പൊന്നിന് കുതിപ്പ് തുടരുന്നു; മണിക്കൂറുകള്‍ക്കിടെ മൂന്ന് തവണയായി പവന് കൂടിയത് 3160 രൂപ!

കൊച്ചി: (KasargodVartha) സംസ്ഥാനത്തെ സ്വര്‍ണവിപണിയില്‍ ചരിത്രത്തിലെ ഏറ്റവും വലിയ കുതിപ്പുകളിലൊന്ന് രേഖപ്പെടുത്തി. ചൊവ്വാഴ്ച (20.01.2026) ഒറ്റദിവസം കൊണ്ട് മൂന്ന് തവണയാണ് സ്വര്‍ണവില വര്‍ധിച്ചത്. 22 കാരറ്റ് സ്വര്‍ണത്തിന് ഗ്രാമിന് 395 രൂപയും പവന് 3160 രൂപയുമാണ് ആകെ കൂടിയത്. ഇതോടെ സ്വര്‍ണവില 1.10 ലക്ഷം രൂപ കടന്നു.

22 കാരറ്റിലെ റെക്കോര്‍ഡ് വര്‍ധന

ചൊവ്വാഴ്ച രാവിലെ 22 കാരറ്റ് സ്വര്‍ണത്തിന് ഗ്രാമിന് 95 രൂപ കൂടി 13,500 രൂപയും പവന് 760 രൂപ കൂടി 1,08,000 രൂപയിലുമാണ് വ്യാപാരം ആരംഭിച്ചത്. തുടര്‍ന്ന് 11.30-ഓടെ ഗ്രാമിന് 100 രൂപ കൂടി 13,600 രൂപയും പവന് 800 രൂപ കൂടി 1,08,800 രൂപയുമായി ഉയര്‍ന്നു. ഉച്ചയ്ക്ക് 2.30-ന് വീണ്ടും സ്വര്‍ണനിരക്കില്‍ വമ്പന്‍ കുതിപ്പ് രേഖപ്പെടുത്തി. ഗ്രാമിന് 200 രൂപയും പവന് 1600 രൂപയും വര്‍ധിച്ചു. നിലവില്‍ ഗ്രാമിന് 13,800 രൂപയും പവന് 1,10,400 രൂപയിലുമാണ് വ്യാപാരം നടക്കുന്നത്.

തിങ്കളാഴ്ചത്തെ ഇരട്ട വര്‍ധന

തിങ്കളാഴ്ച (19.01.2026) രാവിലെയും ഉച്ചയ്ക്കുമായി പവന് ഇരട്ട വര്‍ധന രേഖപ്പെടുത്തിയിരുന്നു. ഗ്രാമിന് ആകെ 225 രൂപയും പവന് 1800 രൂപയുമാണ് തിങ്കളാഴ്ച കൂടിയത്. രാവിലെ 22 കാരറ്റ് സ്വര്‍ണത്തിന് ഗ്രാമിന് 175 രൂപ കൂടി 13,355 രൂപയും പവന് 1400 രൂപ കൂടി 1,06,840 രൂപയുമായിരുന്നു. ഉച്ചയ്ക്ക് ഗ്രാമിന് 50 രൂപ കൂടി 13,405 രൂപയും പവന് 400 രൂപ കൂടി 1,07,240 രൂപയിലുമാണ് തിങ്കളാഴ്ച വ്യാപാരം നടന്നത്.

18 കാരറ്റ് സ്വര്‍ണവില

18 കാരറ്റ് സ്വര്‍ണവിലയിലും ചൊവ്വാഴ്ച വന്‍ കുതിപ്പുണ്ടായി.

രാവിലെ 9.30: ബി ഗോവിന്ദന്‍ വിഭാഗത്തിന് ഗ്രാമിന് 75 രൂപ കൂടി 11,175 രൂപയും പവന് 600 രൂപ കൂടി 89,400 രൂപയുമായി. കെ സുരേന്ദ്രന്‍ വിഭാഗത്തിന് ഗ്രാമിന് 75 രൂപ കൂടി 11,095 രൂപയും പവന് 600 രൂപ കൂടി 88,760 രൂപയിലുമാണ് കച്ചവടം നടന്നത്.

