ഇതോടെ കർണാടകയിലെ ദലിതരുടേയും മുസ്‌ലിംകളുടെ ജനസംഖ്യ സംബന്ധിച്ച് മുൻ ഭരണകൂടങ്ങൾ മറച്ചു വെച്ച വിവരങ്ങളും ആ വിഭാഗങ്ങളുടെ സാമൂഹിക, സാമ്പത്തിക അവസ്ഥകളും വെളിപ്പെടുമെന്നാണ് രാഷ്ട്രീയ നിരീക്ഷകർ പറയുന്നത്. ഒന്നാം സിദ്ധാരാമയ്യ സർകാർ അധികാരത്തിലിരുന്ന 2014ലാണ് ജാതി കാനേശുമാരി കണക്കെടുപ്പിന് കർണാടക സംസ്ഥാന പിന്നാക്ക വിഭാഗ കമീഷൻ ചെയർമാൻ എച് കാന്തരാജുവിന്റെ മേൽനോട്ടത്തിൽ സംഘത്തെ നിയോഗിച്ചത്.
പിന്നാക്ക, ന്യൂനപക്ഷ വിഭാഗങ്ങളുടെ ജീവിതവുമായി ബന്ധപ്പെട്ട സമഗ്ര വിവര ശേഖരണമാണ് 1.60 കോടി വീടുകൾ കയറിയിറങ്ങി നടത്തിയത്. ഭാരത് ഇലക്ട്രോണിക് ലിമിറ്റഡ് (ഭെൽ) സർവേ റിപോർട് ഡിജിറ്റൽ രൂപത്തിലാക്കി. കാന്തരാജു 2019ൽ സർവീസിൽ നിന്ന് പിരിഞ്ഞ് ജയപ്രകാശ് ഹെഗ്ഡെ ചുമതലയിൽ വന്നെങ്കിലും ജാതി സർവേ റിപോർട് അതേപടി കിടന്നു. സർവേ റിപോർടിലെ ചോർത്തിക്കിട്ടിയ വിവരങ്ങൾ
നിയമസഭ തിരഞ്ഞെടുപ്പ് പ്രചാരണ വേളയിൽ സിദ്ധാരാമയ്യ പ്രസംഗങ്ങളിൽ പരാമർശിച്ചിരുന്നു. മുസ്ലിം, ദലിത് വിഭാഗങ്ങളുടെ ജനസംഖ്യ സർകാർ പറയുന്നതിനേക്കാൾ അധികമാണെന്ന് സ്ഥാപിക്കാനായിരുന്നു അത്.
ബസവരാജ് ബൊമ്മൈയുടെ നേതൃത്വത്തിലെ മുൻ ബിജെപി സർകാർ നടത്തിയ സംവരണ മാറ്റം സർവേ റിപോർട് പുറത്തുവരുന്നതോടെ ചോദ്യം ചെയ്യപ്പെടുമെന്ന് പറയുന്നു. അടുത്ത ലോക്സഭ, തദ്ദേശ സ്വയംഭരണ സ്ഥാപന തിരഞ്ഞെടുപ്പിന്റെ സ്ഥാനാർഥി നിർണയം ഉൾപെടെ കാര്യങ്ങളിൽ ഇനി ലിംഗായത്ത്-വൊക്കാലിക സമുദായ സന്തുലിതത്വം മതിയാവില്ലെന്നും നിരീക്ഷണമുണ്ട്.
Keywords: Siddaramaiah, Caste Survey, Karnataka, Report, BJP, Congress, JDS, HD Kumraswamy, Basavaraj Bommai, Siddaramaiah says govt will accept caste survey report shelved during his first term as CM.