Success | ബേക്കല് അഗ്രോ കാര്ണിവല്: ആകര്ഷകമായ കാഴ്ചകള് സന്ദര്ശകരുടെ മനം കവരുന്നു
● ബേക്കൽ അഗ്രോ കാർണിവൽ വലിയ വിജയം
● കർഷകരുടെ ഉത്പന്നങ്ങൾ, നൂതന കൃഷി രീതികൾ എന്നിവ പ്രദർശിപ്പിച്ചു
● യുവതലമുറയെ കൃഷിയിലേക്ക് ആകർഷിക്കാനുള്ള ശ്രമം
കാഞ്ഞങ്ങാട്: (KasargodVartha) കാര്ഷിക മേഖലയുടെ ഉണര്വിനായി കാഞ്ഞങ്ങാട് ബ്ലോക്ക് പഞ്ചായത്ത് സംഘടിപ്പിച്ച ബേക്കല് അഗ്രോ കാര്ണിവലിന് വര്ണാഭമായ തുടക്കം. പള്ളിക്കരയില് നടന്ന ചടങ്ങില് നിയമസഭാ സ്പീക്കര് എ എന് ഷംസീര് മേള ഉദ്ഘാടനം ചെയ്തു. കാര്ഷിക രംഗത്ത് കേരളം ചില മേഖലകളിലെങ്കിലും സ്വയംപര്യാപ്തത നേടേണ്ടത് അത്യന്താപേക്ഷിതമാണെന്ന് സ്പീക്കര് അഭിപ്രായപ്പെട്ടു.
ഇത്തരം കാര്ഷിക മേളകള് യുവജനങ്ങളെ കൃഷിയിലേക്ക് അടുപ്പിക്കാന് സഹായിക്കുമെന്നും അദ്ദേഹം കൂട്ടിച്ചേര്ത്തു. സംസ്ഥാനത്തിന്റെ കാര്ഷിക പുരോഗതിക്ക് യുവതലമുറയുടെ പങ്കാളിത്തം അനിവാര്യമാണെന്നും സ്പീക്കര് തന്റെ പ്രസംഗത്തില് ഊന്നിപ്പറഞ്ഞു.
കാര്ണിവലില് ഒരുക്കിയിട്ടുള്ള ആകര്ഷകമായ കാഴ്ചകള് സന്ദര്ശകരുടെ മനം കവരുന്നു. വിവിധതരം കാര്ഷിക ഉത്പന്നങ്ങളുടെയും പുതിയ കൃഷി രീതികളുടെയും ആധുനിക കാര്ഷിക ഉപകരണങ്ങളുടെയും വിപുലമായ പ്രദര്ശനം മേളയുടെ പ്രധാന ആകര്ഷണമാണ്. യുവ കര്ഷകര്ക്കും സംരംഭകര്ക്കും അവരുടെ ഉത്പന്നങ്ങളും നൂതന ആശയങ്ങളും മറ്റുള്ളവരുമായി പങ്കുവെക്കാനും ഇത് ഒരു മികച്ച വേദിയായി മാറിക്കഴിഞ്ഞു.
അഡ്വ. സി എച്ച് കുഞ്ഞമ്പു എം.എല്.എ. അധ്യക്ഷത വഹിച്ച ഉദ്ഘാടന ചടങ്ങില് ജില്ലാ കലക്ടര് കെ. ഇമ്പശേഖര് വിശിഷ്ടാതിഥിയായിരുന്നു. കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് കെ. മണികണ്ഠന്, വൈസ് പ്രസിഡന്റ് കെ.വി. ശ്രീലത, ഗ്രാമപഞ്ചായത്ത് പ്രസിഡന്റുമാരായ എം. ലക്ഷ്മി, എം. കുമാരന്, ടി. ശോഭ, മുന് എം.എല്.എ. കെ.വി. കുഞ്ഞിരാമന്, ബ്ലോക്ക് പഞ്ചായത്ത് സ്റ്റാന്ഡിങ് കമ്മിറ്റി ചെയര്മാന്മാര്, വിവിധ വകുപ്പ് ഉദ്യോഗസ്ഥര്, ബ്ലോക്ക് പഞ്ചായത്ത് അംഗങ്ങള് തുടങ്ങിയവര് പങ്കെടുത്തു.
#KeralaAgriculture #AgroCarnival #Farming #RuralDevelopment #Kanhangad #Bekal
