Accident | ക്ലബിലേക്ക് മീന്‍ ലോറി പാഞ്ഞുകയറി; വന്‍ ദുരന്തം ഒഴിവായി

കളനാട്: (www.kasargodvartha.com) ക്ലബ് കെട്ടിടത്തിലേക്ക് മീന്‍ ലോറി പാഞ്ഞുകയറി. ബുധനാഴ്ച പുലര്‍ചെ നാല് മണിയോടെയാണ് സംഭവം. കൊച്ചി മാര്‍കറ്റില്‍ മീന്‍ ഇറക്കി മംഗ്‌ളൂറിലേക്ക് തിരിച്ചുപോവുകയായിരുന്ന ലോറിയാണ് അപകടത്തില്‍ പെട്ടത്. കളനാട് ഉമേഷ് ക്ലബ് കെട്ടിടത്തിലേക്കാണ് ലോറി പാഞ്ഞുകയറിയത്.
           
നിയന്ത്രണം വിട്ടാണ് ലോറി ക്ലബ് കെട്ടിടത്തിനകത്തേക്ക് പാഞ്ഞുകയറിയതെന്ന് ഡ്രൈവര്‍ പറഞ്ഞു. ലോറിക്കകത്ത് ഡ്രൈവറെ കൂടാതെ സഹായിയും ഉണ്ടായിരുന്നു. ഇരുവരും പരുക്കേല്‍ക്കാതെ അത്ഭുതകരമായി രക്ഷപ്പെട്ടു.
     
അപകടം പുലര്‍ചെ ആയതുകൊണ്ട് ക്ലബില്‍ ആരുമില്ലാത്തതിനാല്‍ ആളപായം ഒഴിവായി. വിവരം അറിഞ്ഞ് മേല്‍പറമ്പ് പൊലീസ് സ്ഥലത്തെത്തി. ലോറിക്കും ക്ലബ് കെട്ടിടത്തിനും കേടുപാടുകള്‍ സംഭവിച്ചിട്ടുണ്ട്. ഡ്രൈവര്‍ ഉറങ്ങിപ്പോയതായിരിക്കാം അപകടത്തിന് കാരണമെന്നാണ് സംശയിക്കുന്നത്. < !- START disable copy paste -->