What is the primary issue faced by the 'Chavittuvaala' fishermen in Mogral despite a good catch?

The primary issue is the extremely low price for their fish, particularly the 'Veluri' fish. Although they had a bountiful catch after a rough sea period, the poor market price meant their hard work did not translate into a fair income, leaving them disappointed.

വേളൂരി മീൻ ചാകര ലഭിച്ചിട്ടും മൊഗ്രാലിലെ ചവിട്ടുവലക്കാർ നേരിടുന്ന പ്രധാന പ്രശ്നം എന്താണ്?

വേളൂരി മീനിന് ലഭിക്കുന്ന തുച്ഛമായ വിലയാണ് ഇവർ നേരിടുന്ന പ്രധാന പ്രശ്നം. കഠിനാധ്വാനം ചെയ്ത് വല നിറയെ മീൻ പിടിച്ചിട്ടും, വരുമാനം കുറഞ്ഞത് തൊഴിലാളികളെ വലിയ നിരാശയിലാക്കുന്നു.

What is 'Chavittuvaala' and what is its significance to the Mogral community?

'Chavittuvaala' is a traditional fishing method unique to Mogral, with a history of over a hundred years. It involves casting a net into the sea from a boat and then pulling it ashore from the beach, a method known locally as 'Rampani.' It was once a major economic source for the region.

എന്താണ് 'ചവിട്ടുവല', ഇത് മൊഗ്രാൽ സമൂഹത്തിന് എത്രത്തോളം പ്രധാനമാണ്?

നൂറ്റാണ്ടിലേറെ പഴക്കമുള്ള ഒരു പരമ്പരാഗത മത്സ്യബന്ധന രീതിയാണ് 'ചവിട്ടുവല' അഥവാ 'റംമ്പണി'. ഒരു തോണിയിൽ വല കടലിലിട്ട് കരയിൽ നിന്ന് വലിച്ചെടുക്കുന്ന രീതിയാണിത്. ഒരുകാലത്ത് മൊഗ്രാലിന്റെ പ്രധാന വരുമാന സ്രോതസ്സായിരുന്നു ഈ തൊഴിൽ.

Why has the number of traditional fishermen decreased in Mogral over the years?

The number of fishermen has drastically decreased due to several factors. Many have migrated to Gulf countries for better job opportunities. Additionally, reduced fish availability and unpredictable weather patterns have made this traditional livelihood less viable, causing many to abandon it.

എന്തുകൊണ്ടാണ് വർഷങ്ങളായി മൊഗ്രാലിലെ പരമ്പരാഗത മത്സ്യത്തൊഴിലാളികളുടെ എണ്ണം കുറഞ്ഞത്?

ഗൾഫ് രാജ്യങ്ങളിലേക്കുള്ള കുടിയേറ്റം, മത്സ്യലഭ്യതയിലുണ്ടായ കുറവ്, കാലാവസ്ഥാ വ്യതിയാനങ്ങൾ എന്നിവ കാരണം പല തൊഴിലാളികളും ഈ മേഖല ഉപേക്ഷിച്ച് മറ്റ് ജോലികളിലേക്ക് മാറിയതാണ് എണ്ണം കുറയാൻ കാരണം.

What is the current outlook for traditional fishermen compared to deep-sea fishing boats?

While the traditional fishermen are struggling with low prices for their catch, deep-sea fishing boats are getting a steady supply of high-value fish like prawns. This highlights the disparity between traditional and modern fishing methods

പരമ്പരാഗത മത്സ്യത്തൊഴിലാളികളുടെ ഇപ്പോഴത്തെ അവസ്ഥയെ ആഴക്കടൽ മത്സ്യബന്ധന ബോട്ടുകളുമായി താരതമ്യം ചെയ്യുമ്പോൾ എന്താണ് വ്യത്യാസം?

പരമ്പരാഗത മത്സ്യത്തൊഴിലാളികൾക്ക് വിലക്കുറവ് കാരണം ദുരിതമനുഭവിക്കുമ്പോൾ, ആഴക്കടലിൽ മത്സ്യബന്ധനം നടത്തുന്ന ബോട്ടുടമകൾക്ക് ആവശ്യത്തിന് ചെമ്മീൻ അടക്കമുള്ള വിലയേറിയ മത്സ്യങ്ങൾ ലഭിക്കുന്നുണ്ട്.

കടലിറങ്ങിയ ചവിട്ടുവലക്കാർക്ക് വേളൂരി മീൻ ചാകര, പക്ഷേ കഷ്ടപ്പാടിന് വിലയില്ല

Whatsapp Group Whatsapp Channel

By Main DeskUpdated: Aug 10, 2025, 16:58 IST

Traditional fishermen in Mogral using 'Chavittuvaala' nets for fishing.

● മത്സ്യലഭ്യത കുറഞ്ഞതും കാലാവസ്ഥാ മാറ്റങ്ങളും ഒരു കാരണമാണ്.
● ഇപ്പോൾ മൊഗ്രാലിൽ മൂന്ന് ചവിട്ടുവല സംഘങ്ങൾ മാത്രമാണുള്ളത്.
● ചെമ്മീൻ ചാകര ലഭിക്കുമെന്ന പ്രതീക്ഷയിലാണ് തൊഴിലാളികൾ.
● ബോട്ടുകൾക്ക് ആഴക്കടലിൽ ആവശ്യത്തിന് മത്സ്യം ലഭിക്കുന്നുണ്ട്.

