സ്വർണവില കുതിച്ചുയരുന്നു; പവന് 120 രൂപ വര്‍ധിച്ചു

കൊച്ചി: (KasargodVartha) സംസ്ഥാനത്ത് സ്വർണവില വര്‍ധനവുമായി ഉപഭോക്താക്കളെ അമ്പരപ്പിക്കുന്നു. തുടർച്ചയായ രണ്ട് ദിവസത്തെ മാറ്റമില്ലായ്മയ്ക്ക് ശേഷമാണ് സ്വർണവിലയിൽ തിങ്കളാഴ്ച (2025 നവംബർ 3) വർധനവ് രേഖപ്പെടുത്തിയിരിക്കുന്നത്. 22 കാരറ്റ് സ്വർണത്തിന് പവന് 120 രൂപയാണ് വർധിച്ചത്. നിലവിൽ ഗ്രാമിന് 11,290 രൂപയിലും പവന് 90,320 രൂപയിലുമാണ് സംസ്ഥാനത്ത് വ്യാപാരം പുരോഗമിക്കുന്നത്.

കേരളപ്പിറവി ദിനമായ ശനിയാഴ്ച (നവംബർ 1) 22 കാരറ്റ് സ്വർണത്തിന് ഗ്രാമിന് 25 രൂപ കുറഞ്ഞ് 11,275 രൂപയും പവന് 200 രൂപ കുറഞ്ഞ് 90,200 രൂപയിലുമാണ് വ്യാപാരം നടന്നത്. ഇതേ കുറഞ്ഞ വിലയിൽ തന്നെയാണ് ഞായറാഴ്ചയും (നവംബർ 2) വിപണിയിൽ കച്ചവടം നടന്നത്. എന്നാൽ തിങ്കളാഴ്ച വിപണി വീണ്ടും തുറന്നപ്പോൾ വില ഉയരുകയായിരുന്നു.

18 കാരറ്റിനും വില കുതിക്കുന്നു

22 കാരറ്റിനൊപ്പം 18 കാരറ്റ് സ്വർണത്തിനും വില കുതിച്ചുയർന്നു. ബി ഗോവിന്ദൻ വിഭാഗത്തിന് ഗ്രാമിന് 10 രൂപ കൂടി 9,320 രൂപയിലും പവന് 80 രൂപ കൂടി 74,560 രൂപയിലുമാണ് കച്ചവടം നടക്കുന്നത്. കെ സുരേന്ദ്രൻ വിഭാഗത്തിന് ഗ്രാമിന് 10 രൂപ കൂടി 9,280 രൂപയും പവന് 80 രൂപ കൂടി 74,240 രൂപയിലുമാണ് വ്യാപാരം പുരോഗമിക്കുന്നത്.

14 കാരറ്റിനും ഒൻപത് കാരറ്റിനും വില വർധനവ് രേഖപ്പെടുത്തിയിട്ടുണ്ട്. കെ സുരേന്ദ്രൻ വിഭാഗത്തിന് 14 കാരറ്റിന് ഗ്രാമിന് അഞ്ച് രൂപ കൂടി 7,220 രൂപയിലും പവന് 40 രൂപ കൂടി 57,760 രൂപയിലുമാണ് നിലവിലെ വില. ഒൻപത് കാരറ്റിന് ഗ്രാമിന് അഞ്ച് രൂപ കൂടി 4,685 രൂപയും പവന് 40 രൂപ കൂടി 37,480 രൂപയുമാണ്  രേഖപ്പെടുത്തിയിരിക്കുന്നത്.

വെള്ളിനിരക്കിലും വർധനവ്

സ്വർണവിലക്കൊപ്പം ഇരുവിഭാഗം വെള്ളി നിരക്കുകളിലും വർധനവ് രേഖപ്പെടുത്തി. ബി ഗോവിന്ദൻ വിഭാഗത്തിന് ഒരു ഗ്രാം സാധാരണ വെള്ളിക്ക് 160 രൂപയിൽ നിന്ന് മൂന്ന് രൂപ കൂടി 163 രൂപയായി. മറുവിഭാഗത്തിന് 157 രൂപയിൽനിന്ന് മൂന്ന് രൂപ കൂടി 160 രൂപയിലുമാണ് വ്യാപാരം നടക്കുന്നത്. 

സംസ്ഥാനത്ത് സ്വർണവില ഉയരുന്നതില്‍  നിങ്ങളുടെ അഭിപ്രായം കമൻ്റ് ചെയ്യുക

Article Summary: Gold price rises by ₹120 per sovereign to ₹90,320 in Kerala, with 18, 14, and 9 carat also seeing a hike.

#GoldPriceKerala #GoldRateToday #KeralaBusiness #GoldHike #90kGold #SilverRate