How is the ongoing war in the Middle East affecting the Kasaragod cashew industry?

The prolonged war has caused severe disruptions in the maritime transport of goods, significantly delaying or halting cargo ships in the Strait of Hormuz. This has crippled the export of cashew nuts from Kasaragod to major destinations like the GCC countries (including Dubai), Iran, and Israel.

കാസർകോട്ടെ കശുവണ്ടി ഉൽപ്പാദനത്തിൽ കാലക്രമേണയുണ്ടായ മാറ്റങ്ങൾ എന്തൊക്കെയാണ്?

2000-ന്റെ തുടക്കത്തിൽ 1.5 ലക്ഷം മെട്രിക് ടൺ വരെ ഉൽപ്പാദനം ഉണ്ടായിരുന്ന ജില്ലയിൽ ഇപ്പോൾ അത് 25,000–35,000 മെട്രിക് ടണ്ണായി ചുരുങ്ങി. 2010-ൽ ആറ് കശുവണ്ടി യൂണിറ്റുകൾ ഉണ്ടായിരുന്നത് ഇപ്പോൾ രണ്ടായി ചുരുങ്ങിയെങ്കിലും, യന്ത്രവൽക്കരണം വന്നതോടെ ഉൽപ്പാദനം ഇരട്ടിയാക്കാൻ കഴിഞ്ഞിട്ടുണ്ട്.

Besides exports, what domestic issues is the industry facing?

The domestic market is slumping because major consumers like restaurants and bakery units have reduced production due to an LPG shortage. Additionally, the industry faces unfair competition from low-quality cashews illegally imported from countries like Vietnam under the guise of cattle feed.

യുദ്ധം കാരണം ഉൽപ്പാദന ചെലവിലും ചരക്കുകൂലിയിലും ഉണ്ടായ മാറ്റങ്ങൾ എന്തൊക്കെയാണ്?

യുദ്ധത്തെ തുടർന്ന് കപ്പൽച്ചെലവ് പലമടങ്ങ് വർദ്ധിക്കുകയും ഇൻഷുറൻസ് ഗ്യാരണ്ടി ലഭിക്കാൻ ബുദ്ധിമുട്ട് നേരിടുകയും ചെയ്തു. കൂടാതെ പാക്കിങ് സാമഗ്രികളുടെ വില 70 ശതമാനം വരെ ഉയർന്നതോടെ ഉൽപ്പാദന ചെലവ് വർദ്ധിക്കുകയും ലാഭ മാർജിൻ വലിയ തോതിൽ കുറയുകയും ചെയ്തു.

How have the costs of production and shipping changed?

Due to the war, shipping costs have multiplied, and insurance companies are hesitant to provide guarantees for cargo sent to conflict zones. Furthermore, the cost of packaging materials has surged by up to 70%, drastically increasing production costs and reducing profit margins.

കയറ്റുമതിക്ക് പുറമെ ആഭ്യന്തര വിപണിയിലെ പ്രതിസന്ധി എന്താണ്?

എൽപിജി ക്ഷാമം കാരണം പ്രധാന ഉപഭോക്താക്കളായ ബേക്കറികളും റെസ്റ്റോറന്റുകളും ഉൽപ്പാദനം കുറച്ചത് ആഭ്യന്തര വിപണി ഇടിയാൻ കാരണമായി. ഇതിനുപുറമെ, കന്നുകാലിത്തീറ്റ എന്ന വ്യാജേന ഗുണനിലവാരം കുറഞ്ഞ കശുവണ്ടി നികുതി വെട്ടിച്ച് വിദേശത്തുനിന്നും കടത്തിക്കൊണ്ടുവരുന്നത് പ്രാദേശിക ഉൽപ്പന്നങ്ങൾക്ക് വലിയ വെല്ലുവിളിയാണ്.

What has been the trend in cashew production in Kasaragod over the years?

In the early 2000s, Kasaragod produced up to 1.5 lakh metric tons of high-quality cashew nuts. However, due to a shift towards rubber cultivation, changes in land use, and a shortage of labor, production has shrunk to 25,000–35,000 metric tons.

ഗൾഫിലെ യുദ്ധം കാസർകോട്ടെ കശുവണ്ടി വ്യവസായത്തെ എങ്ങനെയാണ് ബാധിക്കുന്നത്?

