കാലികറ്റ് യൂണിവേഴ്സിറ്റി മൈതാനത്ത് നടന്ന ചാംപ്യന്‍ഷിപില്‍ കാസര്‍കോട് മൂന്നാം സ്ഥാനമാണ് നേടിയത്. ആദ്യ രണ്ട് മത്സരങ്ങളിലും തിളക്കമാര്‍ന്ന വിജയങ്ങള്‍ നേടിയ ടീം സെമി ഫൈനലില്‍ പരാജയപ്പെടുകയായിരുന്നു. മൂന്നാം സ്ഥാനത്തിന് വേണ്ടിയുള്ള മത്സരത്തില്‍ മലപ്പുറത്തെ 3 - 1 ന് കാസര്‍കോട് തോല്‍പിച്ചു. നാല് മത്സരങ്ങളില്‍ നിന്നായി എട്ട് ഗോളുകളാണ് മിറാന നേടിയത്. ഇതില്‍ രണ്ട് ഹാട്രികും ഉണ്ടെന്ന പ്രത്യേകതയുമുണ്ട്.
മൊഗ്രാല്‍ പുത്തൂര്‍ ആസാദ് നഗറിലെ മുഹമ്മദ് ഇഖ്ബാല്‍ - ഖദീജതുല്‍ ഖുബ്റ ദമ്പതികളുടെ മകളാണ് മിറാന. മൊഗ്രാല്‍ പുത്തൂര്‍ ഗവ. ഹയര്‍ സെകന്‍ഡറി സ്‌കൂളിലെ എട്ടാം ക്ലാസ് വിദ്യാര്‍ഥിനിയാണ്. സ്വീകരണ ചടങ്ങില്‍ ഗ്രാമപഞ്ചായത് വൈസ് പ്രസിഡന്റ് മുജീബ് കമ്പാര്‍ മുഖ്യാതിഥിയായിരുന്നു. അലി പാദാര്‍, ഫസല്‍ കൊല്‍ക്കത്ത തുടങ്ങിയവര്‍ സംബന്ധിച്ചു.
സംസ്ഥാന ടീമിലേക്ക് തിരഞ്ഞെടുക്കപ്പെടാൻ മിറാനയ്ക്ക് മികച്ച അവസരമാണിത്. തിരഞ്ഞെടുക്കപ്പെട്ടാൽ ഈ മാസം അവസാനം പശ്ചിമ ബംഗാളിൽ നടക്കുന്ന അഖിലേൻഡ്യ ടൂർണമെന്റിൽ കേരള സബ് ജൂനിയർ ടീമിനായി പന്തുതട്ടാൻ മിറാനയുമുണ്ടാകും. ഈ അവസരത്തിനായി വലിയ പ്രതീക്ഷയോടെയാണ് കുടുംബക്കാരും നാട്ടുകാരും കാത്തിരിക്കുന്നത്.
Keywords: Football, State sub-junior girls football championship, Mogral Puthur, Kerala News, Kasaragod News, Sports News, Mirana gets warm welcome in her hometown.
< !- START disable copy paste -->