Gold Price | 3 ദിവസത്തെ കുതിപ്പിന് ശേഷം സ്വർണവിലയിൽ ഇടിവ്; പവന് കുറഞ്ഞത് 120 രൂപ

കൊച്ചി: (KasargodVartha) തുടർച്ചയായ മൂന്ന് ദിവസത്തെ വില വർധനവിന് ശേഷം സ്വർണത്തിന് വില കുറഞ്ഞു. ഇത് സ്വർണം വാങ്ങാൻ കാത്തിരിക്കുന്ന ഉപഭോക്താക്കൾക്ക് ഒരു നല്ല വാർത്തയാണ്. ശനിയാഴ്ച (ഡിസംബർ 28) 22 കാരറ്റ് സ്വർണത്തിന് ഗ്രാമിന് 15 രൂപയും പവന് 120 രൂപയുമാണ് കുറഞ്ഞത്. ഇതോടെ 22 കാരറ്റ് സ്വർണത്തിന്റെ ഗ്രാമിന്റെ വില 7135 രൂപയായി. ഒരു പവന്റെ വില 57,080 രൂപയിലുമെത്തി വ്യാപാരം പുരോഗമിക്കുന്നു.

18 കാരറ്റ് സ്വർണത്തിന്റെ വിലയിലും കുറവുണ്ടായിട്ടുണ്ട്. ഗ്രാമിന് 10 രൂപ കുറഞ്ഞ് 5895 രൂപയാണ് വില. പവന്റെ വില 80 രൂപ കുറഞ്ഞ് 47160 രൂപയായിട്ടുണ്ട്. സ്വർണത്തോടൊപ്പം വെള്ളി വിലയിലും ഇടിവ് രേഖപ്പെടുത്തി. ഒരു ഗ്രാം സാധാരണ വെള്ളിയുടെ വിലയിൽ ഒരു രൂപയുടെ കുറവുണ്ടായി. വിപണി വില 95 രൂപയാണ്.

ഈ ആഴ്ചയുടെ തുടക്കം മുതൽ സ്വർണവിലയിൽ കാര്യമായ മാറ്റങ്ങൾ പ്രകടമായിരുന്നു. വെള്ളിയാഴ്ച (27.12.2024) 22 കാരറ്റ് സ്വർണത്തിന് ഗ്രാമിന് 25 രൂപയും പവന് 200 രൂപയുമാണ് കൂടിയത്. 22 കാരറ്റ് സ്വർണത്തിന് ഗ്രാമിന് 7150 രൂപയിലും പവന് 57200 രൂപയിലുമാണ് വ്യാപാരം നടന്നത്. 18 കാരറ്റ് സ്വർണത്തിനും വില കൂടിയിരുന്നു. ഗ്രാമിന് 20 രൂപയും പവന് 160 രൂപയുമാണ് ഉയർന്നത്. 18 കാരറ്റ് സ്വർണത്തിന് ഗ്രാമിന് 5905 രൂപയിലും പവന് 47240 രൂപയിലുമായിരുന്നു വില. വെള്ളി നിരക്കിലും വർധനവുണ്ടായി. ഒരു ഗ്രാം സാധാരണ വെള്ളിക്ക് 95 രൂപയിൽനിന്ന് ഒരു രൂപ കൂടി 96 രൂപയിലായിരുന്നു വ്യാപാരം.

വ്യാഴാഴ്ചയും (ഡിസംബർ 26) സ്വർണവിലയിൽ വർധനവ് രേഖപ്പെടുത്തി. 22 കാരറ്റ് സ്വർണത്തിന് ഗ്രാമിന് 25 രൂപയും പവന് 200 രൂപയുമാണ് വർധിച്ചത്. ഇതോടെ 22 കാരറ്റ് സ്വർണത്തിന്റെ ഗ്രാമിന്റെ വില 7125 രൂപയായി ഉയർന്നു, ഒരു പവൻ സ്വർണത്തിന്റെ വില 57,000 രൂപയിലും എത്തി. 18 കാരറ്റ് സ്വർണത്തിന്റെ വിലയിലും വർധനവുണ്ടായിരുന്നു. ഗ്രാമിന് 20 രൂപയും പവന് 160 രൂപയുമാണ് വർധിച്ചത്. 18 കാരറ്റ് സ്വർണത്തിന് ഗ്രാമിന് 5885 രൂപയും പവന് 47,080 രൂപയുമായിരുന്നു നിരക്ക്. അതേസമയം, വെള്ളി വിലയിൽ മാറ്റമുണ്ടായില്ല. ഒരു ഗ്രാം സാധാരണ വെള്ളിയുടെ വില 95 രൂപയിൽ തുടർന്നു.

