Gold Price | സംസ്ഥാനത്ത് സ്വർണവിലയിൽ കുതിപ്പ്; 10 ദിവസത്തിനിടെ കൂടിയത് പവന് 1320 രൂപ

● ഗ്രാമിന് 15 രൂപയും പവന് 120 രൂപയും കൂടി
● 18 കാരറ്റ് സ്വർണത്തിന് പവന് 80 രൂപയാണ് വർധിച്ചത്
● വെള്ളിയുടെ വിലയിൽ മാറ്റമില്ല.
കൊച്ചി: (KasargodVartha) സംസ്ഥാനത്ത് സ്വർണവില കുതിച്ചുയരുന്നു. തിങ്കളാഴ്ച (20.01.2025) 22 കാരറ്റ് സ്വർണത്തിന് ഗ്രാമിന് 15 രൂപയും പവന് 120 രൂപയും വർധിച്ചു. ഇതോടെ ഗ്രാമിന്റെ വില 7450 രൂപയും പവന്റെ വില 59600 രൂപയുമായി ഉയർന്നു. 18 കാരറ്റ് സ്വർണത്തിന്റെ വിലയിലും വർധനവുണ്ടായി. ഗ്രാമിന് 10 രൂപയും പവന് 80 രൂപയുമാണ് കൂടിയത്. 18 കാരറ്റ് സ്വർണത്തിന്റെ ഗ്രാമിന്റെ വില 6140 രൂപയും പവന്റെ വില 49120 രൂപയുമാണ്. വെള്ളിയുടെ വിലയിൽ മാറ്റമില്ല. ഒരു ഗ്രാം സാധാരണ വെള്ളിയുടെ വില 99 രൂപയായി തുടരുന്നു. കഴിഞ്ഞ 10 ദിവസത്തിനിടെ പവന് 1320 രൂപയാണ് കൂടിയത്.
ശനിയാഴ്ച സ്വർണവിലയിൽ നേരിയ കുറവ് രേഖപ്പെടുത്തിയിരുന്നു. 22 കാരറ്റ് സ്വർണത്തിന് ഗ്രാമിന് 15 രൂപയും പവന് 120 രൂപയുമാണ് അന്ന് കുറഞ്ഞത്. എന്നാൽ വെള്ളിയാഴ്ച സ്വർണവിലയിൽ വലിയ വർധനവാണ് ഉണ്ടായത്. അന്ന് സ്വർണവില ചരിത്രത്തിലെ ഏറ്റവും ഉയർന്ന രണ്ടാമത്തെ നിരക്കിലേക്ക് എത്തിയിരുന്നു. 22 കാരറ്റ് സ്വർണത്തിന് ഗ്രാമിന് 60 രൂപയും പവന് 480 രൂപയുമാണ് വെള്ളിയാഴ്ച മാത്രം വർധിച്ചത്. വ്യാഴാഴ്ചയും സ്വർണവില ഉയർന്നിരുന്നു. 22 കാരറ്റ് സ്വർണത്തിന് ഗ്രാമിന് 50 രൂപയും പവന് 400 രൂപയുമാണ് അന്ന് വർധിച്ചത്. വ്യാഴാഴ്ച വെള്ളി വിലയിലും നേരിയ വർധനവ് രേഖപ്പെടുത്തിയിരുന്നു.
കേരളത്തിലെ സ്വർണവിലയിലെ ഏറ്റവും ഉയർന്ന വില രേഖപ്പെടുത്തിയത് 2024 ഒക്ടോബർ 31-നാണ്. അന്ന് ഒരു പവൻ സ്വർണത്തിന് 59,640 രൂപയും ഒരു ഗ്രാം സ്വർണത്തിന് 7455 രൂപയുമായിരുന്നു വില. അതിനു ശേഷമുള്ള ഏറ്റവും ഉയർന്ന രണ്ടാമത്തെ വിലയാണ് 2025 ജനുവരി 17 വെള്ളിയാഴ്ചയും ഇപ്പോൾ തിങ്കളാഴ്ചയും രേഖപ്പെടുത്തിയിരിക്കുന്നത്. മൂന്നാമത്തെ ഉയർന്ന വില 2024 ഒക്ടോബർ 30നായിരുന്നു. അന്ന് പവന് 59,520 രൂപയായിരുന്നു നിരക്ക്.
സ്വർണവിലയിലെ മാറ്റങ്ങൾ
ഒക്ടോബർ 31 - 59,640 രൂപ
നവംബർ 30 - 57,200 രൂപ
ഡിസംബർ 31 - 56,880 രൂപ
ജനുവരി 1 - 57,200 രൂപ
ജനുവരി 2 - 57,440 രൂപ
ജനുവരി 3 - 58,080 രൂപ
ജനുവരി 4 - 57,720 രൂപ
ജനുവരി 5 - 57,720 രൂപ
ജനുവരി 6 - 57,720 രൂപ
ജനുവരി 7 - 57,720 രൂപ
ജനുവരി 8 - 57,800 രൂപ
ജനുവരി 9 - 58,080 രൂപ
ജനുവരി 10 - 58,280 രൂപ
ജനുവരി 11 - 58,520 രൂപ
ജനുവരി 12 - 58,520 രൂപ
ജനുവരി 13 - 58,720 രൂപ
ജനുവരി 14 - 58,640 രൂപ
ജനുവരി 15 - 58,720 രൂപ
ജനുവരി 16 - 59,120 രൂപ
ജനുവരി 17 - 59,600 രൂപ
ജനുവരി 18 - 59,480 രൂപ
ജനുവരി 19 - 59,480 രൂപ
ജനുവരി 20 - 59,600 രൂപ
#GoldPrice #KeralaGold #GoldRate #PriceHike #GoldMarket #Investment