Gold Price | വമ്പൻ കുതിപ്പിന് ശേഷം ഇടിഞ്ഞ് സ്വർണവില; ഒരു പവന് 200 രൂപയുടെ കുറവ്

കൊച്ചി: (KasargodVartha) നാല് ദിവസത്തെ കുതിപ്പിന് ശേഷം സംസ്ഥാനത്ത് സ്വർണവില കുറഞ്ഞു. തിങ്കളാഴ്ച (23.10.2023) ഒരു ഗ്രാം 22 കാരറ്റ് സ്വര്‍ണത്തിന് 25 രൂപയുടെയും ഒരു പവന്‍ 22 കാരറ്റിന് 200 രൂപയുടെയും ഇടിവാണുണ്ടായത്. എന്നിരുന്നാലും 45,000 ന് മുകളിൽ തന്നെയാണ് സംസ്ഥാനത്തെ സ്വർണവില ഇപ്പോഴുമുള്ളത്. ഒരു ഗ്രാം 22 കാരറ്റ് സ്വര്‍ണത്തിന് 5635 രൂപയിലും ഒരു പവന്‍ 22 കാരറ്റിന് 45,080 രൂപയിലുമാണ് വ്യാപാരം നടക്കുന്നത്.

തിങ്കളാഴ്ച ഒരു ഗ്രാം 18 കാരറ്റ് സ്വര്‍ണത്തിന് 20 രൂപയും ഒരു പവന്‍ 18 കാരറ്റിന് 160 രൂപയും കുറഞ്ഞു. ഒരു ഗ്രാം 18 കാരറ്റ് സ്വര്‍ണത്തിന് 4678 രൂപയും ഒരു പവന്‍ 18 കാരറ്റിന് 37,424 രൂപയുമാണ് വിപണി വില. അതേസമയം വെള്ളിയുടെ വിലയില്‍ മാറ്റമില്ല. ഒരു ഗ്രാം സാധാരണ വെള്ളിക്ക് 79 രൂപയിലും ഒരു ഗ്രാം ഹാള്‍മാര്‍ക് വെള്ളിക്ക് 103 രൂപയിലുമാണ് വ്യാപാരം പുരോഗമിക്കുന്നത്.

ശനിയാഴ്ച (21.10.2023) ഒരു ഗ്രാം 22 കാരറ്റ് സ്വര്‍ണത്തിന് 20 രൂപയും ഒരു പവന്‍ 22 കാരറ്റിന് 160 രൂപയുമാണ് കൂടിയത്.ഒരു ഗ്രാം 22 കാരറ്റ് സ്വര്‍ണത്തിന് 5660 രൂപയിലും ഒരു പവന്‍ 22 കാരറ്റിന് 45,280 രൂപയിലുമാണ് വ്യാപാരം നടന്നത്. കൂടാതെ, ഒരു ഗ്രാം 18 കാരറ്റ് സ്വർണത്തിന് 15 രൂപയും ഒരു പവന്‍ 18 കാരറ്റിന് 120 രൂപയും വർധിച്ചു. ഒരു ഗ്രാം 18 കാരറ്റ് സ്വര്‍ണത്തിന് 4698 രൂപയും ഒരു പവന്‍ 18 കാരറ്റിന് 37,584 രൂപയുമായിരുന്നു വില.

ശനിയാഴ്ച സാധാരണ വെള്ളിയുടെ വിലയും കൂടിയിരുന്നു. ഒരു ഗ്രാം സാധാരണ വെള്ളിയുടെ വില ഒരു രൂപ വർധിച്ച് 79 രൂപയായാണ് ഉയർന്നത്. അതേസമയം ഹാള്‍മാര്‍ക് വെള്ളിയുടെ വിലയിൽ മാറ്റമുണ്ടായില്ല. രണ്ടുദിവസത്തെ ഇടിവിന് ശേഷം ബുധനാഴ്ച (18.10.2023) മുതലാണ് സ്വർണവില വീണ്ടും കുത്തനെ ഉയരാൻ തുടങ്ങിയത്. നേരത്തെ 2023 ഏപ്രിൽ അഞ്ചിനും മെയ്‌ അഞ്ചിനുമാണ് സ്വർണ വില 45,000 രൂപയ്ക്ക് മുകളിൽ കടന്നത്.

Keywords: News, Kerala, Kochi, Gold Rate, Silver Rate, Gold News, Business News, Gold price in Kerala on October 23
< !- START disable copy paste -->