മംഗളൂറു: (www.kasargodvatha.com) മടിക്കേരിയില്‍ കുടക് ഇന്‍സ്റ്റിറ്റിയൂട് ഓഫ് മെഡികല്‍ സയന്‍സ് വനിതാ ഹോസ്റ്റലില്‍ അതിക്രമിച്ച് കയറി ആഭാസ പ്രകടനം നടത്തിയെന്ന പരാതിയില്‍ യുവാവിനെ പൊലീസ് അറസ്റ്റ് ചെയ്തു. ഓടോറിക്ഷ ഡ്രൈവറായ കെ എന്‍ സിജില്‍(25) ആണ് അറസ്റ്റിലായത്.
പൊലീസ് പറഞ്ഞത്: ഞായറാഴ്ച മദ്യലഹരിയില്‍ നടത്തിയ മോശം പ്രവൃത്തിയില്‍ ക്ഷുഭിതരായ വിദ്യാര്‍ഥികള്‍ ഹോസ്റ്റലില്‍ സുരക്ഷാ സംവിധാനങ്ങള്‍ ഒരുക്കണം എന്നാവശ്യപ്പെട്ട് തിങ്കളാഴ്ച സമരം ചെയ്തിരുന്നു. ഇതേത്തുടര്‍ന്ന് സിജിലിനെ പിടികൂടുകയായിരുന്നു.
വാഹനങ്ങളില്‍ സഞ്ചരിക്കുന്ന ചിലരുടെ ഭാഗത്തു നിന്ന് മോശം പെരുമാറ്റം ഉണ്ടാവുന്നതായി ഹോസ്റ്റല്‍ അന്തേവാസികള്‍ പരാതിപ്പെട്ടിട്ടുണ്ട്. ഇതിന്റെ അടിസ്ഥാനത്തില്‍ സി മനു(27), എസ് പ്രശാന്ത്(27), കെ കിരണ്‍ (28) എന്നിവര്‍ക്കെതിരെയും കേസ് രജിസ്റ്റര്‍ ചെയ്തു.
Keywords: Mangalore, News, National, Top-Headlines, Crime, Misbehave; Auto Rickshaw driver arrested.