Obituary | ബെംഗ്ളൂറിൽ എലിവിഷം അകത്ത് ചെന്ന നിലയിൽ അവശനിലയിൽ കണ്ടെത്തിയ കാസർകോട് സ്വദേശി ആശുപത്രിയിൽ ചികിത്സയിലിരിക്കെ മരിച്ചു

ബെണ്ടിച്ചാൽ: (www.kasargodvartha.com) എലിവിഷം അകത്ത് ചെന്ന നിലയിൽ ആശുപത്രിയിൽ ചികിത്സയിലായിരുന്ന യുവാവ് മരിച്ചു. ബെണ്ടിച്ചാൽ പി വി ഹൗസിലെ അശ്‌റഫ് - സാഹിറ ദമ്പതികളുടെ മകൻ സിയാദ് (19) ആണ് മരിച്ചത്. ബെംഗ്ളൂറിൽ ഒരു സൂപർ മാർകറ്റിൽ ജോലി ചെയ്ത് വരികയായിരുന്നു. അതിനിടെയാണ് സിയാദിനെ എലിവിഷം അകത്ത് ചെന്ന നിലയിൽ അവശ നിലയിൽ കണ്ടെത്തിയത്.

ആദ്യം ബെംഗ്ളൂറിലെ ആശുപത്രിയിൽ ചികിത്സയിലായിരുന്ന സിയാദിന്റെ ആരോഗ്യ നിലയിൽ പുരോഗതി ഉണ്ടാകാത്തതിനെ തുടർന്ന് മംഗ്ളുറു ദേർളക്കട്ടയിലെ കെ എസ് ഹെഗ്‌ഡെ ആശുപത്രിയിലേക്ക് മാറ്റിയിരുന്നു. ചികിത്സയ്ക്കിടെ ശനിയാഴ്ച പുലർചെ ഒരു മണിയോടെ മരണം സംഭവിക്കുകയായിരുന്നു.

സിയാദ് ഒരു പെൺകുട്ടിയുമായി പ്രണയത്തിൽ ആയിരുന്നുവെന്നും അടുത്തിടെ ആ പെൺകുട്ടിയുടെ വിവാഹനിശ്ചയം കഴിഞ്ഞതിനെ തുടർന്ന് യുവാവ് മനോവിഷമത്തിലായിരുന്നുവെന്നും പറയുന്നു. അതിനിടെയാണ് എലിവിഷം അകത്ത് ചെന്ന നിലയിൽ കണ്ടെത്തിയത്. പോസ്റ്റ് മോർടം നടപടി ക്രമങ്ങൾക്ക് ശേഷം മൃതദേഹം വീട്ടിലെത്തിച്ച് പിന്നീട് ബെണ്ടിച്ചാൽ ജുമാ മസ്‌ജിദ്‌ ഖബർസ്ഥാനിൽ ഖബറടക്കും. സഹോദരങ്ങൾ: സൈഫുദ്ദീൻ, ശഹന.

Keywords: News, National, Mangalore, Obituary, Hospital, Kasaragod, Treatment, Postmortem, Death, Native of Kasaragod died while undergoing treatment.

< !- START disable copy paste -->