വീതി കുറഞ്ഞ റോഡായതിനാല്‍ രണ്ട് വാഹനങ്ങള്‍ നേര്‍ക്കുനേര്‍ വന്നാല്‍ കാല്‍നടയാത്രക്കാര്‍ക്കും, വിദ്യാര്‍ഥികള്‍ക്കും മാറിനില്‍ക്കാന്‍ കഴിയാത്ത അവസ്ഥയാണ് നിലവിലുള്ളത്. അതിനാല്‍ സമീപത്തുള്ള ഓവുചാലിന് കോണ്‍ക്രീറ്റ് പലക പാകി മുകളിലൂടെ നടപ്പാത നിര്‍മിക്കാനായാല്‍ ഈ ദുരിതത്തിന് പരിഹാരമാവുമെന്ന് വിദ്യാര്‍ഥികളും, സമീപത്തെ വ്യാപാരികളും ആവശ്യപ്പെട്ടിരുന്നു.
എന്നാല്‍ നടപ്പാത എന്നാവശ്യം പദ്ധതിയില്‍ പരിഗണിച്ചിട്ടില്ല. സ്ലാബിട്ടു കഴിഞ്ഞാല്‍ ഇരുചക്രവാഹനങ്ങള്‍ക്ക് പാര്‍കിംഗ് സൗകര്യമാവുമെന്നും, ഇത് ഇടുങ്ങിയ സ്‌കൂള്‍ റോഡിലെ വാഹനപെരുപ്പം കുറക്കുമെന്നുമാണ് പഞ്ചായത് അധികൃതര്‍ പറയുന്നത്. ഓവുചാല്‍ മൂടാത്തത് കാരണം ഇവിടെ രാത്രികാലങ്ങളില്‍ മാലിന്യം തള്ളുകയും, കത്തിക്കുന്നതും പതിവായിരുന്നു.
ഇതുമൂലം ഓവുചാല്‍ മൂടപ്പെടുകയും മഴവെള്ളവും, മലിനജലവും ടൗണിലെ റോഡിലൂടെയും, വ്യാപാര സ്ഥാപനങ്ങളിലേക്കുമാണ് ഒഴുകിയെത്തുന്നത്. ഇത് മഴക്കാലത്ത് വ്യാപാരികള്‍ക്ക് ഏറെ ദുരിതം ഉണ്ടാക്കുകയും ചെയ്തിരുന്നു. ഇതിന് കൂടി പരിഹാരമെന്നോണമാണ് സ്ലാബിട്ട് മൂടാന്‍ തുക അനുവദിച്ചിരിക്കുന്നത്.
Keywords: Kumbla, Malayalam News, Kerala News, Kasaragod News, Kumbala News, Grama Panchayat, Kumbla School, Grama Panchayat sanctioned fund for drainage on Kumbla School Road.
< !- START disable copy paste -->