ആദ്യ മത്സരത്തില്‍ തിരുവനന്തപുരത്തെ എതിരില്ലാത്ത നാല് ഗോളിനാണ് കാസര്‍കോട് തോല്‍പിച്ചത്. ഇതില്‍ ഹാട്രിക് ഗോളുകള്‍ നേടി മിറാന മികവ് കാട്ടി . രണ്ടാം മത്സരത്തില്‍ ആലപ്പുഴയെ 6-3ന് തോല്‍പിച്ചപ്പോള്‍ മിറാന നേടിയത് നാല് ഗോളുകളാണ്. സെമി ഫൈനലില്‍ 4-1നാണ് കോഴിക്കോടിനോട് തോറ്റ് കാസര്‍കോട് പുറത്തായത്. എന്നാല്‍ ടീമിനായി ആശ്വാസ ഗോള്‍ നേടാന്‍ മിറാനക്കായി.
മൊഗ്രാല്‍ പുത്തൂര്‍ ആസാദ് നഗറിലെ മുഹമ്മദ് ഇഖ്ബാല്‍ - ഖദീജതുല്‍ ഖുബ്‌റ ദമ്പതികളുടെ മകളാണ് മിറാന. മൊഗ്രാല്‍ പുത്തൂര്‍ ഗവ. ഹയര്‍ സെകന്‍ഡറി സ്‌കൂളിലെ എട്ടാം ക്ലാസ് വിദ്യാര്‍ഥിനിയാണ് ഈ മിടുക്കി. വളരെ ചെറുപ്പത്തില്‍ തന്നെ വീടിനടുത്തുള്ള ബാചിലേഴ്സ് പുത്തൂരിന്റെ മൈതാനത്ത് ആണ്‍കുട്ടികള്‍ക്കൊപ്പം ഫുട്‌ബോള്‍ തട്ടിയാണ് താന്‍ വളര്‍ന്നതെന്ന് മിറാന കാസര്‍കോട് വാര്‍ത്തയോട് പറഞ്ഞു. ഇവിടെ നിന്നുള്ള അനുഭവങ്ങളാണ് സംസ്ഥാന തലത്തില്‍ തന്നെ മത്സരിക്കാന്‍ അവസരം ഉണ്ടാക്കിയതെന്നും മിറാന കൂട്ടിച്ചേര്‍ത്തു.
ഫുട്‌ബോള്‍ രംഗത്ത് ഏറെ മികവ് കാട്ടാറുള്ള മൊഗ്രാല്‍ പുത്തൂരിന്റെ ചരിത്രത്തില്‍ ആദ്യമായാണ് ഒരാള്‍ ജില്ലാ സബ് ജൂനിയര്‍ പെണ്‍കുട്ടികളുടെ ഫുട്‌ബോള്‍ ടീമില്‍ ഇടംനേടുന്നതും ക്യാപ്റ്റന്‍ സ്ഥാനം അലങ്കരിക്കുന്നതും. ഇനിയും കാല്‍പന്ത് രംഗത്ത് ഉയരങ്ങള്‍ കീഴടക്കാനുള്ള ഈ യാത്രയിലാണ് മിറാനയെന്ന ഈ അതുല്യ പ്രതിഭ. സുമേഷാണ് കാസര്‍കോട് ജില്ലാ ടീമിന്റെ കോച്. ജീന അസിസ്റ്റന്റും ഷീബ മാനജരുമാണ്. രിഫ കട്ടക്കാല്‍ ഫിസിയോയും സിദ്ദീഖ് ചക്കര ടെക്‌നികല്‍ കോര്‍ഡിനേറ്ററുമായും പ്രവര്‍ത്തിച്ചു.
Keywords: Mirana Iqbal, Football, State sub-junior girls football championship, Mogral Puthur, Kerala News, Malayalam News, Kasaragod News, Sports, Football News, Mirana Iqbal performed amazingly in state sub-junior girls' championship.
< !- START disable copy paste -->