ഹോർമൂസ് കടലിടുക്കിൽ നിലനിൽക്കുന്ന സുരക്ഷാ പ്രശ്നങ്ങൾ കാരണം കടൽ മാർഗ്ഗമുള്ള ചരക്ക് നീക്കം തടസ്സപ്പെടുകയും, ജിസിസി രാജ്യങ്ങൾ, ഇറാൻ, ഇസ്റാഈൽ എന്നിവിടങ്ങളിലേക്കുള്ള കശുവണ്ടി കയറ്റുമതി വലിയ പ്രതിസന്ധിയിലാവുകയും ചെയ്തു.

ഗൾഫിലെ യുദ്ധം കാസർകോട്ടെ കശുവണ്ടി വ്യവസായത്തിന് ഇരട്ട പ്രഹരം; കയറ്റുമതിയും ആഭ്യന്തര വിപണിയും കടുത്ത പ്രതിസന്ധിയിൽ

Name: Kasargodvartha
Telephone: +914994230554 and 8848230617

Whatsapp Group Whatsapp Channel

By Kunhikannan MuttathMar 30, 2026, 13:03 IST

Gulf War Deals Double Blow to Kasaragod Cashew Industry

KasargodVartha Photo

● കടൽ മാർഗ്ഗമുള്ള ചരക്ക് നീക്കത്തിലെ തടസ്സങ്ങളും ആഭ്യന്തര വിപണിയിലെ ഇടിവും മൂലം വ്യവസായത്തിന് ഇരട്ട പ്രഹരം.
● യുഎഇ, ഇറാൻ, ഇസ്റാഈൽ എന്നിവിടങ്ങളിലേക്കുള്ള കയറ്റുമതിയാണ് പ്രതിസന്ധിയിലായത്.
● സുരക്ഷാ പ്രശ്നങ്ങൾ മൂലം ചരക്കുകപ്പലുകൾ വൈകുകയോ തടഞ്ഞുനിർത്തപ്പെടുകയോ ചെയ്യുന്നുവെന്ന് വ്യാപാരികൾ.
● യുദ്ധത്തെ തുടർന്ന് കപ്പൽച്ചെലവ് പലമടങ്ങ് വർദ്ധിക്കുകയും പാക്കിങ് സാമഗ്രികളുടെ വില 70 ശതമാനം വരെ ഉയരുകയും ചെയ്തു.
● എൽപിജി ക്ഷാമത്തെ തുടർന്ന് പ്രധാന ഉപഭോക്താക്കളായ റെസ്റ്റോറന്റുകളും ബേക്കറികളും ഉൽപ്പാദനം കുറയ്ക്കുന്നത് ആഭ്യന്തര വിപണി ഇടിയാൻ കാരണമാകുന്നു.
● കന്നുകാലിത്തീറ്റ എന്ന വ്യാജേന ഗുണനിലവാരം കുറഞ്ഞ കശുവണ്ടി നികുതി വെട്ടിച്ച് കടത്തിക്കൊണ്ടുവരുന്നത് പ്രാദേശിക ഉൽപ്പന്നങ്ങൾക്ക് വലിയ വെല്ലുവിളിയാണ്.

-കുഞ്ഞിക്കണ്ണൻ മുട്ടത്ത്

കാസർകോട്: (KasargodVartha) ഗൾഫ് മേഖലയിൽ നീണ്ടുനിൽക്കുന്ന യുദ്ധം കാസർകോട്ടെ കശുവണ്ടി വ്യവസായത്തെ ഗുരുതര പ്രതിസന്ധിയിലേക്ക് തള്ളുകയാണ്. കയറ്റുമതിയെ ആശ്രയിച്ച് നിലനിൽക്കുന്ന ജില്ലയിലെ ഈ പ്രധാന വ്യവസായം, കടൽ മാർഗ്ഗമുള്ള ചരക്ക് നീക്കത്തിലെ തടസ്സങ്ങളും ആഭ്യന്തര വിപണിയിലെ ഇടിവും മൂലം ഇരട്ട പ്രഹരത്തിലാണ്. വ്യവസായത്തെ നേരിട്ട് ബാധിക്കില്ലെങ്കിലും വിലയിടിവും ഡിമാൻഡ് കുറയുന്നതും ഉൽപ്പാദന മേഖലയ്ക്ക് ക്ഷീണം ഉണ്ടാക്കുമെന്ന് കാസർകോട് അടുക്കത്ത്ബയലിലെ കെ. സുബ്രായ അനന്ത കാമത്ത് ആൻഡ് സൺസ് കശുവണ്ടി ഫാക്ടറിയുടെ പാർട്ണർ പ്രസാദ് കാമത്ത് കാസര്‍കോട് വാര്‍ത്തയോട് പറഞ്ഞു.

