Conference | വ്യാപാരി വ്യവസായി സമിതി കാസര്‍കോട് ജില്ലാ സമ്മേളനത്തിന് ഉജ്വല സമാപനം; പുതിയ ഭാരവാഹികളെ തെരഞ്ഞെടുത്തു; പി കെ ഗോപാലന്‍ പ്രസിഡന്റ്, ടിവി ബാലന്‍ സെക്രടറി

പാലക്കുന്ന്: (www.kasargodvartha.com) കേരള സംസ്ഥാന വ്യാപാരി വ്യവസായി സമിതി ജില്ലാ സമ്മേളനത്തിന് ഉജ്വല സമാപനം. പ്രകടനത്തിലും പൊതുയോഗത്തില്‍ അനവധി പേര്‍ അണിചേര്‍ന്നു. കോട്ടിക്കുളം പൊലീസ് സ്റ്റേഷന്‍ പരിസരം കേന്ദ്രീകരിച്ച് തുടങ്ങിയ പ്രകടനത്തില്‍ ബാന്‍ഡ് മേളയും യക്ഷഗാന രൂപങ്ങളും അണിനിരന്നു. പാലക്കുന്ന് വി നാരായണന്‍ നഗറില്‍ പൊതുസമ്മേളനം സംസ്ഥാന ജോയിന്റ് സെക്രടറി സികെ വിജയന്‍ ഉദ്ഘാടനം ചെയ്തു.
           
ജില്ലാ പ്രസിഡന്റ് പികെ ഗോപാലന്‍ അധ്യക്ഷത വഹിച്ചു. സംസ്ഥാന ജോയിന്റ് സെക്രടറി വി ഗോപിനാഥ്, സംസ്ഥാന കമിറ്റിയംഗം പങ്കജവല്ലി, സംഘാടകസമിതി ചെയര്‍മാന്‍ മധുമുതിയക്കാല്‍, ജെനറല്‍ കണ്‍വീനര്‍ ടിസി സുരേഷ് എന്നിവര്‍ സംസാരിച്ചു. ജില്ലാ സെക്രടറി ടിവി ബാലന്‍ സ്വാഗതം പറഞ്ഞു.
       
പുതിയ ജില്ലാ ഭാരവാഹികള്‍: പി കെ ഗോപാലന്‍ (പ്രസിഡന്റ്), ടിവി ബാലന്‍ (സെക്രടറി), വി വി ഉദയകുമാര്‍ (ട്രഷറര്‍), കെഎച് മുഹമ്മദ്, എം മാധവന്‍, പ്രശാന്ത് ചെറുവത്തൂര്‍, ലിജു അബൂബകര്‍ (വൈസ് പ്രസിഡന്റ്), സത്യന്‍ പടന്നക്കാട്, ഇ രാഘവന്‍, മുഹമ്മദ് റിയാസ്, ടി ശശിധരന്‍ (ജോ. സെക്രടറി). < !- START disable copy paste -->