Nipah | നിപ: കാസര്കോട്ടും ജാഗ്രത പാലിക്കണമെന്ന് മെഡികല് ഓഫീസര്; ലക്ഷണങ്ങള് ശ്രദ്ധയില്പ്പെട്ടാല് ഉടനെ ആരോഗ്യ കേന്ദ്രങ്ങളിലെത്തി ചികിത്സ തേടണം; പക്ഷി മൃഗാദികളുടെ കടിയേറ്റതോ നിലത്ത് വീണുകിടക്കുന്നതോ ആയ പഴങ്ങള് ഉപയോഗിക്കരുതെന്ന് നിര്ദേശം
Sep 13, 2023, 21:17 IST
കാസര്കോട്: (www.kasargodvartha.com) കോഴിക്കോട് ജില്ലയില് നിപ സ്ഥിരീകരിച്ച സാഹചര്യത്തില് അടുത്ത ജില്ലയായ കാസര്കോട് ജില്ലയിലും പ്രത്യേകം ജാഗ്രത പാലിക്കണമെന്ന് ജില്ലാ മെഡിക്കല് ഓഫീസര് ഡോ.എ.വി.രാംദാസ് അറിയിച്ചു. ആരോഗ്യവകുപ്പിലെ പ്രോഗ്രാം ഓഫീസര്മാരുടെ അടിയന്തര യോഗം വിളിച്ചു ചേര്ത്ത് ജില്ലയില് നിലവില് ആശങ്കപ്പെടേണ്ട അടിയന്തര സാഹചര്യങ്ങള് നിലവിലില്ലെന്ന് വിലയിരുത്തുകയും പകര്ച്ചവ്യാധി പരിവീക്ഷണ പ്രവര്ത്തനങ്ങള് കൂടുതല് ശക്തിപ്പെടുത്താന് എല്ലാ ആരോഗ്യകേന്ദ്രങ്ങള്ക്കും നിര്ദ്ദേശം നല്കുകയും ചെയ്തു. ജനങ്ങള് പരിഭ്രാന്തരാകേണ്ടതില്ലെന്നും പ്രതിരോധമാര്ഗങ്ങള് സ്വീകരിച്ച് ജാഗ്രതയോടെ നേരിടണമെന്നും ഡി.എം.ഒ അറിയിച്ചു.
പനിയോടൊപ്പം ശക്തമായ തലവേദന, ക്ഷീണം, ഛര്ദ്ദി, തളര്ച്ച, ബോധക്ഷയം, കാഴ്ച മങ്ങുക എന്നിവയാണ് നിപയുടെ പ്രധാന രോഗ ലക്ഷണങ്ങള്. ഇത്തരം ലക്ഷണങ്ങള് ശ്രദ്ധയില്പ്പെട്ടാല് ഉടനെ ആരോഗ്യ കേന്ദ്രങ്ങളിലെത്തി ചികിത്സ തേടണം. ശരീര സ്രവങ്ങള് വഴിയാണ് രോഗം പകരുന്നത്. അതുകൊണ്ട്തന്നെ ചുമക്കുമ്പോഴും തുമ്മുമ്പോഴുമുള്ള ചെറു സ്രവകണങ്ങള് മറ്റുള്ളവരിലേക്ക് പകരാതിരിക്കാന് മാസ്ക് ഉപയോഗിക്കണം.
ഇത്തരം രോഗികളെ പരിചരിക്കുന്നവരും അവരുമായി അടുത്തിടപഴകുന്ന സാഹചര്യമുള്ളവരും എന് 95 മാസ്കും കയ്യുറകളും ഉപയോഗിക്കണം. കൈകള് പല സ്ഥലങ്ങളിലും സ്പര്ശിക്കുന്നത് പരമാവധി ഒഴിവാക്കുകയും ഇടയ്ക്കിടെ സോപ്പോ സാനിറ്റൈസറോ ഉപയോഗിച്ച് കഴുകുകയും വേണം. രോഗീ സന്ദര്ശനങ്ങളും പകര്ച്ചവ്യാധി സാധ്യതയുള്ള പ്രദേശങ്ങളിലേക്കുള്ള യാത്രകളും ഒഴിവാക്കാന് ശ്രദ്ധിക്കണം. ലക്ഷണങ്ങളുള്ള രോഗികള് ഉപയോഗിച്ച വസ്ത്രങ്ങള്, ബെഡ്ഷീറ്റ് മുതലായവ പ്രത്യേകം പുഴുങ്ങി അലക്കി വെയിലില് ഉണക്കുക. മുറികള് അണുനാശിനി ഉപയോഗിച്ച് കഴുകുക.
