തുടര്ചയായ 4 ദിവസം മാറ്റമില്ലാതെ തുടര്ന്ന സ്വര്ണവില ഇടിഞ്ഞു; താഴേക്കിറങ്ങിയത് ഈ മാസത്തെ ഏറ്റവും ഉയര്ന്ന നിരക്കില് നിന്ന്
കൊച്ചി: (www.kasargodvartha.com 21.12.2021) സംസ്ഥാനത്ത് തുടര്ചയായ നാലുദിവസം മാറ്റമില്ലാതെ തുടര്ന്ന സ്വര്ണവില ഇടിഞ്ഞു. ചൊവ്വാഴ്ച 320 രൂപ കുറഞ്ഞ് ഒരു പവന് സ്വര്ണത്തിന്റെ വില 36,240 രൂപയായി. ഗ്രാമിന് 40 രൂപയാണ് കുറഞ്ഞത്. 4530 രൂപയാണ് ഒരു ഗ്രാം സ്വര്ണത്തിന്റെ വില. പവന് 36,560 രൂപ രേഖപ്പെടുത്തിയ ഈ മാസത്തെ ഏറ്റവും ഉയര്ന്ന നിരക്കില് നിന്നാണ് സ്വര്ണവില ഇടിഞ്ഞത്.
ഡിസംബര് ഒന്ന്, രണ്ട് തിയതികളില് പവന് 35,680 രൂപയായിരുന്നു സ്വര്ണ വില. ഡിസംബര് മൂന്നിനാണ് ഈ മാസത്തെ ഏറ്റവും കുറഞ്ഞ നിരക്കില് സ്വര്ണ വില എത്തിയത്. ഒരു പവന് സ്വര്ണത്തിന് 35,560 രൂപയായിരുന്നു വില. പിന്നീട് വില ഉയരുകയായിരുന്നു. ഈ മാസം ഇതുവരെ പവന് 880 രൂപയുടെ വര്ധനയാണ് രേഖപ്പെടുത്തിയത്.
അടിയന്തിര ഘട്ടങ്ങളില് എളുപ്പത്തില് പണമാക്കി മാറ്റാനും ക്രയവിക്രയം ചെയ്യാനാകുമെന്നതാണ് ഏവര്ക്കും പ്രിയപ്പെട്ട നിക്ഷേപമായി സ്വര്ണം മാറാനുള്ള പ്രധാന കാരണം. ഇക്കാലങ്ങള്ക്കിടെയുണ്ടായ വിലക്കയറ്റത്തോട് സാധാരണക്കാര് പൊരുതിയത് പ്രധാനമായും സ്വര്ണവിലയെ ആയുധമാക്കിയാണ്. അതിനാല് തന്നെ ഓരോ ദിവസത്തെയും സ്വര്ണവില കൂടുന്നതും കുറയുന്നതും ഉയര്ന്ന പ്രാധാന്യത്തോടെയാണ് ജനം കാണുന്നത്.
Keywords: Kochi, News, Kerala, Business, Top-Headlines, Gold, Price, Gold prices fall in Kerala after four days
< !- START disable copy paste -->