ഉൽപ്പാദന ഇടിവും യന്ത്രവൽക്കരണവും

കാസർകോട്–കണ്ണൂർ മേഖലയിൽ നിന്നുള്ള കശുവണ്ടി ഒരുകാലത്ത് ഗുണനിലവാരത്തിൽ മുൻപന്തിയിലുണ്ടായിരുന്നു. 2000-ന്റെ തുടക്കത്തിൽ 1.5 ലക്ഷം മെട്രിക് ടൺ വരെ ഉൽപ്പാദനം ഉണ്ടായിരുന്ന ജില്ലയിൽ, റബ്ബർ കൃഷിയിലേക്കുള്ള മാറ്റം, ഭൂമിയുടെ ഉപയോഗമാറ്റം, തൊഴിൽ ക്ഷാമം എന്നിവ കാരണം ഉൽപ്പാദനം 25,000–35,000 മെട്രിക് ടണ്ണായി ചുരുങ്ങി. 2010-ഓടെ ആറ് കശുവണ്ടി സംസ്കരണ യൂണിറ്റുകൾ ഉണ്ടായിരുന്ന ജില്ലയിൽ ഇപ്പോൾ രണ്ട് ഫാക്ടറികൾ മാത്രമാണുള്ളത്. യന്ത്രവൽക്കരണം വന്നതോടെ തൊഴിലാളികളുടെ എണ്ണം കുറഞ്ഞെങ്കിലും ഉൽപ്പാദനം ഇരട്ടിയാക്കാൻ കഴിഞ്ഞു. അടുക്കത്ത്ബയലിലെ ഫാക്ടറിയിൽ 800 തൊഴിലാളികൾ ഉണ്ടായിരുന്നത് ഇപ്പോൾ 150 ആയി കുറഞ്ഞു. കാഞ്ഞങ്ങാട് കോട്ടപ്പാറ വിട്ടൽ കാഷ്യൂ ഫാക്ടറിയിലും ഉൽപ്പാദനം ഇരട്ടിയിലധികമാണ്.

കയറ്റുമതിയിൽ പ്രതിസന്ധി

കശുവണ്ടി പ്രധാനമായും ജിസിസി രാജ്യങ്ങൾ, ഇറാൻ, ഇസ്റാഈൽ എന്നിവിടങ്ങളിലേക്കാണ് കയറ്റുമതി ചെയ്യുന്നത്. എന്നാൽ ഹോർമൂസ് കടലിടുക്കിൽ നിലനിൽക്കുന്ന സുരക്ഷാ പ്രശ്നങ്ങൾ മൂലം ചരക്കുകപ്പലുകൾ വൈകുകയോ തടഞ്ഞുനിർത്തപ്പെടുകയോ ചെയ്യുന്നു. കാസർകോട് നിന്നും കശുവണ്ടി ഉൽപ്പന്നങ്ങൾ സാധാരണയായി മംഗ്ളൂരു, കൊച്ചി തുറമുഖങ്ങളെ ആശ്രയിച്ചാണ് കയറ്റുമതി ചെയ്യുന്നത്. ദുബൈ പ്രധാന ട്രാൻഷിപ്പ്മെന്റ് കേന്ദ്രമായതിനാൽ അവിടെ ഉണ്ടാകുന്ന ഏത് തടസ്സവും മുഴുവൻ കയറ്റുമതി ശൃംഖലയെയും ബാധിക്കുന്നു. ഇൻഷുറൻസ് കമ്പനികൾ യുദ്ധഭീഷണിയുള്ള മേഖലകളിലേക്ക് ചരക്ക് അയക്കുന്നതിനുള്ള ഗ്യാരണ്ടി നൽകാൻ മടിക്കുന്നതും വ്യാപാരികളെ പ്രതിസന്ധിയിലാക്കുന്നു.

