കേരളത്തിൽ സ്വർണവില കുതിക്കുന്നു: തുടർച്ചയായ രണ്ടാം ദിവസവും വർധനവ്

കൊച്ചി: (KasargodVartha) സംസ്ഥാനത്ത് സ്വർണവില തുടർച്ചയായ രണ്ടാം ദിവസവും വർധിച്ചു. വ്യാഴാഴ്ച (മെയ് 22) 22 കാരറ്റ് സ്വർണത്തിന്റെ വില ഇരു വിഭാഗം സ്വർണ്ണവ്യാപാരി സംഘടനകൾക്കും ഒരേപോലെയാണ് വർധിച്ചത്. ഗ്രാമിന് 45 രൂപ വർധിച്ച് 8975 രൂപയിലും പവന് 360 രൂപ വർധിച്ച് 71800 രൂപയിലുമാണ് ഇന്ന് വ്യാപാരം നടക്കുന്നത്.

ബുധനാഴ്ച (മെയ് 21) ഗ്രാമിന് 225 രൂപയും പവന് 1760 രൂപയും വർധിച്ചിരുന്നു. അന്ന് ഗ്രാമിന്റെ വില 8930 രൂപയും പവന്റെ വില 71440 രൂപയുമായിരുന്നു. ചൊവ്വാഴ്ച (മെയ് 20) സ്വർണവില കുറയുകയാണ് ചെയ്തത്. അന്ന് ഗ്രാമിന് 45 രൂപ കുറഞ്ഞ് 8710 രൂപയിലും പവന് 360 രൂപ കുറഞ്ഞ് 69680 രൂപയിലുമായിരുന്നു വ്യാപാരം.

ഓൾ കേരള ഗോൾഡ് ആൻഡ് സിൽവർ മെർച്ചന്റ്‌സ് അസോസിയേഷനിലെ (AKGSMA) കെ സുരേന്ദ്രൻ പ്രസിഡന്റും അഡ്വ. എസ് അബ്ദുൾ നാസർ സെക്രട്ടറിയുമായുള്ള വിഭാഗം വ്യാഴാഴ്ച (മെയ് 22) 18 കാരറ്റ് സ്വർണത്തിനും വെള്ളിക്കും വില വർദ്ധിപ്പിച്ചിട്ടുണ്ട്. 

18 കാരറ്റ് സ്വർണത്തിന് ഗ്രാമിന് 35 രൂപ വർധിച്ച് 7355 രൂപയിലും പവന് 280 രൂപ വർധിച്ച് 58840 രൂപയിലുമാണ് ഈ വിഭാഗത്തിൽ വ്യാഴാഴ്ച വ്യാപാരം നടക്കുന്നത്. സാധാരണ വെള്ളിയുടെ വില ഗ്രാമിന് ഒരു രൂപ വർധിച്ച് 110 രൂപയായിട്ടുണ്ട്.
ഡോ. ബി ഗോവിന്ദൻ ചെയർമാനും ജസ്റ്റിൻ പാലത്ര പ്രസിഡന്റുമായുള്ള AKGSMA യുടെ മറ്റൊരു വിഭാഗത്തിലും വ്യാഴാഴ്ച 18 ഗ്രാം സ്വർണത്തിനും വെള്ളിക്കും വില കൂടിയിട്ടുണ്ട്. 

ഈ വിഭാഗത്തിൽ 18 കാരറ്റ് സ്വർണത്തിന് ഗ്രാമിന് 35 രൂപ വർധിച്ച് 7395 രൂപയിലും പവന് 280 രൂപ വർധിച്ച് 59160 രൂപയിലുമാണ് വ്യാപാരം പുരോഗമിക്കുന്നത്. സാധാരണ വെള്ളിയുടെ വില ഇവിടെ ഗ്രാമിന് ഒരു രൂപ വർധിച്ച് 111 രൂപയായിട്ടുണ്ട്. 

തുടർച്ചയായ രണ്ടാം ദിവസത്തെ വില വർധനവ് സ്വർണം വാങ്ങാൻ ഉദ്ദേശിക്കുന്നവരെ ആശങ്കയിലാഴ്ത്തിയിട്ടുണ്ട്. അന്താരാഷ്ട്ര വിപണിയിലെ മാറ്റങ്ങൾ സംസ്ഥാനത്തെ സ്വർണവിലയെ കാര്യമായി സ്വാധീനിക്കുന്നുണ്ട്. വരും ദിവസങ്ങളിലും വിലയിൽ മാറ്റങ്ങൾ വരാനുള്ള സാധ്യതയുണ്ട്.

കേരളത്തിലെ സ്വർണവിലയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: Gold prices in Kerala increased for the second consecutive day, with 22-carat gold rising by ₹360 per sovereign on Thursday, May 22.

#GoldPriceKerala, #KeralaGold, #GoldRateToday, #MarketUpdate, #GoldPriceHike, #KeralaNews