ഉച്ചയ്ക്ക് മുൻപേ 'ഡബിൾ സ്ട്രൈക്ക്'; സ്വർണവില കുതിച്ചുപാഞ്ഞു, ഗ്രാമിന് 14,415 രൂപ
● 22 കാരറ്റ് സ്വർണത്തിന് ഗ്രാമിന് 14,415 രൂപയാണ് നിലവിലെ വില.
● 18, 14, 9 കാരറ്റഉകള്ക്കും വില കൂടി.
● വെള്ളി വില ഗ്രാമിന് 330 രൂപ വരെയായി.
● ചൊവ്വാഴ്ച നാല് തവണ വില മാറിയതിന് പിന്നാലെയാണ് ഈ കുതിപ്പ്.
കൊച്ചി: (KasargodVartha) സംസ്ഥാനത്ത് സ്വര്ണവില സര്വകാല റെക്കോര്ഡുകള് ഭേദിച്ച് കുതിപ്പ് തുടരുന്നു. ചൊവ്വാഴ്ചത്തെ അസാധാരണമായ വിലമാറ്റങ്ങള്ക്ക് പിന്നാലെ ബുധനാഴ്ച (21.01.2026) ഉച്ചയ്ക്ക് മുന്പ് തന്നെ വിപണിയില് ഇരട്ട വര്ധനവാണ് രേഖപ്പെടുത്തിയത്. രണ്ട് തവണകളിലായി 22 കാരറ്റ് സ്വര്ണത്തിന് ഗ്രാമിന് 685 രൂപയും പവന് 5480 രൂപയുമാണ് ആകെ വര്ധിച്ചത്. ഇതോടെ സ്വര്ണവില 1.15 ലക്ഷം രൂപയെന്ന നാഴികക്കല്ലും പിന്നിട്ടു.
വിലക്കയറ്റം ഇങ്ങനെ
ബുധനാഴ്ച രാവിലെ 9.20-നാണ് ആദ്യ വര്ധനവ് രേഖപ്പെടുത്തിയത്. ഈ സമയം 22 കാരറ്റ് സ്വര്ണത്തിന് ഗ്രാമിന് 460 രൂപ വര്ധിച്ച് 14,190 രൂപയും പവന് 3680 രൂപ വര്ധിച്ച് 1,13,520 രൂപയുമായി ഉയര്ന്നു. തുടര്ന്ന് 11.13-ന് വീണ്ടും വില വര്ധിക്കുകയായിരുന്നു. രണ്ടാമത്തെ വര്ധനവില് ഗ്രാമിന് 225 രൂപ കൂടി 14,415 രൂപയും പവന് 1800 രൂപ കൂടി 1,15,320 രൂപയുമായി. നിലവില് ഈ നിരക്കിലാണ് വ്യാപാരം പുരോഗമിക്കുന്നത്.
18 കാരറ്റ് സ്വര്ണവില
22 കാരറ്റിന് പുറമെ 18 കാരറ്റ് സ്വര്ണവിലയിലും വലിയ കുതിപ്പാണ് ഉണ്ടായത്. രാവിലെ 9.20-ന് ബി ഗോവിന്ദന് വിഭാഗത്തിന് ഗ്രാമിന് 370 രൂപയും പവന് 2960 രൂപയും വര്ധിച്ചു. ഇതോടെ ഗ്രാമിന് 11,735 രൂപയും പവന് 93,880 രൂപയുമായി. കെ സുരേന്ദ്രന് വിഭാഗത്തിന് ഗ്രാമിന് 375 രൂപയും പവന് 3000 രൂപയും വര്ധിച്ച് യഥാക്രമം 11,660 രൂപയിലും 93,280 രൂപയിലും എത്തിയിരുന്നു.
തുടര്ന്ന് 11.13-ന് വീണ്ടും വില വര്ധിച്ചു. ബി ഗോവിന്ദന് വിഭാഗത്തിന് ഗ്രാമിന് 185 രൂപ കൂടി 11,920 രൂപയും പവന് 1480 രൂപ കൂടി 95,360 രൂപയുമായി. കെ സുരേന്ദ്രന് വിഭാഗത്തിന് ഗ്രാമിന് 185 രൂപ കൂടി 11,845 രൂപയും പവന് 1480 രൂപ കൂടി 94,760 രൂപയിലുമാണ് കച്ചവടം നടക്കുന്നത്.