പണമിടപാടും ആഭ്യന്തര വിപണിയും

കൂറിയർ, ബാങ്കിംഗ് വയർ ട്രാൻസ്ഫർ സംവിധാനങ്ങൾ തടസ്സപ്പെടുന്നതോടെ രേഖകൾ കൈമാറുന്നതിലും പണമിടപാടുകൾ പൂർത്തിയാക്കുന്നതിലും കാലതാമസം അനുഭവപ്പെടുന്നു. കശുവണ്ടിയുടെ പ്രധാന ഉപഭോക്താക്കളായ മിഠായി നിർമ്മാണ യൂണിറ്റുകളും റെസ്റ്റോറന്റുകളും ബേക്കറി യൂണിറ്റുകളും എൽപിജി ക്ഷാമത്തെ തുടർന്ന് ഉൽപ്പാദനം കുറയ്ക്കുകയോ നിർത്തിവെയ്ക്കുകയോ ചെയ്യുന്ന സാഹചര്യമാണ്. കയറ്റുമതി അനിശ്ചിതത്വത്തിലായതിനൊപ്പം ആഭ്യന്തര വിപണിയും ഇടിയുന്നത് വ്യവസായത്തിന് വലിയ ആഘാതമാകുമെന്ന് വ്യാപാരികൾ ആശങ്കപ്പെടുന്നു.

അനധികൃത ഇറക്കുമതി വെല്ലുവിളി

മൺസൂൺ കഴിഞ്ഞ് ആഫ്രിക്കയിൽ നിന്ന് കശുവണ്ടി ഇറക്കുമതി ചെയ്യുന്നത് സാധാരണ പ്രക്രിയയാണ്. എന്നാൽ യുദ്ധത്തെ തുടർന്ന് കപ്പൽച്ചെലവ് പലമടങ്ങ് വർദ്ധിച്ചു. പാക്കിങ് സാമഗ്രികളുടെ വിലയും 70 ശതമാനം വരെ ഉയർന്നതോടെ ഉൽപ്പാദന ചെലവ് വർദ്ധിക്കുകയും ലാഭ മാർജിൻ കുറയുകയും ചെയ്തു. ഇതിന് പുറമെ കന്നുകാലിത്തീറ്റ എന്ന വ്യാജേന വിയറ്റ്നാമിൽ നിന്നും മറ്റും ഗുണനിലവാരം കുറഞ്ഞ കശുവണ്ടി നികുതി വെട്ടിച്ച് കടത്തിക്കൊണ്ടുവന്ന് രാജ്യത്ത് പുനർപാക്ക് ചെയ്യുന്നതും വലിയ വെല്ലുവിളിയാണ്. ഇത് പ്രാദേശിക ഉൽപ്പന്നങ്ങളുടെ വിലയും വിശ്വാസ്യതയും തകർക്കുന്നു. മൺസൂൺ വരെയുള്ള കാലയളവിൽ പ്രാദേശിക ഉൽപ്പാദനം ആശ്വാസമാകുമെങ്കിലും യുദ്ധം ദീർഘകാലം തുടർന്നാൽ കാസർകോട്ടെ കശുവണ്ടി വ്യവസായത്തിന്റെ നിലനിൽപ്പ് തന്നെ ചോദ്യം ചെയ്യപ്പെടും.

സാമ്പത്തിക മേഖലയെയും ആയിരക്കണക്കിന് കർഷകരെയും നേരിട്ട് ബാധിക്കുന്ന ഈ പ്രതിസന്ധിയുടെ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിലും സുഹൃത്തുക്കൾക്കിടയിലും ഷെയർ ചെയ്യൂ. പ്രാദേശിക വ്യവസായങ്ങളെക്കുറിച്ചുള്ള സുപ്രധാന വാർത്തകളും വാണിജ്യ അപ്‌ഡേറ്റുകളും അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. കശുവണ്ടി വ്യവസായം നേരിടുന്ന ഈ പ്രതിസന്ധി മറികടക്കാൻ സർക്കാർ ഇടപെടലുകൾ ആവശ്യമുണ്ടോ? നിങ്ങളുടെ വിലയേറിയ അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്. പുതിയ അപ്‌ഡേറ്റുകൾ ലഭിക്കാൻ ഫേസ്ബുക്ക് പേജ് ഫോളോ ചെയ്യുക.

Article Summary: The prolonged war in the Middle East is severely impacting the cashew industry in Kasaragod, causing disruptions in exports to the GCC, Iran, and Israel, while illegal imports and a slump in the domestic market add to the crisis.

#KasaragodNews #CashewIndustry #GulfWarImpact #BusinessNewsKerala #ExportCrisis #AgricultureKerala