Gold Price | സംസ്ഥാനത്ത് സ്വര്‍ണവില കുറഞ്ഞു

By WebDesk OmegaSep 14, 2022, 11:26 IST

തിരുവനന്തപുരം: (www.kasargodvartha.com) സംസ്ഥാനത്ത് സ്വര്‍ണവില കുറഞ്ഞു. ഒരു പവന്‍ സ്വര്‍ണത്തിന് ബുധനാഴ്ച 280 രൂപയുടെ ഇടിവാണ് ഉണ്ടായത്. ഇതോടെ ഒരു പവന്‍ സ്വര്‍ണത്തിന്റെ ഇപ്പോഴത്തെ വിപണി വില 37,120 രൂപയാണ്. 35 രൂപയാണ് ഗ്രാമിന് കുറഞ്ഞത്. ഇതോടെ ഒരു ഗ്രാം സ്വര്‍ണത്തിന്റെ വില 4640 രൂപയായി.

അതേസമയം വെള്ളിയുടെ വിലയില്‍ മാറ്റമില്ല. തുടര്‍ചയായി നാല് ദിവസം മാറ്റമില്ലാതെ തുടര്‍ന്നതിന് ശേഷമാണ് സ്വര്‍ണവിലയില്‍ ബുധനാഴ്ച ഇടിവ് രേഖപ്പെടുത്തിയത്. ചൊവ്വാഴ്ച വരെ 22 കാരറ്റ് സ്വര്‍ണം ഗ്രാമിന് 4675 രൂപയായിരുന്നു വില. ഒരു പവന്‍ സ്വര്‍ണത്തിന് വില 37,400 രൂപയായിരുന്നു.