കടലാടിപാറ ഖനനാനുമതിയില്‍ അഴിമതി അന്വേഷിക്കണം: ചെന്നിത്തല

ഖനനത്തിനായി അപേക്ഷിച്ചത് ഈസ്വകാര്യ കമ്പനിമാത്രമാണ്. ടെണ്ടര്‍ വിളിക്കുകപോലും ചെയ്യാതെയാണ് ആശാപുര കമ്പനിക്ക് ഖനനാനുമതി നല്‍കിയത്. പിന്നീട് ഇതിനെതിരെ പ്രതിഷേധം ശക്തമായപ്പോള്‍ മുഖ്യമന്ത്രിയായിരുന്ന വി.എസ് അച്യുതാനന്ദന്‍ വാക്കാല്‍ മാത്രമാണ് ഖനനം നടത്തുന്നത് തടഞ്ഞത്. പിന്നീട് ടെക്‌നിക്കല്‍ കമ്മിറ്റി ആശാപുര കമ്പനി പ്രതിനിധികളെ കൂടി പങ്കെടുപ്പിച്ച് യോഗം ചേര്‍ന്നതും ദുരൂഹമാണ്. ഇപ്പോള്‍ അവര്‍ എന്‍.ഒ.സി ആവശ്യപ്പെട്ട് കമ്പനി കലക്‌ട്രേറ്റില്‍ അപേക്ഷനല്‍കിയിരിക്കുകയാണ്.

File Photo

കടാലാടിപാറ സന്ദര്‍ശിച്ചപ്പോള്‍ തനിക്ക് പാരസ്ഥിതിക പ്രശ്‌നങ്ങളും ജനങ്ങളുടെ പ്രതിഷേധങ്ങളും ബോധ്യപ്പെട്ടിട്ടുണ്ട്.

ഗുരുതരമായ പ്രശ്‌നം തന്നെയാണ് കടലാറിപാറയിലേത്. തേജസ്വനി പുഴയേയും കാഞ്ഞങ്ങാട് പുഴയേയും പരിസ്ഥിതിയേയും നേരിട്ട ബാധിക്കുന്നതാണ് കരിന്തളം ഖനനം. ഖനനാനുമതി റദ്ദാക്കാന്‍ മുഖ്യമന്ത്രിയോടും വ്യവസായ മന്ത്രിയോടും നേരിട്ട് കണ്ട് ആവശ്യപ്പെടും. തൊട്ടടുത്ത നീലേശ്വരം എരിക്കുളത്ത് കളിമണ്ണ് ഖനനം നടത്തുന്നതിനെ കുറിച്ച് ഐ.എന്‍.ടി.യു.സി. പരാതിനല്‍കിയിട്ടുണ്ട്. അവിടം സന്ദര്‍ശിക്കാന്‍ സാധിച്ചിട്ടില്ല. പൊതുമേഖലാ സ്ഥാപനമാണ് അവിടെ ഖനനം നടത്തുന്നത്.

പൊതുമേഖല സ്ഥാപമായ മലബാര്‍ സിമന്‍സിന് ധാതുക്കള്‍ നല്‍കുമെന്ന് അറിയിച്ചാണ് എരിക്കുളത്ത് ഖനനം തുടങ്ങിയത്. എന്നാല്‍ ഇപ്പോള്‍ ധാതുക്കള്‍ നല്‍കുന്നത് സ്വാകാര്യ കമ്പനിക്കാണ്. ഇത് പരിശോധിക്കുമെന്നും ചെന്നിത്തല അറിയിച്ചു.

എ.ഐ.സി.സി സെക്രട്ടറി വി.ഡി. സതീശന്‍, കെ.പി.സി.സി ജനറല്‍ സെക്രട്ടറി കെ.പി. കുഞ്ഞിക്കണ്ണന്‍, ഡി.സി.സി പ്രസിഡന്റ് സി.കെ ശ്രീധരന്‍, കെ.പി.സി.സി സെക്രട്ടറി കെ.നീലകണ്ഠന്‍ തുടങ്ങിയവരും ഉണ്ടായിരുന്നു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also Read:  കുടുംബശ്രീയിലെ ഉന്നതന്‍ വിദേശ യുവതിയെ പീഡിപ്പിച്ചു? പരാതി മുക്കാന്‍ ശ്രമം