സ്വർണവില പവന് 440 രൂപ വർധിച്ചു; വെള്ളിക്കും കൂടി

കൊച്ചി: (KasargodVartha) സംസ്ഥാനത്തെ സ്വര്‍ണവിപണിയില്‍ വീണ്ടും വന്‍ കുതിപ്പ് രേഖപ്പെടുത്തി. ചൊവ്വാഴ്ച (06.01.2026) 22 കാരറ്റ് സ്വര്‍ണത്തിന് ഗ്രാമിന് 55 രൂപയും പവന് 440 രൂപയുമാണ് കൂടിയത്. ഗ്രാമിന് 12725 രൂപയിലും പവന് 101800 രൂപയിലുമാണ് വ്യാപാരം നടക്കുന്നത്. ഇതോടെ തുടര്‍ച്ചയായ രണ്ട് ദിവസത്തിനിടെ ഗ്രാമിന് 275 രൂപയും പവന് 2200 രൂപയുമാണ് വര്‍ധനവ് രേഖപ്പെടുത്തിയത്. സ്വര്‍ണവിലയിലെ ഈ അപ്രതീക്ഷിത കുതിപ്പ് വിവാഹാവശ്യങ്ങള്‍ക്കായി സ്വര്‍ണം വാങ്ങാനിരിക്കുന്നവരെയും സാധാരണക്കാരെയും ഒരുപോലെ ആശങ്കയിലാഴ്ത്തിയിരിക്കുകയാണ്.

തിങ്കളാഴ്ച (05.01.2026) രാവിലെയും ഉച്ചയ്ക്ക് ശേഷവും വൈകുന്നേരവുമായി മൂന്ന് തവണയാണ് സ്വര്‍ണനിരക്കില്‍ വമ്പന്‍ വര്‍ധനവ് രേഖപ്പെടുത്തിയത്. ഗ്രാമിന് ആകെ 220 രൂപയും പവന് 1760 രൂപയുമാണ് തിങ്കളാഴ്ച മാത്രം വര്‍ധിച്ചത്. ഇതിന്റെ തുടര്‍ച്ചയായാണ് ചൊവ്വാഴ്ചയും വില വര്‍ധിച്ചത്. ആഗോള വിപണിയിലെ മാറ്റങ്ങളാണ് ആഭ്യന്തര വിപണിയിലും പ്രതിഫലിക്കുന്നത്.

18 കാരറ്റ് സ്വര്‍ണവിലയിലും ചൊവ്വാഴ്ച വര്‍ധനവുണ്ടായി. ബി ഗോവിന്ദന്‍ വിഭാഗത്തിന് ഗ്രാമിന് 45 രൂപ കൂടി 10,565 രൂപയിലും പവന് 360 രൂപ കൂടി 84,520 രൂപയിലുമാണ് കച്ചവടം നടക്കുന്നത്. കെ സുരേന്ദ്രന്‍ വിഭാഗത്തിന് ഗ്രാമിന് 45 രൂപ കൂടി 10,460 രൂപയിലും പവന് 360 രൂപ കൂടി 83,680 രൂപയിലുമാണ് കച്ചവടം പുരോഗമിക്കുന്നത്.

കെ സുരേന്ദ്രന്‍ വിഭാഗത്തില്‍ 14, 9 കാരറ്റ് സ്വര്‍ണവിലയിലും വര്‍ധന രേഖപ്പെടുത്തി. 14 കാരറ്റിന് ഗ്രാമിന് 35 രൂപ കൂടി 8,150 രൂപയിലും പവന് 280 രൂപ കൂടി 65,200 രൂപയിലും കച്ചവടം നടക്കുന്നു. 9 കാരറ്റിന് ഗ്രാമിന് 20 രൂപ കൂടി 5,255 രൂപയിലും പവന് 160 രൂപ കൂടി 42,040 രൂപയിലുമാണ് വ്യാപാരം നടക്കുന്നത്.

സ്വര്‍ണത്തിന് പുറമെ വെള്ളി നിരക്കിലും വര്‍ധന രേഖപ്പെടുത്തി. ബി ഗോവിന്ദന്‍ വിഭാഗത്തിന് ഒരു ഗ്രാം സാധാരണ വെള്ളിക്ക് 250 രൂപയില്‍നിന്ന് അഞ്ച് രൂപ കൂടി 255 രൂപയായി. കെ സുരേന്ദ്രന്‍ വിഭാഗത്തിലും ഒരു ഗ്രാം സാധാരണ വെള്ളിക്ക് 250 രൂപയില്‍നിന്ന് അഞ്ച് രൂപ കൂടി 255 രൂപയായി വര്‍ധിച്ചു. 10 ഗ്രാം സാധാരണ വെള്ളിക്ക് 2500 രൂപയില്‍നിന്ന് 50 രൂപ കൂടി 2550 രൂപയുമായി.

തിങ്കളാഴ്ച സ്വര്‍ണവിലയില്‍ വലിയ ചാഞ്ചാട്ടമാണ് അനുഭവപ്പെട്ടത്. ബി ഗോവിന്ദന്‍ വിഭാഗത്തില്‍ 18 കാരറ്റ് സ്വര്‍ണത്തിന് രാവിലെ 9.30-ന് ഗ്രാമിന് 10,455 രൂപയായിരുന്നത് ഉച്ചയ്ക്ക് 2.45-ന് 10,490 രൂപയായും വൈകുന്നേരം 4.44-ന് 10,520 രൂപയായും ഉയര്‍ന്നിരുന്നു. സമാനമായ രീതിയില്‍ കെ സുരേന്ദ്രന്‍ വിഭാഗത്തിലും 18, 14, 9 കാരറ്റ് വിഭാഗങ്ങളില്‍ തിങ്കളാഴ്ച മൂന്ന് തവണ വില വര്‍ധനവ് രേഖപ്പെടുത്തിയിരുന്നു.

സ്വർണം വാങ്ങാൻ പ്ലാനുണ്ടോ? എങ്കിൽ വിലക്കയറ്റം വാര്‍ത്ത ഷെയർ ചെയ്യൂ.

Article Summary: Gold prices in Kerala surge by Rs 2200 per sovereign in two days. Tuesday recorded an increase of Rs 440 per sovereign.

#GoldRate #KeralaGoldPrice #GoldNews #Kochi #BusinessNews #SilverPrice