ബുധനാഴ്ചയും (ഡിസംബർ 25) സ്വർണവിലയിൽ വർധനവ് രേഖപ്പെടുത്തിയിരുന്നു. 22 കാരറ്റ് സ്വർണത്തിന് ഗ്രാമിന് 10 രൂപയും പവന് 80 രൂപയുമാണ് വർധിച്ചത്. അതോടെ 22 കാരറ്റ് സ്വർണത്തിന്റെ ഗ്രാമിന്റെ വില 7100 രൂപയിലും പവന്റെ വില 56,800 രൂപയിലുമെത്തിയിരുന്നു. 18 കാരറ്റ് സ്വർണത്തിന്റെ വിലയും ഉയർന്നു. ഗ്രാമിന് അഞ്ച് രൂപയും പവന് 40 രൂപയുമാണ് ബുധനാഴ്ച വർധിച്ചത്. 18 കാരറ്റ് സ്വർണത്തിന്റെ ഗ്രാമിന്റെ വില 5865 രൂപയും പവന്റെ വില 46,920 രൂപയുമായിരുന്നു.

എന്നാൽ ചൊവ്വാഴ്ച (ഡിസംബർ 24) സ്വർണവിലയിൽ നേരിയ കുറവ് രേഖപ്പെടുത്തിയിരുന്നു. 22 കാരറ്റ് സ്വർണത്തിന് ഗ്രാമിന് 10 രൂപയും പവന് 80 രൂപയുമാണ് കുറഞ്ഞത്. അന്ന് 22 കാരറ്റ് സ്വർണത്തിന്റെ ഗ്രാമിന്റെ വില 7090 രൂപയും ഒരു പവൻ സ്വർണത്തിന്റെ വില 56,720 രൂപയുമായിരുന്നു. 18 കാരറ്റ് സ്വർണത്തിനും വിലക്കുറവുണ്ടായിരുന്നു. ഗ്രാമിന് അഞ്ച് രൂപയും പവന് 40 രൂപയുമാണ് ചൊവ്വാഴ്ച കുറഞ്ഞത്. 18 കാരറ്റ് സ്വർണത്തിന്റെ ഗ്രാമിന്റെ വിപണി വില 5860 രൂപയും പവന്റെ വില 46,880 രൂപയുമായിരുന്നു. 

തിങ്കളാഴ്ച (ഡിസംബർ 23) സ്വർണം, വെള്ളി വിലകളിൽ കാര്യമായ മാറ്റങ്ങൾ ഉണ്ടായിരുന്നില്ല. 22 കാരറ്റ് സ്വർണത്തിന് ഗ്രാമിന് 7100 രൂപയും പവന് 56,800 രൂപയുമായിരുന്നു നിരക്ക്. 18 കാരറ്റ് സ്വർണത്തിന് ഗ്രാമിന് 5865 രൂപയും പവന് 46,920 രൂപയുമായിരുന്നു വിപണിവില. വെള്ളി വില 95 രൂപയിൽ തന്നെ തുടർന്നു.

സ്വർണവിലയിലെ മാറ്റങ്ങൾ

ഒക്ടോബർ 31 - 59,640 രൂപ
നവംബർ 30 -  57,200 രൂപ

ഡിസംബർ 01 -  57,200 രൂപ
ഡിസംബർ 02 -  56,720  രൂപ
ഡിസംബർ 03 -  57,040  രൂപ
ഡിസംബർ 04 -  57,040  രൂപ
ഡിസംബർ 05 -  57,120 രൂപ
ഡിസംബർ 06 -  56,920 രൂപ
ഡിസംബർ 07 -  56,920 രൂപ
ഡിസംബർ 08 -  56,920 രൂപ
ഡിസംബർ 09 -  57,040 രൂപ
ഡിസംബർ 10 -  57,640 രൂപ

ഡിസംബർ 11 -  58,280  രൂപ
ഡിസംബർ 12 -  58,280  രൂപ
ഡിസംബർ 13 -  57,840 രൂപ
ഡിസംബർ 14 -  57,120 രൂപ
ഡിസംബർ 15 -  57,120 രൂപ
ഡിസംബർ 16 -  57,120 രൂപ
ഡിസംബർ 17 -  57,200 രൂപ
ഡിസംബർ 18 -  57,080 രൂപ
ഡിസംബർ 19 -  56,560 രൂപ
ഡിസംബർ 20 -  56,320 രൂപ

ഡിസംബർ 21 -  56,800 രൂപ
ഡിസംബർ 22 -  56,800 രൂപ
ഡിസംബർ 23 -  56,800 രൂപ
ഡിസംബർ 24 -  56,720 രൂപ
ഡിസംബർ 25 -  56,800 രൂപ
ഡിസംബർ 26 -  57,000 രൂപ
ഡിസംബർ 27 -  57,200 രൂപ
ഡിസംബർ 28 -  57,080 രൂപ

#GoldPrice #KeralaGold #GoldRate #MarketUpdate #GoldNews #PriceFluctuations #Business