മുഖത്തും നെഞ്ചിനും തോളിനും കുത്തേറ്റ യുവാവ് മംഗ്‌ളൂറിലെ യൂനിറ്റി ആശുപത്രിയില്‍ തീവ്രപരിചരണ വിഭാഗത്തില്‍ കഴിയുകയാണ്. യുവാവിന് ബോധം വീണ്ടു കിട്ടാത്തതിനാല്‍ പിതാവ് ഇസ്മാഈലിന്റെ പരാതിയിലാണ് കുമ്പള പൊലീസ് കേസ് രജിസ്റ്റര്‍ ചെയ്തത്. പ്രദേശവാസിയായ ചന്തുവിന്റെ നേതൃത്വത്തിലാണ് ആക്രമണം നടന്നതെന്ന് വിവരം ലഭിച്ചതായി പൊലീസ് വൃത്തങ്ങള്‍ പറയുന്നു. വെട്ടേറ്റ യുവാവിന്റെ മൊഴിയെടുത്താല്‍ മാത്രമേ കൂടുതല്‍ പ്രതികള്‍ ഉണ്ടോയെന്ന് വ്യക്തമാവുകയുള്ളൂവെന്ന് പൊലീസ് വ്യക്തമാക്കി.
ലഹരി മാഫിയ സംഘത്തില്‍ പെട്ടവരാണ് യുവാവിനെ വധിക്കാന്‍ ശ്രമിച്ചതെന്നാണ് വീട്ടുകാരും പ്രദേശവാസികളും പറയുന്നത്. ലഹരി മാഫിയയെ അടിച്ചമര്‍ത്തണമെന്ന് ആവശ്യപ്പെട്ട് കഴിഞ്ഞ ദിവസം മൂന്ന് ക്ലബുകളുടെ നേതൃത്വത്തില്‍ ജനകീയ പ്രതിഷേധം നടന്നിരുന്നു. പ്രകടനത്തിന് നിരവധി പേരാണ് പങ്കെടുത്തത്. ലഹരി മാഫിയയുടെ പ്രവര്‍ത്തനം കാരണം ഇവിടെ നിന്ന് പലരും വീട് വിറ്റ് സ്ഥലം മാറിപ്പോയിട്ടുണ്ടെന്നും ഇനിയെങ്കിലും ശക്തമായ നടപടി വേണമെന്നും പ്രദേശവാസികള്‍ ആവശ്യപ്പെടുന്നു.
Keywords: Bandiyod, Uppala, Mangalore, Kumbla Police, Kerala News, Kasaragod News, Malayalam News, Crime News, Assault News, Youth held on assault charge.
< !- START disable copy paste -->