അതിനിടെ, മന്ത്രവാദിനിയുടെ സഹായിയുടെ വീട് റെയ്ഡ് ചെയ്യാന്‍ പൊലീസിന് കാട്ടിക്കൊടുക്കുകയും ആവശ്യമായ സഹായങ്ങള്‍ ചെയ്തുനല്‍കുകയും ചെയ്തുവെന്ന് ആരോപിച്ച് കേസിലെ പരാതിക്കാരനെ ആക്രമിച്ചെന്ന പരാതിയില്‍ പൊലീസ് കേസെടുത്തു. മന്ത്രവാദിനിയുടെ സഹായിയായ സൈഫു, അന്‍സാര്‍, ശമ്മാസ്, കണ്ടാലറിയാവുന്ന മറ്റ് രണ്ടുപേര്‍ ചേര്‍ന്ന്, മരണപ്പെട്ട ഗള്‍ഫ് വ്യാപാരി ഗഫൂര്‍ ഹാജിയുടെ ജ്യേഷ്ഠന്‍ ശരീഫ് ഹാജിയുടെ മകന്‍ സിനാനെ പൂച്ചക്കാട് വെച്ച് തിങ്കളാഴ്ച സന്ധ്യയോടെ ആക്രമിച്ചുവെന്നാണ് കേസ്.
സിനാന്റെ പരാതിയിലാണ് സൈഫുദ്ദീനും മറ്റ് നാല് പേര്‍ക്കുമെതിരെ പൊലീസ് കേസെടുത്തിരിക്കുന്നത്. പരുക്കേറ്റ സിനാന്‍ ആശുപത്രിയില്‍ ചികിത്സ തേടി. ജാമ്യം ലഭിക്കുന്ന വകുപ്പുകളാണ് ഇപ്പോള്‍ ചുമത്തിയിട്ടുള്ളതെങ്കിലും കൂടുതല്‍ അന്വേഷണം നടത്തി വരികയാണെന്ന് പൊലീസ് പറഞ്ഞു. രണ്ടുപേരെ പൊലീസ് കസ്റ്റഡിയില്‍ എടുത്തതായും വിവരമുണ്ട്.
Keywords: Kerala News, Malayalam News, Police Case News, Gafoor Haji's Death, Kasaragod News, Crime, Crime News, Gafoor Haji's death case: 5 booked in assault case.
< !- START disable copy paste -->