മൊഗ്രാൽ: (KasargodVartha) കടൽക്ഷോഭത്തിന് നേരിയ ശമനമുണ്ടായതോടെ മൊഗ്രാലിലെ പരമ്പരാഗത മത്സ്യത്തൊഴിലാളികൾ വലയെറിഞ്ഞു. ആദ്യദിവസം തന്നെ വല നിറയെ മീൻ ലഭിച്ചുവെങ്കിലും വിലയില്ലാത്തത് തൊഴിലാളികളെ നിരാശരാക്കി.

മൊഗ്രാലിലെ പരമ്പരാഗത മത്സ്യബന്ധന രീതിയാണ് ചവിട്ടുവല. ഒരുകാലത്ത് മൊഗ്രാലിന്റെ സാമ്പത്തിക സ്രോതസ്സായിരുന്ന ഈ തൊഴിൽ മേഖലയ്ക്ക് നൂറുവർഷത്തിലേറെ പഴക്കമുണ്ട്. ആയിരക്കണക്കിനാളുകൾ ജോലി ചെയ്തിരുന്ന ഈ രംഗത്ത് ഇന്ന് നൂറിൽ താഴെ തൊഴിലാളികളാണുള്ളത്.

'റംമ്പണി' എന്ന് വിശേഷിപ്പിക്കുന്ന ചവിട്ടുവല മത്സ്യബന്ധനത്തിൽ രണ്ടു പതിറ്റാണ്ട് മുൻപ് വരെ ആറ് ഗ്രൂപ്പുകളിലായി ആയിരക്കണക്കിനാളുകൾ തൊഴിലെടുത്തിരുന്നു. പിന്നീട് തൊഴിലാളികൾ ഗൾഫിലേക്ക് ചേക്കേറിയതോടെ ഈ തൊഴിലിന് ആളെ കിട്ടാതായി.

ഒപ്പം മത്സ്യലഭ്യതയിലെ കുറവും കാലാവസ്ഥാ വ്യതിയാനവും കാരണം തൊഴിലാളികൾ ഈ മേഖല വിട്ട് മറ്റ് ജോലികളിൽ ഏർപ്പെട്ടു. ഇത് മൂലം പല റംമ്പണി സംഘങ്ങളും തോണിയും വലയും ഉപേക്ഷിച്ചു. ഇപ്പോൾ മൊഗ്രാലിൽ മൂന്ന് ചവിട്ടുവല സംഘങ്ങൾ മാത്രമാണുള്ളത്.

Traditional fishermen in Mogral using 'Chavittuvaala' nets for fishing.

ഏകദേശം നൂറോളം പേർ മാത്രമാണ് ഇപ്പോൾ ഈ തൊഴിലിൽ ഏർപ്പെട്ടിരിക്കുന്നത്. 100 മുതൽ 300 മീറ്റർ ദൂരത്തിൽ തോണിയിൽ കടലിൽ വലയിട്ട് കരയിൽ നിന്ന് വലിച്ചെടുക്കുന്നതാണ് ചവിട്ടുവല മത്സ്യബന്ധനം. മൊഗ്രാലിന് പുറമെ പള്ളിക്കരയിലും ഈ രീതി നിലവിലുണ്ട്.

ഞായറാഴ്ച പ്രതീക്ഷയോടെ കടലിലിറങ്ങിയ ചവിട്ടുവലയിൽ നിറയെ 'വേളൂരി' മത്സ്യമാണ് ലഭിച്ചത്. എന്നാൽ വില തുച്ഛമായിരുന്നു. വരും ദിവസങ്ങളിൽ ചെമ്മീൻ ചാകരയും മറ്റ് മത്സ്യങ്ങളും ലഭിക്കുമെന്ന പ്രതീക്ഷയിലാണ് പരമ്പരാഗത മത്സ്യത്തൊഴിലാളികൾ.

അതേസമയം ആഴക്കടലിൽ മത്സ്യബന്ധനം നടത്തുന്ന ബോട്ടുടമകൾക്ക് ആവശ്യത്തിന് ചെമ്മീൻ അടക്കമുള്ള മത്സ്യങ്ങൾ ലഭിക്കുന്നുണ്ട്. കഴിഞ്ഞ രണ്ടാഴ്ചയായി കാസർകോട് മത്സ്യവിപണി സജീവമാണ്. ആവശ്യത്തിന് ഫ്രഷ് മത്സ്യം ലഭിച്ചു തുടങ്ങിയത് മത്സ്യപ്രേമികൾക്കും സന്തോഷമായി.

മൊഗ്രാലിലെ ചവിട്ടുവല മത്സ്യത്തൊഴിലാളികളുടെ ഈ അവസ്ഥയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Mogral fishermen get a good catch, but face low prices.

#Mogral #Fishermen #Fishing #Kasaragod #Kerala #TraditionalFishing