Record | പിടിവിട്ട് പൊന്ന്; സ്വർണവില റെകോർഡ് തകർത്തെറിഞ്ഞ് പുതിയ ചരിത്രമെഴുതി

കൊച്ചി:(KasargodVartha) സംസ്ഥാനത്ത് സ്വർണവില കുതിച്ചുയരുന്നു. ബുധനാഴ്ച (05.02.2025) സ്വർണവില റെകോർഡ് തകർത്തെറിഞ്ഞ് പുതിയ ചരിത്രമെഴുതി. 22 കാരറ്റ് സ്വർണത്തിന് ഗ്രാമിന് 95 രൂപയും പവന് 760 രൂപയുമാണ് ഒറ്റയടിക്ക് വർധിച്ചത്. ഇതോടെ 22 കാരറ്റ് സ്വർണത്തിന്റെ ഒരു ഗ്രാം വില 7905 രൂപയിലും പവന് 63240 രൂപയിലുമെത്തി. 18 കാരറ്റ് സ്വർണത്തിനും വിലയിൽ വർധനവ് ഉണ്ടായിട്ടുണ്ട്. ഗ്രാമിന് 80 രൂപയും പവന് 640 രൂപയുമാണ് കൂടിയത്. 18 കാരറ്റ് സ്വർണത്തിന് ഗ്രാമിന് 6535 രൂപയിലും പവന് 52280 രൂപയിലുമാണ് വ്യാപാരം നടക്കുന്നത്. സ്വർണം മാത്രമല്ല വെള്ളിയുടെ വിലയും ഉയർന്നിട്ടുണ്ട്. ഒരു ഗ്രാം സാധാരണ വെള്ളിക്ക് രണ്ട് രൂപ കൂടി 106 രൂപയായാണ് വർധിച്ചത്.

വില വർധനവിനുള്ള കാരണങ്ങൾ

അമേരിക്കൻ പ്രസിഡന്റ് ഡൊണാൾഡ് ട്രംപിന്റെ സാമ്പത്തിക നയങ്ങളുടെ ചലനങ്ങളാണ് ആഗോള വിപണിയിൽ വലിയ സ്വാധീനം ചെലുത്തുന്നത്. ഇതിന്റെ പ്രതിഫലനമെന്നോണമാണ് സംസ്ഥാനത്ത് സ്വർണവില റെകോർഡ് തലത്തിലേക്ക് ഉയരുന്നത്. ഡൊണാൾഡ് ട്രംപ്, കാനഡ, മെക്സിക്കോ, ചൈന എന്നീ രാജ്യങ്ങൾക്ക് വൻതോതിലുള്ള തീരുവ ഏർപ്പെടുത്തിയതിനെത്തുടർന്ന് ആഗോള വ്യാപാര യുദ്ധമുണ്ടാകുമെന്ന ആശങ്കയാണ് സ്വർണവില വർധനവിന് പ്രധാന കാരണമായി ചൂണ്ടിക്കാണിക്കപ്പെടുന്നത്. ഡോളറിന്റെ മൂല്യം ശക്തമായതും രൂപയുടെ മൂല്യം റെകോർഡ് നിലയിലേക്ക് താഴ്ന്നതും വില വർധനവിന് ആക്കം കൂട്ടി.

മുൻ ദിവസങ്ങളിലെ വില

ചൊവ്വാഴ്ച (04.02.2025) 22 കാരറ്റ് സ്വർണത്തിന് ഗ്രാമിന് 105 രൂപയും പവന് 840 രൂപയുമാണ് വർധിച്ചിരുന്നത്. 22 കാരറ്റ് സ്വർണത്തിന് ഗ്രാമിന് 7810 രൂപയിലും പവന് 62480 രൂപയിലുമായിരുന്നു വ്യാപാരം നടന്നത്. 18 കാരറ്റ് സ്വർണത്തിന് ഗ്രാമിന് 90 രൂപയും പവന് 720 രൂപയുമാണ് കൂടിയത്. 18 കാരറ്റ് സ്വർണത്തിന് ഗ്രാമിന് 6455 രൂപയിലും പവന് 51640 രൂപയിലുമായിരുന്നു വിപണനം. ചൊവ്വാഴ്ച വെള്ളി നിരക്കിൽ മാറ്റമില്ലായിരുന്നു. ഒരു ഗ്രാം സാധാരണ വെള്ളിക്ക് 104 രൂപയിലായിരുന്നു വ്യാപാരം നടന്നത്.

തിങ്കളാഴ്ച (03.02.2025) 22 കാരറ്റ് സ്വർണത്തിന് ഗ്രാമിന് 40 രൂപയും പവന് 320 രൂപയും കുറഞ്ഞിരുന്നു. 22 കാരറ്റ് സ്വർണം ഗ്രാമിന് 7705 രൂപയിലും പവന് 61640 രൂപയിലുമായിരുന്നു വ്യാപാരം നടന്നത്. 18 കാരറ്റ് സ്വർണത്തിന് ഗ്രാമിന് 30 രൂപയും പവന് 240 രൂപയുമാണ് കുറഞ്ഞത്. 18 കാരറ്റ് സ്വർണം ഗ്രാമിന് 6365 രൂപയും പവന് 50920 രൂപയുമായിരുന്നു നിരക്ക്. എന്നാൽ, വെള്ളി നിരക്കിൽ വർധനവുണ്ടായിരുന്നു. ഒരു ഗ്രാം സാധാരണ വെള്ളിയുടെ വില 101 രൂപയിൽ നിന്ന് മൂന്ന് രൂപ കൂടി 104 രൂപയിലായിരുന്നു വിപണനം നടന്നത്.

