സ്വർണം വാങ്ങുന്നവർക്ക് സന്തോഷവാർത്ത: തുടർച്ചയായ രണ്ടാം ദിവസവും വിലയിൽ ഇടിവ്; പവന് 160 രൂപ കുറഞ്ഞു

കൊച്ചി: (KasargodVartha) സംസ്ഥാനത്ത് സ്വർണ്ണവിലയിൽ തുടർച്ചയായ രണ്ടാം ദിവസവും കുറവ് രേഖപ്പെടുത്തി. ഇത് ഉപഭോക്താക്കൾക്ക് വലിയ ആശ്വാസം നൽകുന്നു. വെള്ളിയാഴ്ച (02.05.2025) ഇരു വിഭാഗം സ്വർണ്ണ വ്യാപാരികളും 22 കാരറ്റ് സ്വർണ്ണത്തിന്റെ വില കുറച്ചു. ഗ്രാമിന് 20 രൂപ കുറഞ്ഞ് 8755 രൂപയും പവന് 160 രൂപ കുറഞ്ഞ് 70040 രൂപയുമാണ് ഇന്നത്തെ വ്യാപാര വില.

കഴിഞ്ഞ ദിവസം, വ്യാഴാഴ്ച (01.05.2025) 22 കാരറ്റ് സ്വർണ്ണത്തിന് ഗ്രാമിന് 205 രൂപയും പവന് 1640 രൂപയും കുറഞ്ഞിരുന്നു. ബുധനാഴ്ച (30.04.2025) ഗ്രാമിന് 8980 രൂപയും പവന് 71840 രൂപയുമായിരുന്നു 22 കാരറ്റ് സ്വർണ്ണത്തിന്റെ വില.

18 കാരറ്റ് സ്വർണ്ണത്തിന്റെയും വെള്ളിയുടെയും വിലയിലും ഇന്ന് (മെയ് 2 വെള്ളിയാഴ്ച) മാറ്റങ്ങളുണ്ട്. 

ഓൾ കേരള ഗോൾഡ് ആൻഡ് സിൽവർ മെർച്ചന്റ്സ് അസോസിയേഷനിലെ (AKGSMA) കെ സുരേന്ദ്രൻ പ്രസിഡന്റും അഡ്വ. എസ് അബ്ദുൾ നാസർ സെക്രട്ടറിയുമായുള്ള വിഭാഗം 18 കാരറ്റ് സ്വർണ്ണത്തിന് ഗ്രാമിന് 10 രൂപ കുറച്ച് 7185 രൂപയും ഒരു പവന് 80 രൂപ കുറച്ച് 57480 രൂപയുമാണ് വില നിശ്ചയിച്ചിരിക്കുന്നത്. 

അതേസമയം, സാധാരണ വെള്ളിയുടെ വിലയിൽ മാറ്റമില്ലാതെ 109 രൂപയായി തുടരുന്നു.

ഡോ. ബി ഗോവിന്ദൻ ചെയർമാനും ജസ്റ്റിൻ പാലത്ര പ്രസിഡന്റുമായുള്ള (AKGSMA) വിഭാഗവും 18 ഗ്രാം സ്വർണ്ണത്തിന് വില കുറച്ചിട്ടുണ്ട്. ഈ വിഭാഗത്തിൽ ഒരു ഗ്രാം 18 കാരറ്റ് സ്വർണ്ണത്തിന്റെ വില 10 രൂപ കുറഞ്ഞ് 7240 രൂപയും പവന് 80 രൂപ കുറഞ്ഞ് 57920 രൂപയുമാണ് ഇന്നത്തെ വില. 

സാധാരണ വെള്ളിയുടെ വിലയിൽ മാറ്റമില്ലാതെ 107 രൂപയിൽ വ്യാപാരം നടക്കുന്നു.

ഈ വാർത്ത നിങ്ങളുടെ സുഹൃത്തുക്കളിലേക്കും ഷെയർ ചെയ്യുക! നിങ്ങളുടെ അഭിപ്രായങ്ങൾ താഴെ കമന്റ് ബോക്സിൽ രേഖപ്പെടുത്തുക.
 

Article Summary: Gold prices in Kerala continue to fall for the second day, bringing relief to buyers. The price of 22-carat gold decreased by ₹20 per gram and ₹160 per sovereign, reaching ₹70,040 per sovereign. 18-carat gold prices also saw a reduction, while silver prices remained stable.

#GoldPrice, #Kerala, #PriceDrop, #Economy, #Jewellery, #GoodNews