റെയില്‍വേ ഗേറ്റ് തുറക്കാനായില്ല; പരീക്ഷാര്‍ത്ഥികള്‍ കുടുങ്ങി

കാഞ്ഞങ്ങാട്: തീവണ്ടികള്‍ക്ക് കടന്നുപോകാനായി അടച്ചിട്ട റെയില്‍വെ ഗേറ്റ് മണിക്കൂറുകളോളം തുറക്കാനായില്ല.  ഇതേ തുടര്‍ന്ന് പിഎസ്‌സി പരീക്ഷയെഴുതാന്‍ പോവുകയായിരുന്ന ഉദ്യോഗാര്‍ത്ഥികളടക്കമുള്ള യാത്രക്കാര്‍ കുടുങ്ങി. ശനിയാഴ്ച രാവിലെ 10.30 മണിയോടെ തീവണ്ടികള്‍ക്ക് കടന്നുപോകാന്‍ ഗേറ്റ്മാന്‍ പടന്നക്കാട് റെയില്‍വെ ഗേറ്റ് അടയ്ക്കുകയായിരുന്നു. തീവണ്ടികള്‍ പോയിട്ടും ഗേറ്റ് തുറക്കാന്‍ സാധിച്ചില്ല. ഏറെ നേരത്തെ പരിശ്രമം നടത്തിയിട്ടും ഗേറ്റ് തുറക്കാന്‍ സാധിക്കാതിരുന്നതോടെ ബസുകളിലും മറ്റ് വാഹനങ്ങളിലുമുള്ള യാത്രക്കാര്‍ വലയുകയായിരുന്നു. പടന്നക്കാട് റെയില്‍വെ ഗേറ്റ് വഴി പോകേണ്ട ബസുകള്‍ ഈ സാഹചര്യത്തില്‍ മറ്റൊരു റൂട്ടിലൂടെ പോവുകയായിരുന്നു.