CCTV footage | വീട്ടമ്മയുടെ മരണത്തിനിടയാക്കിയ വാഹനാപകടത്തിന്റെ ഞെട്ടിക്കുന്ന സിസിടിവി ദൃശ്യം പുറത്ത്; 3 തവണ കാർ തലകീഴായി മറിഞ്ഞു

ബേക്കൽ: (www.kasargodvartha.com) പൂച്ചക്കാട് തെക്കുപുറത്ത് കെ എസ് ടി പി സംസ്ഥാന പാതയിൽ വെള്ളിയാഴ്ച പുലർചെ 3.40 മണിയോടെയുണ്ടായ വാഹനാപകടത്തിന്റെ ഞെട്ടിക്കുന്ന സിസിടിവി ദൃശ്യം പുറത്തുവന്നു. അപകടത്തിൽ തീർഥാടനത്തിന് പോയിവരികയായിരുന്ന വീട്ടമ്മ മരണപ്പെടുകയും കാറിലുണ്ടായിരുന്ന എട്ട് പേർക്ക് പരുക്കേൽക്കുകയും ചെയ്‌തിരുന്നു.

ഹൊസംഗടി മജിബയിലിലെ പരേതനായ അബ്ദുല്ല ഹാജിയുടെ ഭാര്യയും മംഗ്ളുറു ബജ്പെ സ്വദേശിനിയുമായ നഫീസ ഹജ്ജുമ്മ (80) ആണ് മരിച്ചത്. പുലർചെ ഡ്രൈവർ ഉറങ്ങിയതാവാം അപകടത്തിന് കാരണമെന്നാണ് സംശയിക്കുന്നത്. കാർ മൂന്ന് തവണ തലകീഴായി മറിഞ്ഞതായാണ് സിസിടിവി ദൃശ്യങ്ങളിൽ നിന്ന് വ്യക്തമാകുന്നത്.

അപകടം നടക്കുമ്പോൾ ഏതാനും വാഹനങ്ങൾ ഇതുവഴി കടന്നുപോകുന്നുണ്ട്. വാഹന യാത്രക്കാർ നോക്കി നിൽക്കെയാണ് കാർ മറിഞ്ഞത്. റോഡിൽ നിന്ന് പുറത്തേക്ക് തെന്നിമാറിയാണ് ഇനോവ കാർ അപകടത്തിൽ പെട്ടത്. കോഴിക്കോട് മടവൂരിൽ തീർഥാടനത്തിന് പോയി വീട്ടിലേക്ക് മടങ്ങുകയായിരുന്ന കുടുംബമാണ് കാറിൽ ഉണ്ടായിരുന്നത്. ഗുരുതരമായി പരുക്കേറ്റ യുവതിയെയും പെൺകുട്ടിയെയും കാഞ്ഞങ്ങാട്ടെ ആശുപത്രിയിൽ നിന്നും മംഗ്ളൂറിലെ ആശുപത്രിയിലേക്ക് മാറ്റിയിട്ടുണ്ട്.

Keywords: News, Kasaragod, Bekal, Accident, Obituary, CCTV Footage, Bekal: CCTV footage of car accident out.

< !- START disable copy paste -->