്ധിച്ചത്. ഇതോടെ ഗ്രാമിന് 13,355 രൂപയും പവന് 1,06,840 രൂപയുമായി വില ഉയര്ന്നു. ശനിയാഴ്ച (17.01.2026) ഗ്രാമിന് 35 രൂപയും പവന് 280 രൂപയും കൂടിയിരുന്നു. ഞായറാഴ്ചയും ഇതേ വിലയിലാണ് വ്യാപാരം നടന്നത്.
22 കാരറ്റ് സ്വര്ണത്തിന് പുറമെ 18 കാരറ്റ് സ്വര്ണവിലയിലും കാര്യമായ വര്ദ്ധനവുണ്ടായി. ബി ഗോവിന്ദന് വിഭാഗത്തില് 18 കാരറ്റ് സ്വര്ണത്തിന് ഗ്രാമിന് 140 രൂപ വര്ദ്ധിച്ച് 11,060 രൂപയിലെത്തി. പവന് 1120 രൂപ കൂടി 88,480 രൂപയിലാണ് വ്യാപാരം നടക്കുന്നത്. കെ സുരേന്ദ്രന് വിഭാഗത്തില് 18 കാരറ്റിന് ഗ്രാമിന് 140 രൂപ കൂടി 10,975 രൂപയും പവന് 1120 രൂപ കൂടി 87,800 രൂപയുമായി.
14, 9 കാരറ്റ് സ്വര്ണവിലകളിലും വര്ദ്ധന
രേഖപ്പെടുത്തിയിട്ടുണ്ട്. കെ സുരേന്ദ്രന് വിഭാഗത്തില് 14 കാരറ്റ് സ്വര്ണത്തിന് ഗ്രാമിന് 115 രൂപ കൂടി 8,550 രൂപയായി. പവന് 920 രൂപയുടെ വര്ദ്ധനവോടെ 68,400 രൂപയിലെത്തി. 9 കാരറ്റ് സ്വര്ണത്തിന് ഗ്രാമിന് 75 രൂപ കൂടി 5,515 രൂപയും പവന് 600 രൂപ കൂടി 44,120 രൂപയുമാണ് നിലവിലെ വില.
സ്വര്ണവിലയ്ക്കൊപ്പം വെള്ളി നിരക്കുകളിലും വര്ദ്ധനവുണ്ടായി. ബി ഗോവിന്ദന് വിഭാഗത്തില് ഒരു ഗ്രാം സാധാരണ വെള്ളിക്ക് 10 രൂപ വര്ദ്ധിച്ച് 305 രൂപയായി. കെ സുരേന്ദ്രന് വിഭാഗത്തിലും ഒരു ഗ്രാം സാധാരണ വെള്ളിക്ക് 10 രൂപ കൂടി 305 രൂപയിലെത്തി. 10 ഗ്രാം സാധാരണ വെള്ളിക്ക് 100 രൂപ വര്ദ്ധിച്ച് 3,050 രൂപയിലാണ് വ്യാപാരം നടക്കുന്നത്.
സ്വർണം ഇനി വെറും സ്വപ്നം മാത്രമാകുമോ? നിങ്ങളുടെ അഭിപ്രായം പറയൂ.
Article Summary: Gold prices in Kerala hit a new record high of Rs 1,06,840 per sovereign on Monday, with a significant increase of Rs 1400.
#GoldPrice #KeralaGoldRate #SilverRate #MarketNews #BusinessNews #Gold
