ഈസ്റ്ററും വിഷുവും പെരുന്നാളും ഒരുമിച്ച് വന്നതിനാല്‍ ഇത്തവണ പുത്തന്‍ ഉണര്‍വാണ് വ്യാപാര മേഖലയില്‍ ഉണ്ടായിട്ടുള്ളത്. മുന്‍ വര്‍ഷങ്ങളെ അപേക്ഷിച്ച് ഇപ്രാവശ്യം വന്‍തിരക്കാണ് അനുഭവപ്പെടുന്നതെന്ന് വ്യാപാരികള്‍ പറയുന്നു. കുട്ടികള്‍ക്കും, സ്ത്രീകള്‍ക്കും, യുവാക്കള്‍ക്കും ട്രെന്‍ഡനുസരിച്ചുള്ള പുത്തന്‍ വസ്ത്രങ്ങളും, പാദരക്ഷകളുമാണ് വ്യാപാരികള്‍ ഒരുക്കിയിട്ടുള്ളത്.
അതേപോലെ വിവിധയിനം അപ്പങ്ങളുമായി പെരുന്നാള്‍ പലഹാരത്തിന്റെ വന്‍ ശേഖരങ്ങള്‍ ബേകറികളിലും ഇടം പിടിച്ചിട്ടുണ്ട്. കഠിനവും, അസഹനീയുമായ ചൂട് കാരണം പെരുന്നാള്‍ പലഹാരങ്ങള്‍ വീട്ടില്‍ ഉണ്ടാക്കുന്നതില്‍ നിന്ന് പല വീട്ടമ്മമാര്‍ മാറിനില്‍ക്കുന്നതിനാല്‍ ബേകറികളിലും വലിയ തോതില്‍ ആളുകള്‍ എത്തുന്നുണ്ട്.
പുത്തന്‍തരത്തിലുള്ള മൈലാഞ്ചികളും വിപണി കീഴടക്കിയിട്ടുണ്ട്. വീടുകളില്‍ പാരമ്പര്യമായി ഉണ്ടാക്കിയ മൈലാഞ്ചികള്‍ക്കും ആവശ്യക്കാര്‍ ഏറെയാണ്. ഉപഭോക്താക്കളുടെ തിരക്ക് കാരണം രാത്രി വൈകിയും ഇപ്പോള്‍ കടകള്‍ പ്രവര്‍ത്തിക്കുന്നുണ്ട്. കുടുംബസമേതം നഗരങ്ങളില്‍ എത്തുന്നവരുടെ എണ്ണം ദിവസവും കൂടുന്നത് വ്യാപാരികള്‍ക്കും വലിയ പ്രതീക്ഷയാണ് സമ്മാനിക്കുന്നത്.
Keywords: Ramadan-News, Muslim-News, Eid-News, Market-News, Kerala News, Malayalam News, Kasaragod News, Eid Shopping, Heavy rush in markets as Eid nears.
< !- START disable copy paste -->