കാനത്തൂരില്‍ വീണ്ടും കാട്ടാനകള്‍ കൃഷിനശിപ്പിച്ചു

By Web Desk - MainJan 15, 2018, 18:20 IST

കാസര്‍കോട്:(www.kasargodvartha.com 15.01.2018) കാനത്തൂരില്‍ കാട്ടാനകളുടെ വിളയാട്ടം വീണ്ടും. ഞായറാഴ്ച പുലര്‍ച്ചെ കാട്ടാനകള്‍ വ്യാപകമായി കൃഷിനശിപ്പിച്ചു. കാനത്തൂര്‍ മൂടംവീട് ഭാഗത്താണ് ആനകളിറങ്ങിയത്. വി നാരായണന്‍, ശാരദ, ഭാസ്‌ക്കരന്‍ എന്നിവരുടെ നിരവധി കവുങ്ങുകളും തെങ്ങുകളും ആനകള്‍ നശിപ്പിച്ചു.

പുലര്‍ച്ചെ ശബ്ദം കേട്ട് വി നാരായണന്റെ മകന്‍ മാധവന്‍ വീട്ടിനു പുറത്തിറങ്ങി നോക്കിയപ്പോള്‍ മൂന്നു വലിയ ആനകളെയും ഒരു കുട്ടിയാനയെയും വീട്ടിനു തൊട്ടടുത്തു നില്‍ക്കുന്നതായി കണ്ടതോടെ ബഹളം വെച്ചു. ഇതോടെ ആനകള്‍ പിന്തിരിയുകയായിരുന്നു.