രാവിലെയും ഉച്ചക്ക് ശേഷവുമായി സ്വര്ണവില കുതിക്കുന്നു; പവന് 1480 രൂപ രണ്ട് തവണയായി കൂടി
● 22 കാരറ്റ് പവന് നിലവിൽ 1,01,080 രൂപയാണ് വിപണി വില.
● 18, 14, 9 കാരറ്റുകള്ക്കും വില കൂടി.
● ഒരു ഗ്രാം സാധാരണ വെള്ളിക്ക് 250 രൂപ.
കൊച്ചി: (KasargodVartha) സംസ്ഥാനത്തെ സ്വർണവിപണിയിൽ വീണ്ടും വൻ കുതിപ്പ് രേഖപ്പെടുത്തി. ഉപഭോക്താക്കളെ ആശങ്കയിലാഴ്ത്തിക്കൊണ്ട് തിങ്കളാഴ്ച (05.01.2026) രാവിലെയും ഉച്ചയ്ക്ക് ശേഷവുമായി രണ്ട് തവണയാണ് വില വർധിച്ചത്. ഒറ്റദിവസം കൊണ്ട് 22 കാരറ്റ് സ്വർണത്തിന് ഗ്രാമിന് 185 രൂപയും പവന് 1480 രൂപയുമാണ് കൂടിയത്. രാജ്യാന്തര വിപണിയിലെ മാറ്റങ്ങളാണ് ആഭ്യന്തര വിപണിയിലും പ്രതിഫലിക്കുന്നത്.
തിങ്കളാഴ്ച രാവിലെ 22 കാരറ്റ് സ്വർണത്തിന് ഗ്രാമിന് 145 രൂപയും പവന് 1160 രൂപയും വർധിച്ചിരുന്നു. ഇതോടെ ഗ്രാമിന് 12,595 രൂപയിലും പവന് 1,00,760 രൂപയിലുമായിരുന്നു വ്യാപാരം നടന്നത്. എന്നാൽ ഉച്ചയ്ക്ക് ശേഷം വീണ്ടും വില വർധിച്ചു. ഗ്രാമിന് 40 രൂപയും പവന് 320 രൂപയുമാണ് ഉച്ചയ്ക്ക് ശേഷം കൂടിയത്. ഇതോടെ നിലവിൽ 22 കാരറ്റ് സ്വർണത്തിന് ഗ്രാമിന് 12,635 രൂപയിലും പവന് 1,01,080 രൂപയിലുമാണ് വ്യാപാരം പുരോഗമിക്കുന്നത്.
18 കാരറ്റിലും കുതിപ്പ്
22 കാരറ്റിന് പുറമെ 18 കാരറ്റ് സ്വർണവിലയിലും സമാനമായ വർധന രേഖപ്പെടുത്തി. ബി ഗോവിന്ദൻ വിഭാഗത്തിൽ രാവിലെ ഗ്രാമിന് 120 രൂപ കൂടി 10,455 രൂപയിലും പവന് 960 രൂപ കൂടി 83,640 രൂപയിലുമാണ് വ്യാപാരം നടന്നത്. ഉച്ചയ്ക്ക് ശേഷം ഗ്രാമിന് 35 രൂപ കൂടി 10,490 രൂപയിലും പവന് 280 രൂപ കൂടി 83,920 രൂപയിലും കച്ചവടം നടക്കുന്നു.
അതേസമയം, കെ സുരേന്ദ്രൻ വിഭാഗത്തിൽ രാവിലെ ഗ്രാമിന് 120 രൂപ കൂടി 10,355 രൂപയിലും പവന് 960 രൂപ കൂടി 82,840 രൂപയിലുമാണ് വ്യാപാരം നടന്നത്. ഉച്ചയ്ക്ക് ശേഷം ഗ്രാമിന് 35 രൂപ കൂടി 10,390 രൂപയിലും പവന് 280 രൂപ കൂടി 83,120 രൂപയിലും കച്ചവടം പുരോഗമിക്കുന്നു.
14, 9 കാരറ്റ് നിരക്കുകൾ
കെ സുരേന്ദ്രൻ വിഭാഗത്തിൽ 14, 9 കാരറ്റ് സ്വർണവിലയിലും വർധന രേഖപ്പെടുത്തി. 14 കാരറ്റിന് രാവിലെ ഗ്രാമിന് 90 രൂപ കൂടി 8,065 രൂപയിലും പവന് 720 രൂപ കൂടി 64,520 രൂപയിലുമാണ് വ്യാപാരം നടന്നത്. ഉച്ചയ്ക്ക് ശേഷം ഗ്രാമിന് 25 രൂപ കൂടി 8,090 രൂപയിലും പവന് 200 രൂപ കൂടി 64,720 രൂപയിലും കച്ചവടം നടക്കുന്നു.
9 കാരറ്റിന് രാവിലെ ഗ്രാമിന് 60 രൂപ കൂടി 5,205 രൂപയിലും പവന് 480 രൂപ കൂടി 41,640 രൂപയിലുമാണ് വ്യാപാരം നടന്നത്. ഉച്ചയ്ക്ക് ശേഷം ഗ്രാമിന് 15 രൂപ കൂടി 5,220 രൂപയിലും പവന് 120 രൂപ കൂടി 41,760 രൂപയിലും കച്ചവടം നടക്കുന്നു.
ഉച്ചയ്ക്ക് ശേഷം വെള്ളി നിരക്കിൽ മാറ്റമില്ല. ബി ഗോവിന്ദൻ വിഭാഗത്തിലും കെ സുരേന്ദ്രൻ വിഭാഗത്തിലും ഒരു ഗ്രാം സാധാരണ വെള്ളിക്ക് 250 രൂപയാണ് വില. 10 ഗ്രാം സാധാരണ വെള്ളിക്ക് 2500 രൂപയുമാണ് നിലവിലെ നിരക്ക്.
സ്വർണവില വര്ധനവിന്റെ വാര്ത്ത സുഹൃത്തുക്കൾക്കളുമായി ഷെയർ ചെയ്യൂ.
Article Summary: Gold prices in Kerala surge twice in a single day, increasing by Rs 1480 per sovereign on Monday.
#GoldPrice #KeralaGoldRate #GoldRateToday #KochiNews #MarketUpdate #BusinessNews
