ഡൽഹി-എൻസിആർ മേഖലയിൽ സിഎൻജി വില വീണ്ടും വർധിപ്പിച്ചു; കിലോഗ്രാമിന് കൂട്ടിയത് 3.89 രൂപ

ന്യൂഡൽഹി: (KasargodVartha) ഡൽഹി-എൻസിആർ മേഖലയിൽ സിഎൻജി വില വർധിപ്പിച്ചു. മേഖലയിലെ പ്രധാന സിഎൻജി വിതരണ കമ്പനിയായ ഇന്ദ്രപ്രസ്ഥ ഗ്യാസ് ലിമിറ്റഡാണ് സിഎൻജിക്ക് വില വർധിപ്പിക്കുന്നതായി അറിയിച്ചത്. കിലോഗ്രാമിന് 3.89 രൂപയാണ് കൂട്ടിയത്. ശനിയാഴ്ച (ഓഗസ്റ്റ് 29) രാവിലെ ആറ് മുതൽ പുതിയ നിരക്ക് നിലവിൽവന്നു.

വില വർധിപ്പിച്ചതോടെ ഡൽഹിയിൽ സിഎൻജിക്ക് കിലോഗ്രാമിന് 86.98 രൂപയായി. നോയിഡ - 95.59 രൂപ, ഗാസിയാബാദ് - 95.59 രൂപ, മീററ്റ് - 95.47 രൂപ, ഗുരുഗ്രാം - 92.01 രൂപ എന്നിങ്ങനെയാണ് മറ്റിടങ്ങളിലെ പുതിയ നിരക്കുകൾ.

വില വർധനവിന് കാരണം

അന്താരാഷ്ട്ര വിപണിയിൽ എൽഎൻജി വില വർധിച്ചതാണ് സിഎൻജി വില വർധിപ്പിച്ചതിൻ്റെ പ്രധാന കാരണമായി ഐജിഎൽ പറയുന്നത്. വിദേശത്തുനിന്ന് ഇറക്കുമതി ചെയ്യുന്ന എൽഎൻജിയാണ് സിഎൻജി നിർമാണത്തിനായി പ്രധാനമായും ഉപയോഗിക്കുന്നത്. 

ഇതിനാൽ അന്താരാഷ്ട്ര വിപണിയിലെ വിലവ്യത്യാസം ആഭ്യന്തര വിപണിയെയും ബാധിക്കുന്നു. ഇറാൻ സംഘർഷവും ഹോർമുസ് വഴിയുള്ള ഇന്ധനനീക്കം നിലച്ചതും എൽഎൻജി വില വർധനവിന് കാരണമായിട്ടുണ്ടെന്നാണ് വിലയിരുത്തൽ.

പൊതുഗതാഗതത്തെ ബാധിക്കും

അതേസമയം, സിഎൻജി വില വർധിപ്പിച്ചത് ഡൽഹി-എൻസിആർ മേഖലകളിലെ പൊതുഗതാഗത മേഖലയെയും സാരമായി ബാധിക്കും. ഡൽഹിയിലെ മിക്ക ടാക്സി കാർ, ഓട്ടോകളും സിഎൻജിയാണ് ഉപയോഗിക്കുന്നത്. ഇന്ധനവില വർധനവ് ടാക്സി നിരക്ക് കൂടാനും കാരണമായേക്കും. നേരത്തേ കഴിഞ്ഞ മേയ് മാസത്തിൽ നാല് ഘട്ടങ്ങളിലായി സിഎൻജിക്ക് 6 രൂപ വരെ വർധിപ്പിച്ചിരുന്നു. ഇതിനുപിന്നാലെയാണ് വീണ്ടും വില വർധിപ്പിച്ചിരിക്കുന്നത്.

ഈ വാണിജ്യ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: Indraprastha Gas Limited (IGL) has hiked CNG prices in Delhi-NCR by ₹3.89 per kg with effect from Saturday, August 29, 2026, taking the price in Delhi to ₹86.98 per kg due to rising international LNG costs.

#KasargodVartha #CNGPriceHike #DelhiNCR #IGL #NewDelhiNews #FuelPrice #MalayalamNews #CNGRate #BusinessNews #AparnaNews