ശനിയാഴ്ച (01.02.205) 22 കാരറ്റ് സ്വർണത്തിന് ഗ്രാമിന് 15 രൂപയും പവന് 120 രൂപയുമാണ് കൂടിയിരുന്നത്. 22 കാരറ്റ് സ്വർണത്തിന് ഗ്രാമിന് 7745 രൂപയും പവന് 61960 രൂപയുമായി ഉയർന്നിരുന്നു. സ്വർണത്തിന്റെ ചരിത്രത്തിലെ ഏറ്റവും ഉയർന്ന നിരക്കായിരുന്നു ഇത്. 18 കാരറ്റ് സ്വർണത്തിനും വില കൂടി. ഗ്രാമിന് 10 രൂപയും പവന് 80 രൂപയുമാണ് വർധിച്ചത്. ഇതോടെ ഗ്രാമിന് 6395 രൂപയിലും പവന് 51160 രൂപയിലുമാണ് വിപണനം നടന്നത്. വെള്ളിയുടെ വിലയിൽ ശനിയാഴ്ച മാറ്റമുണ്ടായിരുന്നില്ല.

വെള്ളിയാഴ്ച (31.01.205) 22 കാരറ്റ് സ്വർണത്തിന് ഗ്രാമിന് 120 രൂപയും പവന് 960 രൂപയുമാണ് കൂടിയത്. 22 കാരറ്റ് സ്വർണത്തിന് ഗ്രാമിന് 7730 രൂപയിലും പവന് 61840 രൂപയിലുമായിരുന്നു വ്യാപാരം നടന്നത്. 18 കാരറ്റ് സ്വർണത്തിന് ഗ്രാമിന് 100 രൂപയും പവന് 800 രൂപയുമാണ് കൂടി ഗ്രാമിന് 6385 രൂപയിലും പവന് 51080 രൂപയിലുമായിരുന്നു നിരക്ക്. വെള്ളിയുടെ വിലയും കൂടിയിരുന്നു. ഒരു ഗ്രാം സാധാരണ വെള്ളിക്ക് 100 രൂപയിൽനിന്ന് 01 രൂപ കൂടി 101 രൂപയായിരുന്നു നിരക്ക്.

കേരളത്തിലെ സ്വർണത്തിന്റെ റെക്കോർഡ് വിലകൾ

1. 2025 ഫെബ്രുവരി 5: ഒരു പവൻ 63,240 രൂപ, ഒരു ഗ്രാം 7905 രൂപ
2. 2025 ഫെബ്രുവരി 4: ഒരു പവൻ 62,480  രൂപ, ഒരു ഗ്രാം 7810 രൂപ
3. 2025 ഫെബ്രുവരി 1, 2: ഒരു പവൻ 61,960 രൂപ, ഒരു ഗ്രാം 7745 രൂപ
4. ജനുവരി 31: ഒരു പവൻ - 61,840 രൂപ, ഒരു ഗ്രാം - 7730 രൂപ
5. ഫെബ്രുവരി 3: ഒരു പവൻ 61,640 രൂപ, ഒരു ഗ്രാം 7705 രൂപ
6. ജനുവരി 30: ഒരു പവൻ - 60,880 രൂപ, ഒരു ഗ്രാം - 7610 രൂപ
7. ജനുവരി 29: ഒരു പവൻ - 60,760 രൂപ, ഒരു ഗ്രാം - 7595 രൂപ
8. ജനുവരി 24, 25, 26: ഒരു പവൻ - 60,440 രൂപ, ഒരു ഗ്രാം - 7555 രൂപ

സ്വർണവിലയിലെ മാറ്റങ്ങൾ 

ഒക്ടോബർ 31 - 59,640 രൂപ 
നവംബർ 30 - 57,200 രൂപ 
ഡിസംബർ 31 - 56,880 രൂപ 
ജനുവരി 31 -    61,840  രൂപ

ഫെബ്രുവരി 1 -  61,960  രൂപ
ഫെബ്രുവരി 2 -  61,960  രൂപ
ഫെബ്രുവരി 3 -  61,640  രൂപ
ഫെബ്രുവരി 4 -  62,480  രൂപ
ഫെബ്രുവരി 5 -  63,240  രൂപ

ഈ വാർത്ത ഷെയർ ചെയ്യുക. നിങ്ങളുടെ അഭിപ്രായങ്ങൾ കമൻ്റ് ബോക്സിൽ രേഖപ്പെടുത്താവുന്നതാണ്.

Gold prices in Kerala have skyrocketed, reaching record highs. The price of 22-carat gold has increased by Rs 95 per gram and Rs 760 per sovereign. The rise in gold prices is attributed to US President Donald Trump's economic policies, the strong dollar, and the weakening rupee.

#GoldPriceHike #KeralaGold #RecordHigh #GoldMarket #EconomicNews #Trending