Gold Price | ഞെട്ടിച്ച് പൊന്ന്; സ്വർണം ചരിത്രത്തിലെ രണ്ടാമത്തെ ഉയർന്ന വിലയിൽ

കൊച്ചി: (KasargodVartha) സംസ്ഥാനത്ത് സ്വർണവില കുതിച്ചുയരുന്നു. വെള്ളിയാഴ്ച (17.01.2025) സ്വർണവിലയിൽ വലിയ വർധനവാണ് രേഖപ്പെടുത്തിയത്. ഇതോടെ സ്വർണവില ചരിത്രത്തിലെ ഏറ്റവും ഉയർന്ന രണ്ടാമത്തെ നിരക്കിലേക്ക് എത്തിച്ചേർന്നു. ഈ മാസത്തിന്റെ തുടക്കം മുതൽ സ്വർണവിലയിൽ തുടർച്ചയായ വർധനവ് രേഖപ്പെടുത്തിയിരുന്നു. 

വെള്ളിയാഴ്ച 22 കാരറ്റ് സ്വർണത്തിന് ഗ്രാമിന് 60 രൂപയും പവന് 480 രൂപയുമാണ് വർധിച്ചത്. നിലവിൽ 22 കാരറ്റ് സ്വർണത്തിന്റെ ഗ്രാമിന്റെ വില 7450 രൂപയും പവന്റെ വില 59,600 രൂപയുമാണ്. 18 കാരറ്റ് സ്വർണത്തിന്റെ വിലയും ഉയർന്നിട്ടുണ്ട്. 18 കാരറ്റ് സ്വർണത്തിന് ഗ്രാമിന് 50 രൂപയും പവന് 400 രൂപയുമാണ് വർധിച്ചത്. ഇതോടെ 18 കാരറ്റ് സ്വർണത്തിന്റെ ഗ്രാമിന്റെ വില 6140 രൂപയും പവന്റെ വില 49120 രൂപയുമായി ഉയർന്നു. വെള്ളിയുടെ വിലയിൽ മാറ്റമൊന്നും രേഖപ്പെടുത്തിയിട്ടില്ല. ഒരു ഗ്രാം സാധാരണ വെള്ളിയുടെ വില 99 രൂപയായി തുടരുന്നു.

കഴിഞ്ഞ മൂന്ന് ദിവസത്തിനിടയിൽ സ്വർണവിലയിൽ വലിയ വർധനവാണ് ഉണ്ടായിരിക്കുന്നത്. ഈ ദിവസങ്ങൾക്കിടയിൽ പവന് 960 രൂപയുടെ വർധനവാണ് രേഖപ്പെടുത്തിയിരിക്കുന്നത്. വ്യാഴാഴ്ചയും (16.01.2025) സ്വർണവില ഉയർന്നിരുന്നു. 22 കാരറ്റ് സ്വർണത്തിന് ഗ്രാമിന് 50 രൂപയും പവന് 400 രൂപയുമാണ് വർധിച്ചത്. 22 കാരറ്റ് സ്വർണത്തിന്റെ ഗ്രാമിന്റെ വില 7390 രൂപയും പവന്റെ വില 59120 രൂപയുമായിരുന്നു. 

18 കാരറ്റ് സ്വർണത്തിന്റെ വിലയും വ്യാഴാഴ്ച ഉയർന്നിരുന്നു. 18 കാരറ്റ് സ്വർണത്തിന് ഗ്രാമിന് 40 രൂപയും പവന് 320 രൂപയുമാണ് വർധിച്ചത്. 18 കാരറ്റ് സ്വർണത്തിന്റെ ഗ്രാമിന്റെ വില 6090 രൂപയും പവന്റെ വില 48720 രൂപയുമായിരുന്നു. വ്യാഴാഴ്ച വെള്ളി വിലയിലും നേരിയ വർധനവ് രേഖപ്പെടുത്തിയിരുന്നു. ഒരു ഗ്രാം സാധാരണ വെള്ളിയുടെ വില 97 രൂപയിൽ നിന്ന് 2 രൂപ കൂടി 99 രൂപയിൽ എത്തിയിരുന്നു.

സ്വർണവിലയിലെ റെകോർഡ്

കേരളത്തിലെ സ്വർണവിലയിലെ ഏറ്റവും ഉയർന്ന വില രേഖപ്പെടുത്തിയത് 2024 ഒക്ടോബർ 31-നാണ്. അന്ന് ഒരു പവൻ സ്വർണത്തിന് 59,640 രൂപയും ഒരു ഗ്രാം സ്വർണത്തിന് 7455 രൂപയുമായിരുന്നു വില. അതിനു ശേഷം രേഖപ്പെടുത്തുന്ന ഏറ്റവും ഉയർന്ന രണ്ടാമത്തെ വിലയാണ് 2025 ജനുവരി 17 വെള്ളിയാഴ്ചത്തേത്. മൂന്നാമത്തെ വലിയ വില ഒക്ടോബർ 30-ന് രേഖപ്പെടുത്തി, അന്ന് ഒരു പവൻ സ്വർണത്തിന് 59,520 രൂപയും ഒരു ഗ്രാം സ്വർണത്തിന് 7440 രൂപയുമായിരുന്നു വില. ഈ വില വർധനവ് വരും ദിവസങ്ങളിലും തുടരുമോ എന്ന് ഉറ്റുനോക്കുകയാണ് വ്യാപാരികളും ഉപഭോക്താക്കളും.

സ്വർണവിലയിലെ മാറ്റങ്ങൾ 

ഒക്ടോബർ 31 - 59,640 രൂപ 
നവംബർ 30 - 57,200 രൂപ 
ഡിസംബർ 31 - 56,880 രൂപ 

ജനുവരി 1 - 57,200 രൂപ 
ജനുവരി 2 - 57,440 രൂപ
ജനുവരി 3 - 58,080 രൂപ
ജനുവരി 4 - 57,720 രൂപ
ജനുവരി 5 - 57,720 രൂപ
ജനുവരി 6 - 57,720 രൂപ
ജനുവരി 7 - 57,720 രൂപ
ജനുവരി 8 - 57,800 രൂപ
ജനുവരി 9 -  58,080 രൂപ
ജനുവരി 10 -  58,280 രൂപ

ജനുവരി 11 -  58,520 രൂപ
ജനുവരി 12 -  58,520 രൂപ
ജനുവരി 13 -  58,720 രൂപ
ജനുവരി 14 -  58,640 രൂപ
ജനുവരി 15 -  58,720 രൂപ
ജനുവരി 15 -  59,120 രൂപ
ജനുവരി 15 -   59,600 രൂപ

#GoldPrice #KeralaGold #GoldRate #PriceHike #GoldMarket #Investment