Expatriate died | പ്രവാസി യുവാവ് ബൈക് അപകടത്തിൽ മരിച്ചു; ഇരയായത് ക്ഷേത്രത്തിൽ വിഷു വിളക്കുത്സവം കണ്ട്‌ മടങ്ങുന്നതിനിടെ

പയ്യന്നൂർ: (www.kasargodvartha.com) പ്രവാസി യുവാവ് ബൈക് അപകടത്തിൽ മരിച്ചു. തലായിലെ പുതുവക്കൽ അനീഷ് (38) ആണ് മരിച്ചത്. ചൊവ്വാഴ്ച പുലർചെ ഒന്നരയോടെ മാർകറ്റിനും പന സ്റ്റോപിനും ഇടയിൽ അനീഷ് സഞ്ചരിച്ച ബൈക് റോഡിൽ തെന്നിവീഴുകയായിരുന്നുവെന്നാണ് വിവരം. ഗുരുതരമായ പരുക്കേറ്റ അനീഷിനെ പരിയാരത്തെ കണ്ണൂർ ഗവ. മെഡികൽ കോളജ്‌ ആശുപത്രിയിൽ പ്രവേശിപ്പിച്ചുവെങ്കിലും മരണപ്പെടുകയായിരുന്നു.

യുഎഇയിൽ ഫയർ ആൻഡ് സേഫ്റ്റി സൈറ്റ് ഓഫീസറായ അനീഷ് ജനുവരിയിലാണ് നാട്ടിലെത്തിയത്. മല്ലിയോട്ട് ക്ഷേത്രത്തിൽ വിഷു വിളക്കുത്സവം കണ്ട്‌ മടങ്ങുന്നതിനിടെയാണ് അപകടത്തിൽ പെട്ടത്. വിഷു ആഘോഷങ്ങൾക്ക് ശേഷം വീണ്ടും യുഎഇയിലേക്ക് മടങ്ങാനിരിക്കെയാണ് ദുരന്തത്തിന് ഇരയായത്.

കെഎസ്ആർടിസി മുൻ ജീവനക്കാരനായ പരേതനായ ഉണ്ണികൃഷ്ണൻ - പുതുവക്കൽ മാധവി ദമ്പതികളുടെ മകനാണ്. അവിവാഹിതനാണ് അനീഷ്. സഹോദരന്‍: അനൂപ്. പയ്യന്നൂർ പൊലീസ് ഇൻക്വസ്റ്റ് നടത്തിയ മൃതദേഹം പോസ്റ്റുമോര്‍ടത്തിന് ശേഷം സംസ്കരിച്ചു.

Keywords: Kasaragod, Kerala, News, Obituary, Top-Headlines, Kasaragod-News, Youth, Dies, Bike, Accident, Temple, Vishu, Payyannur, Youth dies in bike acciden.
< !- START disable copy paste -->