പക്ഷി മൃഗാദികളുടെ കടിയേറ്റതോ നിലത്ത് വീണു കിടക്കുന്നതോ ആയ പഴങ്ങള് ഉപയോഗിക്കരുത്. പഴങ്ങള് നന്നായി കഴുകിയ ശേഷം മാത്രം കഴിക്കുക. തുറന്ന് വച്ച കലങ്ങളില് സൂക്ഷിച്ച കള്ള് പോലെയുള്ള പാനീയങ്ങള് ഉപയോഗിക്കാതിരിക്കുക. നിപ പോലുള്ള സാഹചര്യങ്ങളില് തെറ്റായ വാര്ത്തകളും പ്രചരണങ്ങളും തിരിച്ചറിയാനും തള്ളിക്കളയാനും എല്ലാവരും ശ്രദ്ധിക്കുകയും ശരിയായ വിവരങ്ങള്ക്ക് സര്ക്കാര് കേന്ദ്രങ്ങളെ പിന്തുടരുകയും ചെയ്യുക. ഏതെങ്കിലും സഹായങ്ങള്ക്ക് അടുത്തുള്ള ആരോഗ്യകേന്ദ്രങ്ങളെയോ ആരോഗ്യ പ്രവര്ത്തകരെയോ ബന്ധപ്പെടാവുന്നതാണ്.
പനിയോടൊപ്പം ശക്തമായ തലവേദന, ക്ഷീണം, ഛര്ദ്ദി, തളര്ച്ച, ബോധക്ഷയം, കാഴ്ച മങ്ങുക എന്നിവയാണ് നിപയുടെ പ്രധാന രോഗ ലക്ഷണങ്ങള്. ഇത്തരം ലക്ഷണങ്ങള് ശ്രദ്ധയില്പ്പെട്ടാല് ഉടനെ ആരോഗ്യ കേന്ദ്രങ്ങളിലെത്തി ചികിത്സ തേടണം. ശരീര സ്രവങ്ങള് വഴിയാണ് രോഗം പകരുന്നത്. അതുകൊണ്ട്തന്നെ ചുമക്കുമ്പോഴും തുമ്മുമ്പോഴുമുള്ള ചെറു സ്രവകണങ്ങള് മറ്റുള്ളവരിലേക്ക് പകരാതിരിക്കാന് മാസ്ക് ഉപയോഗിക്കണം.
ഇത്തരം രോഗികളെ പരിചരിക്കുന്നവരും അവരുമായി അടുത്തിടപഴകുന്ന സാഹചര്യമുള്ളവരും എന് 95 മാസ്കും കയ്യുറകളും ഉപയോഗിക്കണം. കൈകള് പല സ്ഥലങ്ങളിലും സ്പര്ശിക്കുന്നത് പരമാവധി ഒഴിവാക്കുകയും ഇടയ്ക്കിടെ സോപ്പോ സാനിറ്റൈസറോ ഉപയോഗിച്ച് കഴുകുകയും വേണം. രോഗീ സന്ദര്ശനങ്ങളും പകര്ച്ചവ്യാധി സാധ്യതയുള്ള പ്രദേശങ്ങളിലേക്കുള്ള യാത്രകളും ഒഴിവാക്കാന് ശ്രദ്ധിക്കണം. ലക്ഷണങ്ങളുള്ള രോഗികള് ഉപയോഗിച്ച വസ്ത്രങ്ങള്, ബെഡ്ഷീറ്റ് മുതലായവ പ്രത്യേകം പുഴുങ്ങി അലക്കി വെയിലില് ഉണക്കുക. മുറികള് അണുനാശിനി ഉപയോഗിച്ച് കഴുകുക.
പക്ഷി മൃഗാദികളുടെ കടിയേറ്റതോ നിലത്ത് വീണു കിടക്കുന്നതോ ആയ പഴങ്ങള് ഉപയോഗിക്കരുത്. പഴങ്ങള് നന്നായി കഴുകിയ ശേഷം മാത്രം കഴിക്കുക. തുറന്ന് വച്ച കലങ്ങളില് സൂക്ഷിച്ച കള്ള് പോലെയുള്ള പാനീയങ്ങള് ഉപയോഗിക്കാതിരിക്കുക. നിപ പോലുള്ള സാഹചര്യങ്ങളില് തെറ്റായ വാര്ത്തകളും പ്രചരണങ്ങളും തിരിച്ചറിയാനും തള്ളിക്കളയാനും എല്ലാവരും ശ്രദ്ധിക്കുകയും ശരിയായ വിവരങ്ങള്ക്ക് സര്ക്കാര് കേന്ദ്രങ്ങളെ പിന്തുടരുകയും ചെയ്യുക. ഏതെങ്കിലും സഹായങ്ങള്ക്ക് അടുത്തുള്ള ആരോഗ്യകേന്ദ്രങ്ങളെയോ ആരോഗ്യ പ്രവര്ത്തകരെയോ ബന്ധപ്പെടാവുന്നതാണ്.
Keywords: #Nipah Virus, Nipah, Kozhikode, Nipah virus, Health, Lifestyle, Diseases, Kerala News, Kasaragod News, Malayalam News, Kasaragod Medical Officer, Health News, Nipah: Kasaragod should also be cautious, says medical officer.
< !- START disable copy paste --> 