രാവിലെ 11.30: കെ സുരേന്ദ്രന്‍ വിഭാഗത്തിന് ഗ്രാമിന് 80 രൂപ കൂടി 11,175 രൂപയും പവന് 640 രൂപ കൂടി 89,400 രൂപയുമായി.

ഉച്ചയ്ക്ക് 2.30: ബി ഗോവിന്ദന്‍ വിഭാഗത്തിന് ഗ്രാമിന് 11,420 രൂപയിലും പവന് 91,360 രൂപയിലുമാണ് വ്യാപാരം. കെ സുരേന്ദ്രന്‍ വിഭാഗത്തിന് ഗ്രാമിന് 165 രൂപ കൂടി 11,340 രൂപയും പവന് 1320 രൂപ കൂടി 90,720 രൂപയിലുമാണ് കച്ചവടം നടക്കുന്നത്.

14, 9 കാരറ്റ് നിരക്കുകള്‍

14, 9 കാരറ്റ് സ്വര്‍ണവിലകളിലും വര്‍ധന രേഖപ്പെടുത്തി.

രാവിലെ 9.30: കെ സുരേന്ദ്രന്‍ വിഭാഗത്തിന് 14 കാരറ്റിന് ഗ്രാമിന് 60 രൂപ കൂടി 8,640 രൂപയും പവന് 480 രൂപ കൂടി 69,120 രൂപയുമായി. 9 കാരറ്റിന് ഗ്രാമിന് 40 രൂപ കൂടി 5,575 രൂപയും പവന് 320 രൂപ കൂടി 44,600 രൂപയിലുമാണ് കച്ചവടം നടന്നത്.

രാവിലെ 11.30: കെ സുരേന്ദ്രന്‍ വിഭാഗത്തിന് 14 കാരറ്റിന് ഗ്രാമിന് 65 രൂപ കൂടി 8,705 രൂപയും പവന് 520 രൂപ കൂടി 69,640 രൂപയുമായി. 9 കാരറ്റിന് ഗ്രാമിന് 40 രൂപ കൂടി 5,615 രൂപയും പവന് 320 രൂപ കൂടി 44,920 രൂപയിലുമാണ് കച്ചവടം നടന്നത്.

ഉച്ചയ്ക്ക് 2.30: കെ സുരേന്ദ്രന്‍ വിഭാഗത്തിന് 14 കാരറ്റിന് ഗ്രാമിന് 125 രൂപ കൂടി 8,830 രൂപയും പവന് 1000 രൂപ കൂടി 70,640 രൂപയുമായി. 9 കാരറ്റിന് ഗ്രാമിന് 80 രൂപ കൂടി 5,695 രൂപയും പവന് 640 രൂപ കൂടി 45,560 രൂപയിലുമാണ് കച്ചവടം നടക്കുന്നത്.

വെള്ളി നിരക്കുകള്‍

വെള്ളി വിലയിലും മാറ്റങ്ങളുണ്ട്. ബി ഗോവിന്ദന്‍ വിഭാഗത്തിന് ഒരു ഗ്രാം സാധാരണ വെള്ളിക്ക് 315 രൂപയില്‍ നിന്ന് 5 രൂപ കൂടി 320 രൂപയായി. കെ സുരേന്ദ്രന്‍ വിഭാഗത്തിന് ഒരു ഗ്രാം സാധാരണ വെള്ളിക്ക് 315 രൂപയാണ് നിരക്ക്. 10 ഗ്രാം സാധാരണ വെള്ളിക്ക് 3150 രൂപയുമാണ് വില.

ഈ സാഹചര്യത്തിൽ ആഭരണ ഭ്രമം കുറയ്ക്കാൻ നമ്മൾ തയ്യാറാകേണ്ടതില്ലേ? സ്വർണത്തിന് പകരം മറ്റെന്തെങ്കിലും മാർഗ്ഗങ്ങൾ തേടേണ്ടതുണ്ടോ? നിങ്ങളുടെ അഭിപ്രായം കമന്റ് ചെയ്യൂ.

Article Summary: Gold prices in Kerala surged three times on Tuesday, increasing by Rs 3160 per sovereign in a single day to reach Rs 1,10,400.

#GoldPrice #KeralaGoldRate #MarketUpdate #GoldNews #KeralaNews #SilverPrice