നെല്‍വയല്‍ സംരക്ഷിക്കണമെന്നാവശ്യപ്പെട്ട് കലക്ട്രേറ്റിനു മുന്നില്‍ സത്യാഗ്രഹം
Jul 25, 2012, 17:23 IST
2005 വരെ നികത്തിയ നെല്‍വയലുകള്‍ക്കും തണ്ണീര്‍തടങ്ങള്‍ക്കും നിയമസാധുത നല്‍കാനുള്ള സര്‍ക്കാര്‍ തീരുമാനം പിന്‍വലിക്കുക നെല്‍വയലുകളുടെ ഡാറ്റാ ബാങ്ക് ഉടന്‍ ഗസറ്റില്‍ പ്രസിദ്ധപ്പെടുത്തുക, വയല്‍ നികത്തുന്നവര്‍ക്ക് നിയമപ്രകാരമുള്ള ശിക്ഷ ഉറപ്പാക്കുക തുടങ്ങിയ ആവശ്യങ്ങളാണ് സത്യാഗ്രഹത്തില്‍ ഉന്നയിച്ചത്. ശാസ്ത്ര സാഹിത്യപരിഷത്തടക്കമുള്ള വിവിധ പരിസ്ഥിതി സംഘടനകളും കര്‍ഷകരും സത്യാഗ്രഹത്തില്‍ പങ്കെടുത്തു.
നാരായണന്‍ പേരിയ ഉദ്ഘാടനം ചെയ്തു. ടി.വി രാജേന്ദ്രന്‍, മുരളീധരന്‍, കരിവെള്ളൂര്‍ മുരളി, രവീന്ദ്രന്‍ കൊടക്കാട്, രാധാകൃഷ്ണന്‍ പെരുമ്പള, മോഹനന്‍ മാങ്ങാട്, പി. കൃഷ്ണന്‍ പുല്ലൂര്‍, മധു മുതിയക്കാല്‍ എന്നിവര്‍ സംസാരിച്ചു. മുന്‍ മന്ത്രി പി.സി തോമസ് സമരപന്തലിലെത്തി സത്യാഗ്രഹികളെ അഭിവാദ്യം ചെയ്തു.
Keywords: Kasaragod, P.C. Thomas, Collectorate, Hunger strike, Agriculture
Tags
Share this story
