Obituary | എലിവിഷം ശരീരത്തിനകത്ത് ചെന്ന നിലയിൽ ആശുപത്രിയിൽ പ്രവേശിപ്പിക്കപ്പെട്ട ഭർതൃമതി മരിച്ചു

നീലേശ്വരം: (www.kasargodvartha.com) എലിവിഷം ശരീരത്തിനകത്ത് ചെന്ന നിലയിൽ ആശുപത്രിയിൽ പ്രവേശിപ്പിക്കപ്പെട്ട ഭർതൃമതി മരിച്ചു. ചായ്യോം ഇടിച്ചു ഹൗസിലെ സുമേഷിന്റെ ഭാര്യ അശ്വതി (34) ആണ് മരിച്ചത്. ഇക്കഴിഞ്ഞ 20ന് ആണ് അശ്വതിയെ എലിവിഷം അകത്ത് ചെന്ന് അവശ നിലയിൽ ഭർത്താവിന്റെ വീട്ടിൽ കണ്ടെത്തിയത്.

തുടർന്ന് കോഴിക്കോട് മെഡികൽ കോളജ് ആശുപത്രിയിൽ ചികിത്സയിലിരിക്കെ തിങ്കളാഴ്ച രാവിലെയാണ് മരിച്ചത്. അസ്വാഭാവിക മരണത്തിന് കേസെടുത്ത് നീലേശ്വരം പൊലീസ് കൂടുതൽ അന്വേഷണം നടത്തി വരികയാണ്.

പരേതനായ കുഞ്ഞമ്പു - സരസ്വതി ദമ്പതികളുടെ മകളാണ്. മകൻ: വിഷ്ണു (എട്ടാം ക്ലാസ് വിദ്യാർഥി). സഹോദരൻ: അനിൽകുമാർ.

Keywords: News, Kasargod, Nileswaram, Obitury, Woman, Dies, Poison, Hospital, Kozhikode, Medical College, Treatment, Case, Police, Investigation, Woman dies due to rat poison.
< !- START disable copy paste -->