സംസ്ഥാനത്ത് വീണ്ടും കുതിച്ചുയര്‍ന്ന് സ്വര്‍ണവില

കൊച്ചി: (www.kasargodvartha.com 15.02.2022) നേരിയ കുറവ് രേഖപ്പെടുത്തിയ സ്വര്‍ണവില ചൊവ്വാഴ്ച വീണ്ടും വര്‍ധിച്ച് ഈ മാസത്തെ ഏറ്റവും ഉയര്‍ന്ന നിലയില്‍ എത്തി. 37,040 രൂപയായിരുന്നു തിങ്കളാഴ്ച ഒരു പവന് വില. 400 രൂപ കുറഞ്ഞായിരുന്നു തിങ്കളാഴ്ച ഈ വിലയില്‍ എത്തിയത്. എന്നാല്‍ ചൊവ്വാഴ്ച വീണ്ടും 400 രൂപ കൂടി പവന് 37,440 രൂപയായി. ഗ്രാമിന് 4680 രൂപയാണ് ചൊവ്വാഴ്ച വില. ഗ്രാമിന് തിങ്കളാഴ്ച 4630 രൂപയായിരുന്നു വില.

ഫെബ്രുവരി 12, 13 തീയതികളിലായിരുന്നു ഇതിന് മുമ്പ് ഈ മാസത്തെ ഏറ്റവും ഉയര്‍ന്ന നിരക്കില്‍ സ്വര്‍ണവില എത്തിയത്. ഫെബ്രുവരി ഒന്ന്, രണ്ടു തീയതികളില്‍ പവന് രേഖപ്പെടുത്തിയ 35,920 രൂപയാണ് മാസത്തെ താഴ്ന്ന നിരക്ക്.