14, 9 കാരറ്റ് നിരക്കുകള്
14, 9 കാരറ്റ് സ്വര്ണവിലകളിലും സമാനമായ വര്ധന രേഖപ്പെടുത്തി. 9.20-ന് കെ സുരേന്ദ്രന് വിഭാഗത്തിന് 14 കാരറ്റിന് ഗ്രാമിന് 295 രൂപയും പവന് 2360 രൂപയും വര്ധിച്ച് യഥാക്രമം 9080 രൂപയിലും 72,640 രൂപയിലുമെത്തി. 9 കാരറ്റിന് ഗ്രാമിന് 190 രൂപയും പവന് 1520 രൂപയും വര്ധിച്ച് ഗ്രാമിന് 5855 രൂപയും പവന് 46,840 രൂപയുമായി.
11.13-ന് വീണ്ടും വില ഉയര്ന്നു. 14 കാരറ്റിന് ഗ്രാമിന് 145 രൂപ കൂടി 9225 രൂപയും പവന് 1160 രൂപ കൂടി 73,800 രൂപയുമായി. 9 കാരറ്റിന് ഗ്രാമിന് 90 രൂപ കൂടി 5945 രൂപയും പവന് 720 രൂപ കൂടി 47,560 രൂപയിലുമാണ് കച്ചവടം നടക്കുന്നത്.
വെള്ളി നിരക്കുകള്
സ്വര്ണത്തിനൊപ്പം വെള്ളി വിലയിലും കുതിപ്പുണ്ടായി. ബി ഗോവിന്ദന് വിഭാഗത്തിന് ഒരു ഗ്രാം സാധാരണ വെള്ളിക്ക് 320 രൂപയില് നിന്ന് 10 രൂപ കൂടി 330 രൂപയായി. കെ സുരേന്ദ്രന് വിഭാഗത്തിന് 315 രൂപയില് നിന്ന് 10 രൂപ കൂടി 325 രൂപയായി വര്ധിച്ചു. 10 ഗ്രാം സാധാരണ വെള്ളിക്ക് 3250 രൂപയാണ് നിരക്ക്.
ചൊവ്വാഴ്ചത്തെ നാടകീയത
ചൊവ്വാഴ്ച (20.01.2026) നാല് തവണയാണ് സ്വര്ണവില മാറിയത്. രാവിലെയും ഉച്ചയ്ക്കുമായി മൂന്ന് തവണ വന് കുതിപ്പ് രേഖപ്പെടുത്തിയ ശേഷം വൈകുന്നേരം നേരിയ ഇടിവ് രേഖപ്പെടുത്തിയിരുന്നു. മൂന്ന് തവണയായി 22 കാരറ്റ് സ്വര്ണത്തിന് ഗ്രാമിന് 395 രൂപയും പവന് 3160 രൂപയുമാണ് ചൊവ്വാഴ്ച ആകെ വര്ധിച്ചത്. രാവിലെ ഗ്രാമിന് 95 രൂപയും 11.30-ന് 100 രൂപയും 2.30-ന് 200 രൂപയും വര്ധിച്ചിരുന്നു. എന്നാല് വൈകിട്ട് 4.55-ന് ഗ്രാമിന് 70 രൂപ കുറഞ്ഞ് 13,730 രൂപയിലും പവന് 560 രൂപ കുറഞ്ഞ് 1,09,840 രൂപയിലുമാണ് വ്യാപാരം അവസാനിച്ചത്.
നിക്ഷേപകർക്ക് ഈ സമയം ഗുണകരമാകുമോ? നിങ്ങളുടെ അനുഭവം കമന്റ് ചെയ്യൂ.
Article Summary: Gold prices in Kerala have hit an all-time high, crossing Rs 1.15 Lakh per sovereign. Prices increased twice before noon on Wednesday, with a total hike of Rs 5480 per sovereign.
#GoldPrice #KeralaGoldRate #MarketUpdate #BusinessNews #Kerala #GoldHike
