Police Vehicles | കാസര്‍കോട് പൊലീസിന് ഥാര്‍ ജീപ് ഉള്‍പെടെ 10 പുതിയ എസി വാഹനങ്ങള്‍; കൂടാതെ 2 ബൈകും; ഫ്ലാഗ് ഓഫ് ജില്ലാ പൊലീസ് മേധാവി നിര്‍വഹിച്ചു

കാസര്‍കോട്: (www.kasargodvartha.com) ജില്ലാ പൊലീസിന് ഥാര്‍ ജീപ് ഉള്‍പെടെ 10 പുതിയ എസി വാഹനങ്ങള്‍ ലഭിച്ചു. ഇത് കൂടാതെ രണ്ട് ബൈകുകളും അനുവദിച്ചിട്ടുണ്ട്. ഒരു ഥാര്‍ ജീപും ഒമ്പത് ബൊലേറോ വാഹനവുമാണ് ജില്ലാ പൊലീസിന് അനുവദിച്ചിരിക്കുന്നത്. ഇതില്‍ ബൊലേറോ മഞ്ചേശ്വരം, കുമ്പള, കാസര്‍കോട്, ബേഡകം, ചിറ്റാരിക്കാല്‍, അമ്പലത്തറ പൊലീസ് സ്റ്റേഷനുകള്‍ക്കും ഓരോ ബൊലേറോ വീതം ഫിംഗര്‍ പ്രിന്റ് വിഭാഗത്തിനും ജില്ലാ സ്പെഷ്യല്‍ ബ്രാഞ്ചിനുമാണ് നല്‍കിയത്.

കാസര്‍കോട് കണ്‍ട്രോള്‍ റൂമിന് ഥാര്‍ ജീപും ഒരു ബൊലോറോയും രണ്ട് ബൈകും അനുവദിച്ചിട്ടുണ്ട്. വാഹനങ്ങളുടെ ഫ്ലാഗ് ഓഫ് ചടങ്ങ് കാസര്‍കോട് ജില്ലാ പൊലീസ് ആസ്ഥാനത്ത് നടന്നു. ജില്ലാ പൊലീസ് മേധാവി ഡോ. വൈഭവ് സക്‌സേനയാണ് ഫ്ലാഗ് ഓഫ് നിര്‍വഹിച്ചത്. അഡീഷണല്‍ എസ് പി പികെ രാജീവ്, കാസര്‍കോട് ഡിവൈഎസ്പി പികെ സുധാകരന്‍ എന്നിവരും സംബന്ധിച്ചു.

പുതിയ വാഹനങ്ങള്‍ ലഭിച്ചതോടെ ഓപറേഷന്‍ ക്ലീന്‍ കാസര്‍കോട് ഉള്‍പെടെയുള്ള ജില്ലാ പൊലീസിന്റെ നടപടികള്‍ക്ക് ഗതിവേഗം കൈവരുമെന്ന് ഉന്നത ഉദ്യോഗസ്ഥര്‍ പറഞ്ഞു.

Keywords: Kasaragod, Kerala, News, Vehicles, Police, Jeep, Bike, Police Station, Flag-Off, DYSP, Top-Headlines, 10 new AC vehicles including Thar Jeep for Kasaragod Police.
< !- START disable copy paste -->