സ്വര്‍ണം കുതിക്കുന്നു മണിക്കൂറുകള്‍ക്കിടെ 2 തവണയായി കൂടിയത് 1320 രൂപ

കൊച്ചി: (KasargodVartha) സംസ്ഥാനത്ത് സ്വർണവിലയിൽ രണ്ട് തവണ വർധനവ് രേഖപ്പെടുത്തി ഉപഭോക്താക്കളെ അമ്പരപ്പിച്ചു. വെള്ളിയാഴ്ച (ഒക്ടോബർ 31, 2025) രാവിലെയും ഉച്ചക്ക് ശേഷവുമായുള്ള വർധനവാണ് ഈ കുതിച്ചുചാട്ടത്തിന് കാരണം. ഒരു പവന് മണിക്കൂറുകൾക്കിടെ രണ്ട് തവണയായി മൊത്തം 1,320 രൂപയുടെ വർധനവാണ് ഉണ്ടായത്.

പവന് 90000 കടന്നു

വെള്ളിയാഴ്ച രാവിലെ 22 കാരറ്റ് സ്വർണത്തിന് ഗ്രാമിന് 110 രൂപ കൂടി 11,245 രൂപയും പവന് 880 രൂപ കൂടി 89,960 രൂപയിലുമാണ് വ്യാപാരം തുടങ്ങിയത്. എന്നാൽ ഉച്ചയ്ക്ക് ശേഷം വില വീണ്ടും ഉയർന്നു. ഉച്ചക്ക് ശേഷം 22 കാരറ്റ് സ്വർണത്തിന് ഗ്രാമിന് 55 രൂപ കൂടി 11,300 രൂപയും പവന് 440 രൂപ കൂടി 90,400 രൂപയിലുമാണ് നിലവിൽ വ്യാപാരം നടക്കുന്നത്. ഇതോടെയാണ് സ്വർണവില 90 ആയിരം രൂപ കടന്നത്.

18 കാരറ്റിനും വില കൂടി

അതേസമയം, 18 കാരറ്റ് സ്വർണത്തിൻ്റെ വിലയിലും വർധനവ് രേഖപ്പെടുത്തി. രാവിലെ ബി ഗോവിന്ദൻ വിഭാഗത്തിന് പവന് 720 രൂപ കൂടി 74,280 രൂപയിലും കെ സുരേന്ദ്രൻ വിഭാഗത്തിന് പവന് 720 രൂപ കൂടി 73,960 രൂപയിലുമാണ് കച്ചവടം നടന്നത്. ഉച്ചയ്ക്ക് ശേഷം ബി ഗോവിന്ദൻ വിഭാഗത്തിന് ഗ്രാമിന് 45 രൂപ കൂടി 9,330 രൂപയും പവന് 360 രൂപ കൂടി 74,640 രൂപയിലും കെ സുരേന്ദ്രൻ വിഭാഗത്തിന് ഗ്രാമിന് 45 രൂപ കൂടി 9,290 രൂപയും പവന് 360 രൂപ കൂടി 74,320 രൂപയിലുമാണ് കച്ചവടം നടക്കുന്നത്.

14 ഉം ഒൻപത് കാരറ്റിലും വർധനവ്

14 കാരറ്റ്, ഒൻപത് കാരറ്റ് സ്വർണ്ണത്തിനും വിലയിൽ വർധനവ് രേഖപ്പെടുത്തി. ഉച്ചക്ക് ശേഷം 14 കാരറ്റിന് ഗ്രാമിന് 30 രൂപ കൂടി 7,230 രൂപയും പവന് 240 രൂപ കൂടി 57,840 രൂപയുമാണ് വില. ഒൻപത് കാരറ്റിന് ഗ്രാമിന് ഇരുപത് രൂപ കൂടി 4,690 രൂപയും പവന് 160 രൂപ കൂടി 37,520 രൂപയുമാണ് വില.

അതേസമയം, രാവിലെ വർധനവ് രേഖപ്പെടുത്തിയ ഇരുവിഭാഗം വെള്ളി നിരക്കുകളിലും ഉച്ചക്ക് ശേഷം മാറ്റമില്ല. ബി ഗോവിന്ദൻ വിഭാഗത്തിന് ഒരു ഗ്രാം സാധാരണ വെള്ളിക്ക് 160 രൂപയും മറുവിഭാഗത്തിന് 157 രൂപയിലുമാണ് വ്യാപാരം പുരോഗമിക്കുന്നത്. .

സ്വർണ്ണവിലയിലെ ഈ വർധനവിനെക്കുറിച്ച് നിങ്ങളുടെ അഭിപ്രായം കമന്റ് ചെയ്യുക. സ്വർണം വാങ്ങാൻ ഉദ്ദേശിക്കുന്ന സുഹൃത്തുക്കൾക്ക് വാർത്ത ഷെയർ ചെയ്യുക.

Article Summary: Gold price in Kerala rose by ₹1320 per sovereign in a single day, reaching ₹90,400 for 22-carat gold.

#GoldPrice #KeralaGold #GoldRate #BullionMarket #GoldHike #Invest