Release Date | ധ്യാന് ശ്രീനിവാസനും അജു വര്ഗീസും ഒന്നിക്കുന്ന 'നദികളില് സുന്ദരി യമുന' തീയേറ്ററുകളിലേക്ക്; റിലീസ് തീയതി പ്രഖ്യാപിച്ചു
കൊച്ചി: (www.kasargodvartha.com) ധ്യാന് ശ്രീനിവാസനും അജു വര്ഗീസും ഒന്നിക്കുന്ന 'നദികളില് സുന്ദരി യമുനയുടെ റിലീസ് തീയതി പ്രഖ്യാപിച്ചു. നവാഗതരായ വിജേഷ് പനത്തൂര്, ഉണ്ണി വെല്ലോറ എന്നിവര് തിരക്കഥയെഴുതി സംവിധാനം ചെയ്യുന്ന ചിത്രം സെപ്തംബര് 15നാണ് തീയേറ്ററുകളിലെത്തുന്നത്.
സിനിമാറ്റിക് ഫിലിംസ് എല് എല് പിയുടെ ബാനറില് വിലാസ് കുമാര്, സിമി മുരളി കുന്നുംപുറത്ത് എന്നിവര് ചേര്ന്നാണ് ചിത്രത്തിന്റെ നിര്മാണം. സുധീഷ്, കലാഭവന് ഷാജോണ്, നിര്മല് പാലാഴി, നവാസ് വള്ളിക്കുന്ന്, സോഹന് സീനുലാല്, രാജേഷ് അഴിക്കോടന്, കിരണ് രമേശ്, ഭാനു പയ്യന്നൂര്, ശരത് ലാല്, ദേവരാജ് കോഴിക്കോട്, അനീഷ്, ആതിര, ആമി, പാര്വണ, ഉണ്ണിരാജ, വിസ്മയ ശശികുമാര് തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
ഛായാഗ്രഹണം ഫൈസല് അലി. മനു മഞ്ജിത്ത്, ബി കെ ഹരിനാരായണന് എന്നിവരുടെ വരികള്ക്ക് അരുണ് മുരളീധരന് സംഗീതം പകരുന്നു. എഡിറ്റിംഗ് ശമീര് രാധാകൃഷ്ണന്, പ്രൊഡക്ഷന് കണ്ട്രോളര് സജീവ് ചന്തിരൂര്, കലാസംവിധാനം അജയന് മങ്ങാട്, മേകപ് ജയന് പൂങ്കുളം, കോസ്റ്റ്യൂം ഡിസൈന് സുജിത് മട്ടന്നൂര്, ചീഫ് അസോസിയേറ്റ് ഡയറക്ടര് പ്രിജിന് ജെസി, പ്രോജക്ട് ഡിസൈന് അനിമാഷ്, വിജേഷ് വിശ്വം, ഫിനാന്സ് കണ്ട്രോളര് അഞ്ജലി നമ്പ്യാര്, പ്രൊഡക്ഷന് മാനേജര് മെഹമൂദ്, പ്രൊഡക്ഷന് എക്സിക്യൂടീവ്സ് പ്രസാദ് നമ്പ്യാങ്കാവ്, അനീഷ് നന്ദിപുലം, സ്റ്റില്സ് സന്തോഷ് പട്ടാമ്പി, പരസ്യക്കല യെല്ലോടൂത്ത്, മാര്കറ്റിംഗ് ബിനു ബ്രിങ്ഫോര്ത്, പി ആര് ഒ- എ എസ് ദിനേശ്.
Keywords: Kochi, News, Kerala, Malayalam Movie, New Movie, Nadhikalil Sundari Yamuna, Release Date.
