Gold Price | സ്വർണ വിപണിയിൽ പുതുവർഷ കുതിപ്പ്; വില തുടർച്ചയായ രണ്ടാം ദിവസവും ഉയർന്നു

കൊച്ചി: (KasargodVartha) സംസ്ഥാനത്ത് സ്വർണവിലയിൽ തുടർച്ചയായ രണ്ടാം ദിവസവും വർധനവ് രേഖപ്പെടുത്തി. പുതുവർഷാരംഭത്തിൽ സ്വർണത്തിന് തിളക്കം കൂടുന്ന കാഴ്ചയാണ് കാണാൻ സാധിക്കുന്നത്. വ്യാഴാഴ്ച (02.01.2025) 22 കാരറ്റ് സ്വർണത്തിന് ഗ്രാമിന് 30 രൂപയും പവന് 240 രൂപയുമാണ് വർധിച്ചത്. ഇതോടെ 22 കാരറ്റ് സ്വർണത്തിന്റെ ഗ്രാമിന്റെ വില 7180 രൂപയായി ഉയർന്നു. പവന്റെ വില 57440 രൂപയിലുമെത്തി. 

18 കാരറ്റ് സ്വർണത്തിന്റെ വിലയിലും വർധനവുണ്ടായിട്ടുണ്ട്. 18 കാരറ്റ് സ്വർണത്തിന് ഗ്രാമിന് 25 രൂപയും പവന് 200 രൂപയുമാണ് കൂടിയത്. 18 കാരറ്റ് സ്വർണത്തിന് ഗ്രാമിന് 5930 രൂപയും പവന് 47440 രൂപയുമാണ് ഇപ്പോഴത്തെ വില. വെള്ളിയുടെ വിലയും വർധിച്ചിട്ടുണ്ട്. സാധാരണ വെള്ളിയുടെ ഗ്രാമിന് ഒരു രൂപ കൂടി 94 രൂപയായി വില ഉയർന്നു.

ബുധനാഴ്ച (01.01.2025) 22 കാരറ്റ് സ്വർണത്തിന് ഗ്രാമിന് 40 രൂപയും പവന് 320 രൂപയുമാണ് വർധിച്ചത്. തൽഫലമായി 22 കാരറ്റ് സ്വർണത്തിന്റെ ഗ്രാമിന്റെ വില 7150 രൂപയായി ഉയർന്നു. അതുപോലെ പവന്റെ വില 57200 രൂപയിലുമെത്തി. 

കഴിഞ്ഞ വർഷം അവസാനിക്കുമ്പോൾ, അതായത് ഡിസംബർ 31ന് സ്വർണവില കുറഞ്ഞിരുന്നു. ചൊവ്വാഴ്ച 22 കാരറ്റ് സ്വർണത്തിന് ഗ്രാമിന് 40 രൂപയും പവന് 320 രൂപയുമാണ് കുറഞ്ഞത്. അന്ന് 22 കാരറ്റ് സ്വർണത്തിന്റെ ഗ്രാമിന്റെ വില 7110 രൂപയും പവന്റെ വില 56880 രൂപയുമായിരുന്നു. 

18 കാരറ്റ് സ്വർണത്തിന്റെ കാര്യത്തിലും വില കുറഞ്ഞിരുന്നു. ഗ്രാമിന് 30 രൂപയും പവന് 240 രൂപയുമാണ് കുറഞ്ഞത്. 18 കാരറ്റ് സ്വർണത്തിന്റെ ഗ്രാമിന്റെ വില 5875 രൂപയും പവന്റെ വില 47000 രൂപയുമായിരുന്നു അന്ന്. വെള്ളിയുടെ വിലയിലും ഇടിവ് രേഖപ്പെടുത്തി. ഒരു ഗ്രാം സാധാരണ വെള്ളിക്ക് 95 രൂപയിൽ നിന്ന് രണ്ട് രൂപ കുറഞ്ഞ് 93 രൂപയിലായിരുന്നു വ്യാപാരം നടന്നത്.

തുടർച്ചയായ വില വർധനവ് സ്വർണ വിപണിയിൽ വലിയ ചലനങ്ങൾ സൃഷ്ടിക്കുന്നുണ്ട്. വരും ദിവസങ്ങളിൽ എന്ത് സംഭവിക്കുമെന്ന ആകാംഷയിലാണ് വ്യാപാരികളും ഉപഭോക്താക്കളും.

സ്വർണവിലയിലെ മാറ്റങ്ങൾ

ഒക്ടോബർ 31 - 59,640 രൂപ
നവംബർ 30 -  57,200 രൂപ
ഡിസംബർ 31 -  56,880 രൂപ
ജനുവരി 1  - 57,200 രൂപ
ജനുവരി 2  - 57,440 രൂപ

#GoldPrice #Kerala #NewYear #GoldRate #Market #Investment